Morgunblaðið - 20.07.2008, Side 25

aukahlutverkum voru valdir af
vandfýsi, þar sem fjöldi skapgerð-
arleikara kom við sögu. En þrátt
fyrir snaggaralega hlutdeild Cliffs
Robertson, Burgess Meredith, Vin-
cents Price og fleiri magnaðra leik-
listarkrafta, lauk sjónvarps-
tímabilinu fyrr en varði. Heimurinn
var enn ekki tilbúinn til að taka á
móti ofurhetjum á öðrum vettvangi
en í teiknimyndasögum.
Hasarblaðahetja
flytur á tjaldið
Hugmyndin um að gera leikna
bíómynd um Batman er orðin 65
ára gömul, árið 1943 komu 15 þætt-
ir um þá Batman og Robin, alls
tæpar 5 klukkustundir og var þeim
dreift í kvikmyndahús vítt og breitt.
Síðan gerist fátt eitt í bíómálum
Leðurblökumannsins uns Warner
Bros vekja garpinn upp með miklu
havaríi árið 1989 og hefur kempan
því verið viðloðandi kvikmyndasal-
ina síðustu 20 árin.
Batman (́89), er leikstýrt af Tim
Burton, sem fékk ómælt fé til að
gera myndina þá bestu í geiranum,
en þá hafði Superman o.fl., notið al-
heimshylli á tjaldinu. Michael Kea-
ton fór leikara fyrstur með titilhlut-
verkið og gæðaleikarar mönnuðu
aukahlutverk, sem varð samstundis
að fastri hefð. Jack Nicholson lék
Jókerinn, Kim Basinger, Billy Dee
Williams, Jack Palance og hinn
óborganlegi Michael Gough (Alfred
Pennyworth), hresstu öll upp á
flotta brellumynd. Myndin kostaði
35 milljónir dala og tók það inn tí-
falt þannig að framhaldsmynd var
ekki umflúin og eitt þekktasta
„vörumerki“ kvikmyndasögunnar
var í fæðingu.
Batman Returns (’92), fylgdi í
kjölfarið, hún var talsvert dýrari og
gekk jafnframt enn betur en frum-
myndin. Mörgum bauð þó við
Danny De Vito í hlutverki Mörgæs-
arinnar, vel þekkts óbermis úr has-
arblöðunum og sjónvarpsþáttunum
(þar sem hann var meistaralega
leikinn af Burgess Meredith). Á
meðan Mörgæsin skóflaði í sig heilu
síldartunnunum með hreistri og
slori, stóð Leðurblökumaðurinn í
kröppum dansi við hann og annað
illþýði Gotham-borgar. Þar var
kvensniftin Cat Woman (Michelle
Pfeiffer), ámóta seiðandi og De Vito
var ógeðslegur. Gough var á sínum
stað og Christopher Walken leidd-
ist ekki undir leikstjórn Burtons, í
sínu fyrsta, mannsæmandi hlut-
verki um langa hríð.
Batman Forever (́95), var aft-
urför, rösklega meðalmynd, enda
kominn köttur í ból bjarnar; Joel
Schumacher tekinn við stjórninni af
Burton. Þá var Val Kilmer kominn í
leðurblökuhaminn, sem var tví-
mælalaust til batnaðar. Líkt og
fyrri daginn voru frægir gestaleik-
arar á hverju strái: Tommy Lee
Jones, Jim Carrey, Nicole Kidman
og Drew Barrymore. Þriðji kaflinn
bætti fyrri aðsóknarmet Leð-
urblökumynda og ráðist var í þá
næstu með offorsi.
Batman and Robin átti að skara
fram úr en er engu að síður versta
mynd bálksins. Schumacher leik-
stýrir af miklum viðvaningsbrag
(hann útskýrði það síðar í ævisögu
sinni að á þessum tíma hefði hann
tæpast vitað hvar hann var staddur
sökum eiturlyfjaneyslu, svo ekki
var von á góðu). Handritið er sýnu
verri endaleysa þar sem sjálfur
Schwarzenegger leikur meginill-
ingjann, Mr. Freeze. Hann var
ómögulegur og það sama verður að
segja um sætabrauðsdrenginn
George Clooney, sem tekinn var við
titilhlutverkinu. Clooney er flinkur
gamanleikari, lunkinn leikstjóri og
hroðalegur Leðurblökumaður.
Jafnvel þær Uma Thurman og Alice
Silverstone bættu ekki upp á útlitið
og var myndin þeim frekar til traf-
ala á ferlinum. Allt er þetta lið þó í
banastuði í samanburði við frammi-
stöðu Chris O’Donnells, dægurs-
tjörnu í titilhlutverki Robins.
Það brást allt sem brugðist gat;
Schwarzenegger, Clooney og hing-
að til skotheld uppskrift að vel-
gengni. Engin furða að Warner
kippti að sér höndunum og setti
Leðurblökumanninn í salt um ára-
bil. Þeir áttu kvikmyndaréttinn og
biðu þess að þau gleymdust, mis-
tökin Batman og Robin – og ásætt-
anlegt, ferskt handrit skyti upp
kollinum.
Nýtt upphaf
Einn snjallasti teiknimynda-
sagnahöfundur samtímans er
Bandaríkjamaðurinn Frank Miller
(Daredevil, Sin City, 300, o.fl.) og
þessi pólitíski og hömlulausi lista-
maðurinn var sá sem rétti úr kút
Leðurblökumannsins. Miller skrif-
aði fjórar, nýjar bækur um per-
sónuna undir samheitinu Batman:
The Dark Knight Returns. Þær
komu út árið 1986 og ollu reyndar
ekki fjaðrafoki í herbúðum War-
ners, það gerðist seinna.
Breski leikstjórinn Christopher
Nolan vakti aðdáun með Memento
árið 2000, og sýndi að honum voru
ýmsar leiðir færar í Insomnia (́02),
heimskautatryllinum góða. Á svip-
uðum tíma gerði rithöfundurinn
David S. Goyer eftirtektarverðar og
mjög persónulegar, myrkar mynd-
ir, sem vöktu umtal og aðsókn
(Blade-þrennan, Dark City, The
Crow). Þarna var komið það nýja
blóð og ferska hugmyndaflug sem
framleiðendurnir töldu nauðsynlegt
til að endurvekja trú almennings á
hinn fyrrum ofurvinsæla Leð-
urblökumann.
Goyer skrifaði handrit sem hann
byggði á bókum Millers, um mið-
aldra Batman, sem kemur aftur
fram í dagsljósið í Gotham, eftir
langt hlé. Farið er ofan í saumana í
sálarlífi hetjunnar, hokið af öm-
urlegri lífsreynslu foreldramiss-
isins. Nolan valdi hinn fremur óaðl-
aðandi landa sinn, Christian Bale,
til að leika tvöfalt hlutverk Waynes/
Batmans, og ábúðamikill Liam
Neeson sinnti föðurhlutverkinu í
endurkomumyndinni Batman Beg-
ins (́05). Tveir höfðingjar, fasta-
leikarar í fyrri myndunum, þeir Go-
ugh og Pat Hingle (lék James
Gordon lögreglustjóra), voru fallnir
frá og leysti Nolan vandann með
því að fá Sir Michael Caine til að
leika bötlerinn Pennyworth. Mynd-
in, sem var tekin að hluta til á Ís-
landi, stóð undir væntingum á flest-
um vígstöðvum og naut ágætrar
aðsóknar þó mörgum þætti hún
kafa fulldjúpt niður í sorta sál-
arkima Leðurblökumannsins.
Svarti riddarinn fer á stjá
Miklar væntingar eru bundnar
við The Dark Knight, ekki síst þar
sem myndin hefur slegið öll fyrri
mat á forseldum aðgöngumiðum.
Hún á að taka við keflinu þar sem
Batman Begins skildi við áhorfand-
ann, óvissan en vongóðan um nýja
og glæsilega myndaröð í uppsigl-
ingu. Bale fer sem fyrr með tit-
ilhlutverk Waynes/Batmans, en það
vekur óneitanlega athygli að hinum
nýlátna, ástralska gæðaleikara
Heath Ledger, er úthlutaður rýmri
tími og gaumur í myndskeiðunum
sem sýnd hafa verið úr myndinni.
Ledger hefur fengið góða dóma
fyrir leik sinn í hlutverki illingjans,
Jókersins, sem Nicholson skilaði
svo eftirminnilega við upphaf
bálksins. Ledger mun örugglega
eiga sinn þátt ef svo fer sem War-
ner-bræður ætla, að The Dark
Knight verði Leðurblökumynda
vinsælust. Og sjálfsagt fær hann
Óskarinn fyrir frammistöðu sína í
mynd sem er ætlað að taka yfir
milljarð dala.
Ljósmynd/David James
MORGUNBLAÐIÐ SUNNUDAGUR 20. JÚLÍ 2008 25
Stephen Vaughan
umaður
Búlgaría
Perla Svartahafsins
frá kr. 69.990
Golden Sands í Búlgaríu hefur slegið í gegn hjá Íslendingum.
Terra Nova býður 13 nátta ferð 18. – 31. ágúst á ótrúlegum kjörum.
Þessi einstaki sumarleyfisstaður býður þín með frábæra strönd,
einstakt loftslag, ótæmandi afþreyingarmöguleika, fjölbreytta
veitingastaði og fjörugt næturlíf. Í boði eru frábær sértilboð á tvo
vinsælustu gististaði Búlgaríu. Hotel Perla og Club Paradise Park.
Gríptu tækifærið og njóttu lífsins á perlu Svartahafsins.
Allra síðustu sætin!
Hotel Perla ***
Verð kr. 69.990
Netverð á mann, m.v. gistingu í
tvíbýli, í 13 nætur, 18. ágúst - 31.
ágúst.
Club Paradise Park ****
Verð kr. 69.995
Netverð á mann, m.v. 2 fullorðna
og 2 börn, 2-11 ára, í íbúð í 13
nætur, 18. ágúst - 31. ágúst.
Verð kr. 79.990
Netverð á mann, m.v. 2 í íbúð í 13
nætur, 18. ágúst - 31. ágúst
18. - 31. ágúst
Athugið að það er mjög takmarkaður fjöldi flugsæta og gistingar í
boði á þessu einstaka tilboðsverði!