Morgunblaðið - 06.08.2008, Blaðsíða 2
2 MIÐVIKUDAGUR 6. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
HÁLENDI Íslands er varla fært ferðamönnum
nema rétt yfir hásumarið en þá má líka eiga þar
dásamlegar stundir, eins og ferðamenn í Dreka-
gili austan Öskju fengu að reyna. Að sögn
Hrannar Guðmundsdóttur, landvarðar í Dreka-
gili, hefur tíðin verið góð í sumar og hitabylgjan
margumtalaða jafnvel teygt anga sína inn á
öræfi. Til að mynda hefur ekkert snjóað í Dreka-
gili í júlí, eins og má þó eiga von á, heldur hitinn
þvert á móti náð 20°. Eini ókosturinn er að þurr-
viðrinu getur fylgt sandfok, enda Drekagil vikri
þakin eyðimörk. unas@mbl.is
Morgunblaðið/Golli
Sumarblíða jafnt á hálendi sem láglendi
FRÉTTASKÝRING
Eftir Önund Pál Ragnarsson
onundur@mbl.is
RAUNVERÐ húsnæðis hefur lækkað um 10% á
þessu ári. Nafnverð hefur lækkað um 1,1% og
verðbólga verið 9%. Greining Glitnis spáir 15%
lækkun raunverðs á þessu ári, 6% nafnverðs-
lækkun og áframhaldandi 3% nafnverðslækkun á
árinu 2009. Auðbjörg Ólafsdóttir, hagfræðingur
hjá Greiningu Glitnis, segir helstu áhrifaþætti í
þessari spá vera lausafjárkreppu, versnandi horf-
ur á vinnumarkaði og væntingar í hagkerfinu, auk
áframhaldandi verðbólgu. Snar þáttur í þeirri
nafnverðslækkun sem Greining Glitnis spáir sé
hins vegar hið mikla magn óseldra nýbygginga
sem eru á markaðnum. Í framhaldinu verði þær
íbúðir seldar á niðursettu verði og það hafi áhrif
til nafnverðslækkunar. Nafnverðslækkunin geri
lendinguna í yfirstandandi niðursveiflu harðari en
nýleg dæmi eru um. Til dæmis hafi aldrei orðið
neinar nafnverðslækkanir í síðustu niðursveiflu,
árið 2001, heldur einungis raunverðslækkanir sem
séu auðveldari viðfangs.
Kippur kom þó í fasteignasölu í júlí miðað við
fyrri mánuði og markaðurinn var öllu líflegri.
Ingibjörg Þórðardóttir, formaður Félags fast-
eignasala, segir þetta byrjunina á því að mark-
aðurinn batni á ný. Að hluta til rekur hún þetta til
breytinga hjá Íbúðalánasjóði í júní og afnáms
stimpilgjalda við fyrstu íbúðarkaup. Hún neitar
því hins vegar ekki að haldi gjaldþrot og upp-
sagnir áfram í haust hafi það neikvæð áhrif.
Ingibjörg segir hreinlega ekki hægt að frysta
markaðinn í skyndingu eins og bankarnir hafi
reynt með því að hætta nánast útlánum. Íbúða-
markaðurinn sé fyrir lifandi fólk sem þurfi svig-
rúm til að breyta búsetu sinni eftir þörfum. Ingi-
björg segir óvíst að óseldar nýbyggingar valdi á
næstunni mikilli verðlækkun. Sömu nýbyggingar
hafi verið á markaðnum undanfarna mánuði án
þess að valda mikilli lækkun á nafnverði.
Óseldu húsin valda áhyggjum
Húsnæðismarkaður tók kipp í júlí, 314 samningar m.v. 206 í júní og 228 í maí
Nafnverðslækkun á íbúðum á höfuðborgarsvæðinu merki um harða niðursveiflu
Samkvæmt vef Fasteignamats
ríkisins varð kippur í fast-
eignasölu í júlí miðað við fyrri
mánuði. 314 kaupsamningum
var þinglýst á höfuðborg-
arsvæðinu í júlí, miðað við
206 í júní og 228 í maí. Einn-
ig varð aukning á Akureyri,
þ.e. 38 samningar í júlí en 30
í júní og 28 í maí. Litlar
breytingar urðu á Árborgar-
svæðinu.
Aðgerðir stjórnvalda til að
lífga íbúðamarkaðinn við eru
taldar skipta máli í þessu.
Sölukippur
HÉRAÐSDÓMUR Reykjavíkur úr-
skurðaði í gær karlmann um tví-
tugt í gæsluvarðhald til næstkom-
andi föstudags. Maðurinn er
grunaður um aðild að innbrotum á
höfuðborgarsvæðinu og hefur
nokkurt magn þýfis fundist við hús-
leitir. Lögregla höfuðborgarsvæð-
isins fer með rannsókn málsins.
Tilkynnt voru sjö innbrot til lög-
reglunnar á höfuðborgarsvæðinu
eftir verslunarmannahelgina.
Grunaður
um innbrot
í borginni
Eftir Þorbjörn Þórðarson
thorbjorn@mbl.is
LJÓST er að reglur voru brotnar sl.
sunnudag þegar fólk var flutt með
hraðbát og síðan trillu til Vest-
mannaeyja án björgunarvesta, gegn
greiðslu. Trillan sem flutti fólkið til
Eyja hefur ekki leyfi til farþega-
flutninga en fólkið greiddi 7.000 kr.
fyrir ferðina.
„Þetta var tómt rugl, þetta var
fólk sem þurfti nauðsynlega að kom-
ast til Eyja. Það borgar sig ekki að
standa í þessu,“ segir viðmælandi
Morgunblaðsins sem tók þátt í flutn-
ingunum. Eigandi bátanna tengist
hvorki flugfélagi né öðrum sem
flytja fólk til eyjanna.
„Við ætluðum með flugi frá Bakka
til Vestmannaeyja á sunnudeginum.
Klukkan var að verða fimm og það
var búið að gefa það út að ekki yrði
flogið eftir sex. Við fengum ábend-
ingu um að bátur gæti sótt hópinn og
ferjað okkur til Eyja,“ segir Helga
Guðrún Lárusdóttir, einn farþeg-
anna.
„Starfsmenn á Bakkaflugvelli
keyrðu okkur því til ósa Markar-
fljóts þar sem við fórum 6-8 saman í
lítinn gúmmíbát. Það var töluvert
um öldugang og við fengum ekki
björgunarvesti. Upphaflega áttum
við að fara með gúmmíbátnum í átt
að trillu sem átti síðan að flytja okk-
ur til Eyja. Vélin gaf sig í litla bátn-
um og annar hraðbátur [Zodiac-
bátur með hörðum botni] þurfti því
að sækja okkur og ferja okkur milli
gúmmíbátsins og trillunnar. Þar
voru engin björgunarvesti heldur.
Við þurftum því á hafi úti að stökkva
um borð í hraðbátinn og eitthvað af
farangrinum lenti tímabundið í sjón-
um.“
Engin björgunarvesti
Helga segir að hún og vinkonur
hennar hafi orðið verulega hræddar
þegar vél gúmmíbátsins stöðvaðist,
enda miklar öldur. Þær hafi staðið í
þeirri trú að þær fengju björgunar-
vesti í hraðbátnum, en það gerðist
ekki. Hann fór hratt yfir og hún seg-
ir það hafa verið mjög óþægilega lífs-
reynslu, þar sem engin voru vestin.
Farþegar fengu ekki björgunarvesti
Flutt til Eyja í trillu og hraðbát gegn greiðslu án björg-
unarvesta og tilskilinna leyfa Skiptu tvisvar um bát
„ÖLL skip í farþegaflutningum þurfa að hafa farþega-
leyfi. Aðeins eitt skip hefur heimild til farþegaflutninga
milli lands og Eyja, en það er Herjólfur. Það þarf björg-
unarvesti, gúmmíbjörgunarbát og annan öryggisbúnað í
alla báta. Trillur eru ekki nýttar til farþegaflutninga og
ekki hraðbátar heldur,“ segir Helgi Jóhannesson,
forstöðumaður hjá Siglingastofnun. Bátar sem fái
farþegaleyfi þurfi jafnframt að hafa farið í gegnum
skoðun hjá Siglingastofnun. Allir í áhöfn skipa sem not-
uð eru í farþegaflutningum þurfa að hafa farið í Slysa-
varnaskóla sjómanna og sækja sérstök námskeið í hóp-
og neyðarstjórnun.
„Áhafnir farþegaskipa þurfa alþjóðleg skírteini og skipstjóri, vélstjórar
og stýrimenn þurfa að uppfylla þau skilyrði sem felast í slíkum skírtein-
um,“ segir Helgi. Að sögn Helga hefur Siglingastofnun ekki fengið þetta
tiltekna mál inn á borð til sín, en ef lýsingin sé rétt eigi lögreglan að taka
málið til rannsóknar.
Lögreglan ætti að taka
málið til rannsóknar
Helgi Jóhannesson
MEINT fórnarlamb kynferðis-
ofbeldis í Vestmannaeyjum leitaði
aðstoðar á heilsugæslunni í Eyjum
eftir verslunarmannahelgina en
lögreglan hefur ekki fengið kæru
vegna málsins. Tvær konur hafa þá
leitað á neyðarmóttöku sjúkrahúss-
ins á Akureyri eftir helgina en ekki
fengust upplýsingar í gær um hvort
málin hafi verið kærð til lögreglu.
Enginn þolandi kynferðisofbeldis
leitaði á neyðarmóttöku Landspít-
alans í Fossvogi í gær að sögn Ey-
rúnar Jónsdóttur hjúkrunarfræð-
ings á neyðarmóttöku.
Fór á neyðar-
móttöku í Eyjum