Morgunblaðið - 06.08.2008, Blaðsíða 12
12 MIÐVIKUDAGUR 6. ÁGÚST 2008 MORGUNBLAÐIÐ
FRÉTTIR
FRÉTTASKÝRING
Eftir Ylfu Kristínu K. Árnadóttur
ylfa@mbl.is
BETUR gengur að ráða starfsfólk á
elliheimili og í leikskóla en á sama
tíma í fyrra. Þetta er álit fjölmargra
viðmælenda í stjórnunarstörfum
sem leitað var til. Þó víða vanti enn
starfsfólk segjast flestir bjartsýnir á
að manna takist lausar stöður fyrir
haustið.
Fleiri sækja í umönnunarstörf
Hjá dvalar- og hjúkrunarheim-
ilunum Grund og Hrafnistu fengust
þær upplýsingar að vel hefði gengið
að ráða fólk til starfa í haust, þegar
sumarstarfsmennirnir hverfa á
brott. Staðan væri mun betri en í
fyrra en þá hefði reynst erfitt að
manna lausar stöður.
Á Grund er staðan fyrir haustið
„lofandi“ sem er töluverður viðsnún-
ingur frá stöðu seinasta árs. Þar
vinna um 300 manns í 200 stöðugild-
um en tæpur þriðjungur starfsfólks-
ins er af erlendum uppruna og hefur
það hlutfall haldist frekar stöðugt
síðustu árin.
Aukinn áhuga á störfum hjá
Hrafnistu má rekja, að sögn Péturs
Magnússonar framkvæmdastjóra,
til ímyndarátaks sem ráðist var í
seinasta vetur sem og til efnahags-
ástandsins í þjóðfélaginu. „Við erum
í miklu betri málum en á sama tíma í
fyrra,“ segir hann.
Rúmlega 900 manns starfa hjá
Hrafnistu í um 540 stöðugildum og
eru 15-20% af erlendum uppruna.
Í fyrrasumar glímdu leikskólar
höfuðborgarsvæðisins við gríðar-
lega manneklu og lýsti Félag leik-
skólakennara m.a. yfir áhyggjum
sínum vegna ástandsins. Þó
menntasvið Reykjavíkurborgar eigi
eftir að taka saman heildartölur um
stöðu leikskólanna fengust þær
upplýsingar á stærstu leikskólun-
um að vel gengi að ráða í lausar
stöður og væri ástandið mun betra
en í fyrra.
Leikskólastjórar bjartsýnir
Sögðust flestir leikskólastjórar
vera afar bjartsýnir fyrir haustið og
sannfærðir um að leikskólarnir
yrðu „í góðum málum.“
Svipaða sögu er að segja frá
Kópavogi, Garðabæ og Hafnarfirði.
Hjá þeim leikskólastjórum sem haft
var samband við vantaði 1–3 starfs-
menn. Þeir sögðu það vera svipaða
eða betri stöðu en í fyrra og voru
allir mjög bjartsýnir á að ráða tæk-
ist í allar stöður í haust. Á einum
leikskólanum var sagt að þó ástand-
ið þar væri svipað og í fyrra væru
horfurnar hins vegar mun betri.
Morgunblaðið/Brynjar Gauti
Bjartsýnir Leikskólastjórar segja margir hverjir að vel gangi að ráða í lausar stöður fyrir haustið og ástandið sé töluvert betra en á sama tíma í fyrra.
Ráðningar ganga betur
Auðveldara að ráða í umönnunarstörf á elliheimilum en á sama tíma í fyrra
Leikskólastjórar bjartsýnir á að takist að manna lausar stöður fyrir haustið
LÖGREGLAN á Vestfjörðum fékk
tilkynningu um ölvaðan ökumann
á húsbíl á tjaldsvæði á Þingeyri
aðfaranótt laugardagsins. Hafði
maðurinn ekið yfir hluta tjalds
sem erlendur ferðamaður var í.
Tjaldbúinn náði til allrar ham-
ingju að velta sér undan þegar bíl-
ljósin nálguðust tjaldið. Annar
ökumaður, sem grunaður er um
ölvun, var stöðvaður á Barða-
strönd á laugardaginn, að sögn
lögreglu.
Tjaldbúi í
bráðri hættu
FIMM fíkniefnamál komu til kasta
lögreglunnar á Akranesi um versl-
unarmannahelgina en lögreglan
lagði sérstaka áherslu á fíkniefna-
eftirlit í bænum sem og á eftirlit
með akstri undir áhrifum ólöglegra
fíkniefna. Lögregla lagði hald á 20
grömm af maríjúana, 15 grömm af
amfetamíni og lítilræði af hassi og
kókaíni.
Þá voru fimm ökumenn staðnir
að akstri undir áhrifum ólöglegra
fíkniefna og einn ökumaður undir
áhrifum áfengis.
Eftirlitið bar
árangur„Við teljum að allir eigi að getafengið vinnu,“ segir Þorkell Guð-
jónsson, framkvæmdastjóri Ráðn-
ingarþjónustunnar. Hann segir að
nú sé mjög góður tími fyrir fyrir-
tæki til að fá fólk í vinnu en sökum
nokkurs fjölda uppsagna keppi
fleiri um sömu stöðurnar og þann-
ig eigi fyrirtækin að geta valið
hæfara fólk í störfin.
Þorkell segir ákveðna leiðrétt-
ingu eiga sér stað á markaðnum
núna. Í fyrra voru færri sem sóttu
um laus störf og því margir sem
fengu of krefjandi vinnu en nú
verði fólk að sætta sig við stöður
sem krefjist minna af því og séu að
sama skapi ekki jafn vel launaðar.
Hulda Helgadóttir, fram-
kvæmdastjóri HH ráðgjafar – ráðn-
ingarþjónustu, segir þróunina þá
að betra jafnvægi sé að nást milli
framboðs og eftirspurnar á vinnu-
markaðnum. Hún hefur ekki greint
merki þess að við blasi verulegt at-
vinnuleysi þó framboð muni lík-
lega minnka í sumum atvinnu-
greinum með haustinu. Betur gan-
gi að ráða í sérhæfðar stöður sem
erfitt var að fylla í fyrra en helstu
breytingarnar séu að launakröfur
hafa lækkað í sumum greinum.
Framboð og eftirspurn að ná jafnvægi
Morgunblaðið/Ómar
Hegningarhúsið Baldur Þórhallsson fer í dag á slóðir eina mannsins sem
hefur verið dæmdur fyrir samkynhneigð hér á landi.
Eftir Halldóru Þórsdóttur
halldorath@mbl.is
ÉG gæti gengið um borgina í heila
viku, það er svo margt að segja frá.
Vandinn var í raun að forgangsraða
hvaða staði skyldi heimsækja,“ segir
Baldur Þórhallsson, prófessor í
stjórnmálafræði. Baldur leiðir í dag,
miðvikudag, göngu um söguslóðir
samkynhneigðar í Reykjavík. At-
burðir eru raktir allt frá árinu 1882,
en gluggað verður í dagbækur skóla-
pilta við Lærða skólann í Reykjavík
frá þeim tíma. Í göngunni verður
meðal annars litið við þar sem fyrsta
mótmælastaða samkynhneigðra var
haldin árið 1982 og sagt frá eina
manninum sem hefur verið dæmdur
fyrir samkynhneigð hér á landi, á
þriðja áratug síðustu aldar.
„Það kom mér svo skemmtilega á
óvart hversu mikið er að finna um
staði sem tengjast menningu og lífi
samkynhneigðra í miðborginni,“
segir Baldur sem hefur verið að
grúska í sögunni í eitt og hálft ár.
Baldur segir margar sagnanna að-
eins geymdar í munnmælum og því
hvergi aðgengilegar á einum stað.
Luma á góðum sögum
„Hugmyndin að göngunni kvikn-
aði út frá því að mig langaði að
kynna mér sögu samkynhneigðra á
Íslandi, mína eigin sögu. Ég hélt að
ég myndi helst rekast á eitthvað um
næturlífið, skemmtistaði og þess
háttar, en inn í söguna fléttast póli-
tík, kirkjan, bókmenntir og listir og
margt fleira.“
Baldur mun einnig skyggnast inn
í líf einstakra borgara, ekki síst frá
bóhemheimi listamanna um miðbik
20. aldar. Í þeim hópi fólks var við-
urkenndara að vera opinn um kyn-
hneigð sína á þessum tíma.
Ganga af þessu tagi var fyrst farin
í fyrra. Baldur hafði þá tekið saman
efni ásamt Þorvaldi Kristinssyni,
fyrrverandi formanni Samtakanna
’78. Tvær göngur voru farnar, önnur
með enskri leiðsögn en hin íslenskri,
líkt og verður nú. Baldur hefur farið
með smærri hópa í gönguferðir síð-
astliðið ár og fær þó nokkuð af fyr-
irspurnum frá áhugasömum.
„Eftir göngurnar í fyrra fékk ég
margar ábendingar frá fólki sem
hringdi alls staðar að af landinu og
sagði frá mönnum og málefnum,“
segir Baldur, sem hefur bætt nokkr-
um stöðum við frá því í fyrra. Hann
hvetur þá sem luma á sögum til að
hafa samband og segja frá, enda
mikilvægt að skrásetja þessa sögu.
Meira en bara næturlífið
Pólitík og listir
á söguslóðum
samkynhneigðar Hvað?
Baldur Þórhallsson prófessor
leiðir á morgun göngu um sögu-
slóðir samkynhneigðar í Reykja-
vík. Í göngunni verður spönnuð
saga frá 1882.
Hvert verður gengið?
Safnast verður saman kl. 18 á
Ingólfstorgi í dag, miðvikudag.
Þaðan verður gengið um gamla
bæinn, inn í Grjótaþorpið, yfir
Austurvöll, í gegnum Þingholtin, á
Skólavörðustíg og endað á Lauga-
vegi. Gangan tekur rúma klukku-
stund.
Hvert er tilefnið?
Gangan er einn fyrsti viðburður
Hinsegin daga, á tíu ára afmæli
þeirra. Margar sagnanna eru að-
eins til í munnlegri geymd, og eru
því hvergi aðgengilegar á einum
stað.
S&S
TÖLUVERT grjóthrun varð á Kjar-
ansbraut í fyrradag en vegurinn
liggur á milli Keldudals í Dýrafirði
og Stapadals í Arnarfirði.
Matthildur Helgadóttir og fjöl-
skylda hennar áttu leið um veginn.
„Við snerum bara við en það var
reyndar ekki svaka mikið pláss til
þess,“ sagði Matthildur í samtali við
fréttavef Morgunblaðsins.
Vegurinn, sem er allhrikalegur,
var lokaður vegna grjótshrunsins
en búið var að opna hann að nýju í
gær samkvæmt upplýsingum Vega-
gerðarinnar.
Grjóthrun
hamlaði för
Ljósmynd/Matthildur Helgadóttir
Hætta Stór grjót féllu á Kjarans-
braut á Vestfjörðum í fyrradag.