Morgunblaðið - 06.08.2008, Blaðsíða 9
MORGUNBLAÐIÐ MIÐVIKUDAGUR 6. ÁGÚST 2008 9
Eftir Hjálmar Stefán Brynjólfsson
hsb@mbl.is
ÞAÐ vakti furðu margra lesenda að
fletta í gegnum sérblaðið um Fiski-
daginn mikla sem dreift var með
Morgunblaðinu í gær. Þar var að
finna fjöldann allan af bréfum frá
Nígeríu, en þó ólíkt velviljaðri en
þau sem landinn er farinn að
þekkja. Þau voru frá nokkrum höfð-
ingjum frá Nígeríu sem óskuðu há-
tíðinni alls hins besta og hafa styrkt
hana í áranna rás.
Katrín Sigurjónsdóttir fram-
kvæmdastjóri Sölku Fiskmiðlunar á
Dalvík hefur átt í viðskiptum við
Nígeríumenn og kannast við fjöl-
marga brandara um Nígeríubréf,
auk þess að hafa fengið fjölda bréfa
frá svindlurum og annað eins frá Ís-
lendingum sem hafa látið gabbast af
bréfunum. Hún segir hins vegar að
bréfin frá sínum viðskiptavinum séu
góð og gild, enda traustir einstak-
lingar þar á ferð: „Þetta kom þann-
ig til að þegar Fiskidagurinn varð
að veruleika fyrir nokkrum árum,
þá ákváðum við að leita til góðra
viðskiptavina um að vera styrktar-
aðilar að hátíðinni. Nígeríumenn
hafa verið mjög góðir viðskiptaað-
ilar í gegnum tíðina. Og það tóku
nokkrir viðskiptavinanna frá Níger-
íu vel í þetta og þrír þeirra hafa ver-
ið auglýsendur frá upphafi. Svo hef-
ur þetta vaxið og í ár buðum við
fleiri viðskiptavinum að koma að
þessu.“
Auglýsingarnar hafa að sögn
Katrínar áður vakið athygli, ekki
síður en harðfiskbásinn sem verið
hefur á Fiskideginum. Þá klæðast
nokkrir úr fyrirtækinu sig upp í
skrautlegan nígerískan klæðnað og
bjóða upp á þurrkaðar fiskafurðir. Í
ár mun jafnframt einn höfðingjanna
koma í heimsókn og verða viðstadd-
ur Fiskidaginn: „Þetta er hluti af
matarmenningu þeirra,“ segir Katr-
ín. „Þeir eru að leita eftir þessu sér-
staka bragði af skreið og nota hana
sem bragðbæti. T.d. setja þeir bita
af þorskhaus í kjúklingarétti.“
Hjartnæm bréf berast
frá Nígeríu til Dalvíkur
Skreiðin hluti af menningunni og notuð til bragðbætis
Í HNOTSKURN
»Salka Fiskmiðlun hefursérhæft sig í sölu á þurrk-
uðum fiskafurðum, og selur
langmest til Nígeríu.
»Að sögn Katrínar hefurfyrirtækið selt þurrkaðar
fiskafurðir, skreið og hausa,
til Nígeríu allt frá árinu 1987.
»Viðskiptavinirnir í Nígeríueru aðallega frá Aba-
héraðinu og koma frá borg-
inni Abia.
FRÉTTASKÝRING
Eftir Helga Bjarnason
helgi@mbl.is
LANDSNET er að undirbúa lagn-
ingu nýrrar byggðalínu frá Blöndu-
stöð til Akureyrar. Bygging álþynnu-
verksmiðju rekur á eftir því að línan
verði lögð. Óánægja er meðal land-
eigenda með fyrirhugað línustæði í
Efribyggð í Skagafirði enda mun
mannvirki háspennulínunnar blasa
við ábúendum þótt reynt sé að fella
það inn í landið.
Landsnet telur þörf á að leggja
nýja háspennulínu frá Blöndustöð til
Akureyrar til að leysa núverandi
byggðalínu af hólmi. Áform eru um
lagningu 220 kílóvolta háspennulínu
en núverandi byggðalína er með 132
kV spennu. Í tillögu að matsáætlun
sem Landsnet hefur kynnt kemur
fram að tilgangurinn er að styrkja
meginflutningsleiðir raforku á Norð-
urlandi. Það er fyrsti áfanginn í að
styrkja og tvöfalda byggðalínuhring-
inn um landið. Fram kemur að leiðin
milli Varmahlíðar og Akureyrar er
elsti hluti núverandi byggðalínu og
hún er að verða flöskuháls í kerfinu
enda flutningsgeta takmörkuð. Þá
kemur fram að yfirstandandi bygg-
ing iðnaðar í Eyjafirði kalli á hraða
byggingu línunnar. Þar er sem kunn-
ugt er verið að reisa álþynnuverk-
smiðju.
Tveir kostir til skoðunar
Landsnet gerir ráð fyrir því að há-
spennulínan liggi frá Blöndustöð yfir
Svartárdal og um Vatnsskarð sunnan
Valadals og meðfram norðurhlíð
Valadalshnjúks. Þaðan eru sýndir
tveir valkostir um legu línunnar um
Skagafjörð. Annars vegar er Efri-
byggðarleið, ofan bæjanna á Efri-
byggð og síðan yfir Reykjatungu og
Héraðsvötn og í mynni Norðurárdals.
Hinn valkosturinn er farvegur og
vesturbakki Héraðsvatna. Koma
þessi tvö hugsanlegu línustæði saman
á Kjálka og þaðan er fyrirhugað að
leggja línuna að mestu við hlið núver-
andi byggðalínu um Norðurárdal,
Öxnadalsheiði, Öxnadal og til Ak-
ureyrar.
Fyrirhuguð línulögn um Vatns-
skarð er mun sunnar en núverandi
byggðalína og ekki er áformað að hún
liggi við hlið byggðalínunnar fyrr en
komið er inn í Norðurárdal. Héraðs-
vatnaleiðin fer þó nær því en Efri-
byggðarleiðin. Ætlunin er að láta
gömlu byggðalínuna standa áfram, á
meðan hún endist.
Mastur ber í Mælifellshnjúkinn
Landsnet hefur verið að kynna
áform sín í sumar fyrir landeigendum
og sveitarstjórnum sem fara með
skipulagsvaldið. Starfsmenn fyr-
irtækisins óku á milli bæja og brá
mörgum bændum við tíðindin enda
höfðu þessi áform ekki farið hátt.
Bændum eru boðnar bætur fyrir
landið sem fer undir möstrin.
Þegar bréf Landsnets um lagningu
línunnar var kynnt í byggðaráði
Skagafjarðar fyrir helgi var jafn-
framt lagt fram bréf landeigenda og
ábúenda jarða í Lýtingsstaðahreppi
hinum forna þar sem framkominni
hugmynd um lagningu háspennulín-
unnar um þeirra land er alfarið hafn-
að. Einkum mun átt við Efribyggð-
arleiðina. Meðal annars kemur fram
að náttúruspjöll muni fylgja línulögn-
inni sem rýri landkosti og spilli út-
sýni. Því hafi framkvæmdin óhjá-
kvæmilega í för með sér verulega
lækkun jarðaverðs.
Efribyggðarleiðin fær þá umsögn í
matsáætlun Landsnets að hún sé lítið
áberandi frá aðalferðaleiðum um hér-
aðið en bent á að Héraðsvatnaleiðin
sé nær alfaravegum.
Leiðin mun liggja ofan bæjanna í
Efribyggð og mun því blasa við frá
mörgum þeirra. Möstrin eru mikil
mannvirki, 17 til 36 metrar á hæð, og
miklu stærri en þau sem halda núver-
andi byggðalínu uppi. „Við viljum
ekki fá neinar línur yfir þessar jarðir
hér. Við munum aldrei fallast á það,“
segir Ólafur Þ. Hallgrímsson, prestur
á Mælifelli. Hann segir að gríðarleg
sjónmengun verði af þessu mannvirki
og nefnir sem dæmi að stór möstur
beri í Mælifellshnjúkinn, heiman frá
Mælifelli séð. Ólafur segist ekki sjá
hvaða nauðsyn sé á nýrri línu en ef
svo sé þá væri eðlilegt að hún fylgdi
núverandi byggðalínu. Auk sjón-
mengunarinnar nefnir Ólafur að
áformað sé að leggja línurnar við bæi
á Efribyggð þótt vitað sé að ekki sé
hættulaust að búa nálægt háspennu-
línum.
Aukið öryggi
Fulltrúi minnihlutans í byggðaráði
Skagafjarðar, Bjarni Jónsson, tók
undir sjónarmið landeigenda þegar
málið var kynnt þar. Erindi Lands-
nets fer nú til umfjöllunar í skipulags-
og byggingarnefnd sveitarfélagsins.
Gunnar Bragi Sveinsson, formaður
bæjarráðs, telur ekki annað koma til
greina en að heimilað verði að styrkja
byggðalínuna og þar með að auka ör-
yggi rafmagnstenginga. Spurður um
mótmæli landeigenda segir Gunnar
Bragi eðlilegt að þeir hafi áhyggjur
þegar áformað sé að fara með línuna
yfir lönd þeirra. „Ég hef fulla trú á
því að Landsnet velji þá leið sem er
hagstæðust, út frá sjónarmiðum
landeigenda og flutningskerfisins,“
segir Gunnar Bragi Sveinsson.
Þórður Guðmundsson, forstjóri
Landsnets, segir að sveitarstjórn-
irnar á svæðinu séu frekar jákvæðar
fyrir málinu. Reynt verði að ná sam-
komulagi við landeigendur og vonast
hann til að sem flestir fallist á þessa
framkvæmd. Ef samningaleiðin
gangi ekki geti komið til þess að ósk-
að verði eftir eignarnámi.
Háspenna í Skagafirði
Landsnet hyggst leggja nýja byggðalínu frá Blöndustöð til Akureyrar Land-
eigendur og ábúendur jarða á Efribyggð í Skagafirði vilja engar línur um land sitt
!"
Nýja byggðalínan, frá Blöndustöð
til Akureyrar, verður að minnsta
kosti 110 km löng, og áætlaður
kostnaður er 5-7 milljarðar kr.
Hana á að leggja um leið og und-
irbúningi lýkur sem áætlað er að
verði um mitt næsta ár. Fram-
kvæmdin tekur síðan tvö ár.
Frá Blöndustöð er fyrirhugað að
leggja línuna yfir Blöndudalinn,
milli Eyvindarstaða og Bollastaða,
yfir Svartárdal utan við Torfastaði,
í stefnu syðst í Vatnsskarð. Komið
er inn í Sveitarfélagið Skagafjörð
hjá eyðibýlinu Valabjörgum, þaðan
farið um Vatnsskarð, sunnan
Valdals, meðfram norðurhlíð Vala-
dalshnjúks og austur úr skarðinu
að eyðibýlinu Kirkjuhóli.
Tvær leiðir eru til skoðunar það-
an, Efribyggðarleið og Héraðs-
vatnaleið.
Efribyggðarleið liggur ofan bæja
í Efribyggð, í beina línu á Mæli-
fellsá og þaðan ofan Mælifells og
Starrastaða, milli Hafgrímsstaða
og Brúnastaða, yfir Reykjatungu
og Héraðsvötn, að Herpistanga í
landi Flatatungu og að núverandi
byggðalínu í mynni Norðurárdals.
Héraðsvatnaleið liggur frá
Kirkjuhóli austur að býlinu Stokk-
hólma, þaðan er farið í suðaustur
eftir farvegi Héraðsvatna, við
mörk Sveitarfélagsins Skaga-
fjarðar og Akrahrepps, síðan eftir
vesturbakka Héraðsvatna sunnan
Laugardals þar sem leiðin kemur
saman við Efribyggðarleið.
Þegar komið er inn í Norður-
árdal liggur nýja línan að mestu
við hlið þeirrar eldri, um Öxnadals-
heiði og Öxnadal, langleiðina til
Akureyrar. Hún er þó færð fjær
bæjum í Öxnadal og Hörgárdal.
Gert er ráð fyrir því að línan geti
farið yfir Moldhaugnaháls nokkru
neðan við núverandi línu og fylgi
Dalvíkurlínu að bæjarmörkum Ak-
ureyrar. Ekki hefur verið ákveðið
hvar framtíðartengivirki við Akur-
eyri verður haft.
Rúmlega 100 km ný háspennulína
www.sjofnhar.is
Fréttir á SMS
Opið virka daga frá kl. 10-18 Laugardaga frá kl. 10-16
• Engjateigi 5
• Sími 581 2141
Verðhrun 60-90% afsl.
HERJÓLFSGATA - HAFNARFIRÐI
4RA HERB. ÚTSÝNISÍBÚÐ
FYRIR ELDRI BORGARA
Glæsileg 131 fm 4ra herb. íbúð á 3. hæð þ.m.t.
sérgeymsla í húsi eldri borgara. Rúmgóðar og
bjartar stofur, rúmgott eldhús með þvottaher-
bergi/geymslu innaf, 2 herbergi og baðherbergi
með miklum innréttingum. Tvennar svalir í suð-
ur og vestur, aðrar yfirbyggðar. Sér stæði í bíla-
geymslu og mjög gott aðgengi fyrir fatlaða.
Verðlaunalóð. Frábær staðsetning niður við sjó.
Verð 44,9 millj.
FASTEIGNA-
MARKAÐURINN
ÓÐINSGÖTU 4, SÍMI 570 4500, FAX 570 4505 • OPIÐ VIRKA DAGA KL. 9–17
Netfang: fastmark@fastmark.is • Heimasíða: http://www.fastmark.is/.
Jón Guðmundsson, sölustjóri og lögg. fasteignasali • Guðmundur Th. Jónsson, lögg. fasteignasali.
Sendum í póstkröfu
Hinir frábæru
Care þægindabrjóstahaldara,
bæði smelltir og heilir
Tilboð í
Sjúkravörum ehf.
í bláu húsi v. Faxafen,
sími 553 6511
Opið 11-18 virka daga
M
bl
.
10
32
93
6
10% afsláttur
15% afsláttur
Stuðnings- og sjúkrasokkar
Einnig skokkabuxur frá
Samson og Delilah