Fréttablaðið - 18.04.2009, Síða 29

LAUGARDAGUR 18. apríl 2009 29
Samfylkingin og Sjálfstæðisflokk-
urinn hefðu pússað sig sjálf í eilíft
pólitískt hjónaband. Þau töluðu
líka fallega hvort um annað Geir
og Ingibjörg á ársafmælinu. Eða í
það minnsta hún um hann. „Geir
er mjög reyndur stjórnmálamað-
ur og hefur þá rósemi hugans sem
mikilvæg er á erfiðum augnablik-
um. Hann veit að sá kann margt
sem bíða kann, sem er mikilvægur
eiginleiki góðs stjórnmálamanns,“
sagði Ingibjörg. Geir var ekki jafn
innilegur en lét vel af samstarfinu
við Ingibjörgu. „Það hefur gengið
mjög vel og er með ágætum þó við
höfum ekki þekkst mikið persónu-
lega áður en það hófst.“
Haustið
Við hrun bankanna í byrjun októb-
er hófst nýr og sjálfstæður kafli í
stjórnmálasögunni. Við horfðum
upp á stjórnarslit, myndun minni-
hlutastjórnar, boðun kosninga og
brottrekstur seðlabankastjóra. Á
undan hafði gengið á með ráða-
leysi og allrahanda fumi. Ógæfan
var algjör en stjórnmálamennirn-
ir föttuðu það ekki. Þó lögregla og
mótmælendur væru í slagsmálum
í Alþingisgarðinum og bílageymsla
þingsins væri notuð til að geyma
handtekna hélt þingfundur áfram
eins og ekkert væri sjálfsagðara. Í
stað þess að finna lausnir hugsuðu
stjórnmálamennirnir um heiður
flokka sinna. Og efndu til keppni
um besta líkingamálið. Brimskafl,
stormur, botn, sker, strand. Þið
munið þetta.
Sakleysið uppmálað
Haustið 2008 fór samfélagið á hlið-
ina með bönkunum. Stjórnmála-
menn telja sig enga ábyrgð bera.
Viðskiptaráðherrann sagði af sér
en bara til að reyna að skapa ró.
Hann gerði ekkert rangt. Fjár-
málaráðherrann sækist ekki eftir
endurkjöri en bara vegna kröfu
samflokksmanna um endurnýjun.
Hann gerði ekkert rangt.
Sama er að segja um alla hina.
En ef stjórnmálamenn höfðu
ekkert með hrunið að gera geta
þeir þá endurreist samfélagið? Eru
hrun og uppbygging ekki hvor sín
hliðin á sama peningnum?
Óvænt
Á kjörtímabilinu sem lýkur á
laugardaginn næsta urðu svipt-
ingar í stjórnmálunum af öðrum
sökum en efnahagslegum. Tveir
flokksformenn og forystumenn í
þjóðlífinu til margra ára drógu
sig í hlé frá pólitíkinni vegna
veikinda. Framsóknarflokkurinn
laut stjórn fjögurra formanna.
Ráðuneyti voru sameinuð. Utan-
flokkafólk settist á ráðherrabekk.
Þingmenn öskruðu sig hása út
af stjórnarskránni. VG komst í
stjórn.
Og fleira óvænt gerðist. Bjarni
Harðar varð uppvís að fólsku.
Upp komst að Sjálfstæðisflokk-
urinn lét eigin prinsipp lönd og
leið af ótta við gjaldþrot. For-
maður Frjálslynda flokksins fékk
mótframboð – frá eigin aðstoðar-
manni.
Það kom hins vegar ekki á
óvart að Kristinn H. lenti upp á
kant við samflokksmenn.
Smá auðmýkt, takk
Margir tala um að eitthvað gott
hljóti að koma út úr hruninu.
Nú verði byrjað upp á nýtt. Nýtt
Ísland.
Þar sem það hentaði voru
stjórnmálamennirnir sammála
því og sungu einum rómi; allt upp
á borðið. En borðið er enn autt.
Þeir hafa ekkert sagt. Það litla
sem við vitum hefur verið dreg-
ið upp úr mönnum með töngum.
Sagt er að við fáum þá stjórn-
málamenn sem við eigum skilið.
Það breytist ekki á laugardag-
inn. En er óhugsandi að biðja þá
sem þá verða kjörnir um eitt og
aðeins eitt? Að þeir sýni þjóðinni
örlitla auðmýkt.
Það yrði pínulítið skref í átt að
nýju Íslandi.
Bjarni Harðarson lét af þing-
mennsku og sagði sig úr Fram-
sóknarflokknum.
Guðni Ágústsson lét af þing-
mennsku og formennsku í Fram-
sóknarflokknum.
Valgerður Sverrisdóttir varð for-
maður Framsóknarflokksins en gaf
ekki kost á sér til endurkjörs.
Björgvin G. Sigurðsson sagði af
sér ráðherraembætti en var látinn
sitja út starfstíma ríkisstjórnar-
innar.
Geir H. Haarde lét af formennsku
í Sjálfstæðisflokknum.
Bjarni Benediktsson varð for-
maður Sjálfstæðisflokksins.
Ingibjörg Sólrún Gísladóttir lét af
formennsku í Samfylkingunni.
Jóhanna Sigurðardóttir varð
formaður Samfylkingarinnar.
Kristinn H. Gunnarsson sagði sig
úr Frjálslynda flokknum.
Jón Magnússon sagði sig úr
Frjálslynda flokknum og gekk í
Sjálfstæðisflokkinn.
Karl V. Matthíasson sagði sig úr
Samfylkingunni og gekk í Frjáls-
lynda flokkinn.
Einar Oddur Kristjánsson lést á
kjörtímabilinu.
Afsagnir og úrsagnir
á kjörtímabilinu
Sjálfstæðisflokkurinn
Ármann Kr. Ólafsson féll í prófkjöri
Árni M. Mathiesen hættir
Björk Guðjónsdóttir féll í prófkjöri
Björn Bjarnason hættir
Herdís Þórðardóttir (tók sæti Einars
Odds Kristjánssonar) hættir
Geir H. Haarde hættir
Guðfinna S. Bjarnadóttir hættir
Jón Magnússon féll í prófkjöri
Sturla Böðvarsson hættir
Samfylkingin
Ágúst Ólafur Ágústsson hættir
Einar Már Sigurðarson féll í prófkjöri
Ellert B. Schram hættir
Gunnar Svavarsson hættir
Ingibjörg Sólrún Gísladóttir hættir
Lúðvík Bergvinsson hættir
Framsóknarflokkurinn
Magnús Stefánsson hættir
Valgerður Sverrisdóttir hættir
Kristinn H. Gunnarsson féll í prófkjöri
Átján þingmenn eru ekki í kjöri á ný
FLOTTUR Steingrímur J. Sigfússon varð ráðherra
í febrúar eftir átján ár í stjórnarandstöðu. Hann
kom á glæsilegri Volvobifreið sinni til ríkisráðs-
fundar á Bessastöðum. Sannkölluð fasteign á
hjólum.
FR
ÉTTA
B
LA
Ð
IÐ
/D
A
N
ÍEL