Morgunblaðið - 18.09.2008, Blaðsíða 13
Nýkomið stórglæsilegt glænýtt 324 fm einbýli (skráð 308 fm) m. aukaíb. og
stórum jeppabílskúr á frábærri 1150 fm sjávareignarlóð á Álftanesi. Húsið er
glæsilega innréttað með vönduðum eikarinnr., steinflísum, eikarparketi,
glæsil.eldhús með öllum tækjum (m.a. kaffivél, gufusuðuofn, örbylgjuofn,
uppþv.vél og fl.) 160 innfeldum halogenljósum, 50 fm útsýnissvölum (lagt f.
potti) Panorama útsýni allur fjallahringurinn og flóinn, 5 svefnherb., auka 2ja
herb. íb. m. sérinng. og m.fl. Áhv. 75 millj. 40 ára erlent lán. Mjög hagst.að
taka yfir í dag. Skipti skoðuð. Ásett
verð 115 m. Lækkað verð nú 99,9
millj.
Opið hús í dag fimmtudag
milli kl. 20 og 21
Blikastígur nr 19 - Álftanesi
Sjávarlóð
Einstök útivistarparadís
Opið hús í dag, fimmtudag
milli kl. 20.00-21.00.
MORGUNBLAÐIÐ FIMMTUDAGUR 18. SEPTEMBER 2008 13
FRÉTTIR
FRÉTTASKÝRING
Eftir Ylfu Kristínu K. Árnadóttur
ylfa@mbl.is
TRYGGINGAFÉLÖGIN höfðu í
nógu að snúast í gær við að svara
fyrirspurnum og skoða tjón hjá
viðskiptavinum sínum. Afar hvasst
var seint í fyrrakvöld og aðfaranótt
miðvikudagsins og fylgdi óveðrinu
mikil úrkoma. Hjá VÍS og Sjóvá
fengust þær upplýsingar að til-
kynningarnar vörðuðu allt frá
brotnum rúðum og skemmdum á
bílum til vatnstjóns á innbúi. Fæst
síðastnefndu tjónanna fást hins
vegar bætt, eða innan við 5% að
mati Sjóvár.
Vatnstjón algengust
Þá höfðu nokkrir tugir tilkynn-
inga borist Sjóvá en enn fleiri fyr-
irspurnir verið lagðar fram. Til-
kynnt var um fá foktjón en engar
skemmdir á húsum. Flest vörðuðu
tjónin vatnsflóð þar sem niðurföll
eða þakrennur voru stíflaðar en
þau tjón þurfa húseigendur að bera
sjálfir. Hjá Sjóvá fengust þær upp-
lýsingar að innan við 5% þeirra
húseigenda sem urðu fyrir vatns-
tjóni mættu eiga von á bótum þar
sem í um 95% tilvika mætti rekja
tjónið til vanhirðu.
Síðla í gær höfðu yfir 100 símtöl
borist VÍS. Yfirleitt var um fyr-
irspurnir að ræða en tilkynnt var
um nálægt 40 tjón á höfuðborg-
arsvæðinu. Engar tilkynningar
bárust um skaða á skipum eða öðru
tengdu sjónum eða höfnum en tals-
vert var um tilkynningar vegna
vatnsleka gegnum veggi og þök
sem enginn bótaréttur er fyrir.
Þak og gluggar haldi vatni
Í tryggingarskilmálum VÍS og
Sjóvá segir að félögin bæti tjón
vegna vatns sem skyndilega og
óvænt streymi úr leiðslum húsa og
eigi upptök innan veggja þeirra.
Félögin bæti hins vegar ekki tjón
vegna úrkomu nema hún sé svo
mikil að frárennslisleiðir hafi ekki
undan og vatn flæði inn í húsnæði
hins vátryggða eða það þrýstist
upp um frárennslisleiðslur.
Tjón vegna vatns frá þökum,
þakrennum eða svölum er aldrei
bætt. Þau svör fengust að reiknað
væri með því að þak, veggir og
gluggar héldu vatni og vindum.
Gæta þarf að niðurföllum
Í ofsaveðri líkt og því sem skall á
í fyrrakvöld eru íbúðir á jarðhæð
og í kjallara í mestri hættu á vatns-
tjóni. Leki inn í þær íbúðir þarf að
meta hvort tjónið stafi af því að
holræsi hafi ekki haft undan vatns-
flaumnum eða illa hafi verið hirt
um að hreinsa niðurföll.
Í fyrrnefnda tilfellinu eiga hús-
ráðendur rétt á bótum en ekki í því
síðarnefnda. Sé sjálft húsið óþétt,
drenlagnir lélegar eða stíflaðar
sem og þak-, svala- og kjallaranið-
urföll, situr fólk sjálft uppi með
tjónið.
Eftir Björn Jóhann Björnsson
bjb@mbl.is
ÍSLENSK tryggingafélög sum hver
og fyrirtæki á borð við Landsvirkjun
hafa verið í viðskiptum við trygging-
arisann AIG með endurtryggingar
sínar. Um óveruleg viðskipti hefur
verið að ræða í tilvikum Sjóvár og TM
en VÍS og Vörður segjast ekki vera í
viðskiptum við AIG. Segja talsmenn
félaganna að fjárhagslegur styrkleiki
sinna endurtryggjenda sé mikill og
góður en fylgst sé náið með þeim
þessa dagana.
Stærstu viðskiptin hafa að líkind-
um verið við Landsvirkjun en AIG
var meðal endurtryggjenda á fram-
kvæmdatíma Kárahnjúkavirkjunar.
Að sögn Einars Kristjánssonar, deild-
arstjóra fjármálasviðs Landsvirkjun-
ar, er AIG ekki lengur í hópi endur-
tryggjenda eftir að rekstrartrygging
tók gildi fyrr á þessu ári vegna virkj-
unarinnar. Um nokkra aðila er að
ræða í Bandaríkjunum og Evrópu og
segir Einar þá alla vera trygga og
ekki í vanda, eftir því sem best sé vit-
að. Ekki reyni heldur á þessa aðila
nema ef til stórtjóns kemur. Ef eitt-
hvert tryggingafélag fái lækkað láns-
hæfi eða rúlli yfir þá sé hægt að segja
upp endurtryggingu á samningstíma
og velja annað félag.
Þorvarður Sæmundsson hjá Sjóvá
segir viðskiptin við AIG frá skrifstof-
unni í Kaupmannahöfn hafa verið
óveruleg og viðskiptavinir Sjóvár
verði ekki fyrir neinum skakkaföllum,
enda eigi vandi AIG ekki rót sína í
hefðbundinni tryggingastarfsemi
heldur vegna fjárhagslegra ábyrgða
sem féllu á félagið.
Hjálmar Sigurþórsson hjá TM seg-
ir félagið dreifa sínum endurtrygg-
ingum sem mest og það komi sér vel
við núverandi aðstæður. Um afar lítil
viðskipti sé að ræða við AIG.
Guðmundur Örn Gunnarsson, for-
stjóri VÍS, segir félagið ekki hafa ver-
ið í viðskiptum við AIG. Atburðirnir í
Bandaríkjunum hafi því engin bein
áhrif á endurtryggingar hjá VÍS eða
viðskiptavini félagsins. Hið sama var
að segja hjá Verði. „En umrót sem
þetta hefur að sjálfsögðu áhrif á allt
viðskiptalíf. Við störfum með fjölda
evrópskra endurtryggjenda sem við
teljum mjög trausta, enda hefur
tryggingarekstur sem slíkur staðið
traustum fótum þrátt fyrir umrót á
fjármálamörkuðum. Vandamál AIG
eiga sér hins vegar aðrar orsakir,“
segir Guðmundur Örn hjá VÍS.
Íslensk tryggingafélög skaðast ekki þrátt fyrir einhver viðskipti við AIG með endurtryggingar
Endurtryggði
Kárahnjúka
Reuters
Tryggingar Fjölmörg félög eru í viðskiptum við AIG með endurtryggingar.
Eftir Helga Kristjánsson
Ólafsvík | Margur hefur notið unaðar
við laxveiðiárnar á þessu mesta
veiðisumri sögunnar. Slík var stund
á hallanda degi síðsumars við Sauð-
hyl í Haffjarðará.
Gjarnan er vaðið yfir ána þar sem
hún rennur með hjalandi kliði ofan
við veiðistaðinn. Það eykur á niðinn,
að þarna reka nokkrir þrjóskir
steinar beran kollinn upp úr
straumnum.
Handan árinnar er sem opnist
glæstur salur. Við blasir langur,
stoltur berghamar, klyfjaður lagleg-
um grassöðli um miðju. Með berg-
inu er svo gríðarmikill hylur með
jöfnum straumi. Hann geymir
mergð laxa sem stökkva hér og þar.
Veiðifélaginn kastar. Fljótlega
svignar stöngin því lax hefur tekið
fluguna. Eftir hetjulega baráttu ját-
ar fallegur hængur sig sigraðan.
Hann gæti verið nálægt 10 pundum
með stóran krók og djarflegan svip.
Laxinum er gefið líf. Hann er
augnablik að jafna sig. Ekki virðist
hann stór í jaðri þessa mikla hyls.
Hann er bara eins og feitt, keilulaga
strik. Hvað eru mörg slík í ánni
allri? Loks sveigir fiskurinn bolinn,
blakar sporði og syndir út í græn-
golandi dýpið.
Hann mun fá sér maka og kveikja
ótal ný líf. Miklar líkur eru þó á að
eftir hrygninguna muni hrafnar og
tófur rífa hræ hans á eyrum árinnar.
Hann hefur þá skilað sínu.
Veiðifélaginn kastar á ný. Ham-
arinn gnæfir, laxar stökkva. Og sí-
fellt niðar áin að ósi.
Hamarinn gnæf-
ir, laxar stökkva
Síðsumarstemning við laxveiðiána
„TJÓNIÐ nemur hundruðum þúsunda,“ segir Sveinbjörn Guðjohnsen hjá
Bílabúð H. Jónssonar á Smiðjuvegi í Kópavogi. Mikið vatn lak meðfram
lofti bílabúðarinnar og skemmdust vörur, innréttingar, tölvur o.fl. Bílabúð-
in er á jarðhæð í tveggja hæða húsi. Á efri hæð er verkstæði en gengt er í
það af götu hinum megin við innganginn í bílabúðina. Stórt bílaplan er þar
sem og við húsið hinum megin við götuna frá verkstæðinu. „Vatnið af þak-
inu þar rann niður á götuna, yfir hana og inn á planið hjá verkstæðinu á
hæðinni fyrir ofan mig. Vatn rann af fleiri hundruð fermetrum af planinu
hér fyrir ofan og inn í húsið, yfir gólfin á efri hæðinni og lak niður loftið.“
Settar voru upp viftur og annar búnaður til að þurrka upp mesta vatnið
og rakann og var staðan seinnipartinn í gær „flott“ að mati Sveinbjörns.
Tjónið verður bætt af Sjóvá sem Sveinbjörn segir hafa brugðið skjótt við
og staðið sig vel.
Hundraða þúsunda tjón
Morgunblaðið/Skapti Hallgrímsson
Fyrrverandi trampólín Ýmislegt fauk til í óveðri sem gekk yfir landið í fyrrinótt, t.a.m. trampólín á Akureyri.
Fæst tjónin bætt
Nokkuð um vatnstjón vegna ofsaveðursins í fyrrakvöld
Flest vegna vanrækslu húseigenda og fást því ekki bætt
AIG, American International
Group, er stærsta trygginga-
félag heims og átjánda stærsta
fyrirtæki í heimi, með eignir
sem metnar eru á 90 þúsund
milljarða króna. Starfsmenn eru
um 116 þúsund í 130 löndum.
Lausafjárvandi félagsins er hins
vegar gríðarlegur og fjárþörfin
metin á 75 milljarða dollara,
jafnvirði um 6.900 milljarða
króna. Eins og fram hefur komið
veitti bandaríski seðlabankinn
85 milljarða dollara neyðarlán
til AIG og eignaðist um leið
nærri 80% í félaginu. Eru þetta
sögð einhver mestu inngrip
sögunnar af hálfu seðlabank-
ans. Hlaut neyðarlánið blessun
fjármálaráðherra Bandaríkj-
anna. Skipt hefur verið um for-
stjóra í brúnni og reiknað með
að AIG þurfi að losa sig við ein-
hverjar eignir.
AIG er stærsti styrktaraðili
hins stjörnum prýdda knatt-
spyrnuliðs, Manchester United.
Risi í neyð