Morgunblaðið - 18.09.2008, Blaðsíða 15

MORGUNBLAÐIÐ FIMMTUDAGUR 18. SEPTEMBER 2008 15
FRÉTTIR
FÓLK um allan heim er hvatt til
þess að senda friðarskilaboð á sms-
skilaboðum, tölvupósti, mynd-
böndum og ljósmyndum í þágu mál-
staðar Alþjóðlega friðardagsins 21.
september nk. Sameinuðu þjóðirnar
standa að baki herferðinni en skila-
boðin eru ætluð leiðtogum ríkja
heims sem hittast á leiðtogafundi á
Allsherjarþingi SÞ 23. september
nk. Á vefsíðunni www.peace-
day2008.org er tekið við tölvupósti
og sms-skilaboðum sem senda má á
hvaða tungumáli sem er.
Skilaboð um frið
EVRÓPSK samgönguvika var í
fyrradag sett í Foldaskóla í Reykja-
vík, en samgönguvikan er einnig
haldin í um 2.000 borgum í Evrópu.
„Við viljum skapa umræðu um
fjölbreytileika í samgöngum. Bíll-
inn er bara einn möguleiki, það eru
margir möguleikar innan hvers
flokks, til dæmis reiðhjól, rafknúin
hjól, vetrarhjól, sumarhjól, liggj-
andi hjól og samanbrotin hjól,“ seg-
ir Pálmi Freyr Randversson verk-
efnastjóri evrópskrar samgöngu-
viku. Hann nefndi einnig forgangs-
braut fyrir strætó sem opnuð
verður í vikunni og mun bæta sam-
keppnisstöðu strætisvagna í borg-
inn.
Grafarvogur verður það hverfi
sem áhersla verður lögð á að þessu
sinni. „Grafarvogur er barnmargt
hverfi og ætlum við að leggja
áherslu á öruggar samgöngur fyrir
börn og ýmsa aðra þætti eins og að
hvetja íbúa til að nýta sér að fara
samferða til og frá vinnu,“ segir
Ingibjörg Sigurþórsdóttir, fram-
kvæmdastjóri Miðgarðs, og bendir
á að færst hafi í vöxt að nágrannar
samnýti bíla.
Morgunblaðið/Árni Sæberg
Vistakstur Rallkappar reyndu fyrir sér í vistakstri í Foldaskóla.
Fjölbreytni í samgöngum
NÝTT eftirlitsmyndavélakerfi hef-
ur verið tekið í notkun í Sundlaug
Kópavogs. Starfsmenn sundlaugar-
innar og sérfræðingar frá norska
fyrirtækinu Davo AS hafa nýverið
lokið við uppstillingu og fínstillingu
á kerfinu.
Myndavélarnar eru staðsettar
undir vatnsyfirborðinu og tengdar
tölvu sem gerir viðvart ef maður
liggur hreyfingarlaus á botninum í
meira en 15 sekúndur. Laugar-
vörður getur þá þegar í stað greint
á tölvuskjám hvar viðkomandi er í
nauðum staddur og getur komið
honum til bjargar, segir í frétt frá
Kópavogsbæ.
Eftirlit í Sundlaug
Kópavogs bætt
Eftir Björn Jóhann Björnsson
bjb@mbl.is
INGÓLFUR H. Ingólfsson, fjár-
málaráðgjafi og eigandi Spara.is,
ráðleggur sparifjáreigendum að
dreifa áhættu sinni sem mest og
reyna að tryggja öryggi sinna pen-
inga. Það sé best gert með því að
velja hávaxtareikning í banka eða
geyma peninga á peningamark-
aðsbréfum. Hans
fyrsta ráðlegging
er þó að sleppa
verðbréfunum og
kaupa frekar gull
eða silfur, sé
þess kostur.
Nú þegar
verðbólga er
14,5% og hæstu
vextir óverð-
tryggðra innláns-
reikninga kring-
um 15-16% er raunávöxtun á slíku
sparifé lítil sem engin. Verðtryggðir
reikningar bera yfirleitt 6-7% vexti
en eru bundnir til lengri tíma. Ing-
ólfur bendir á að ef spár greining-
ardeilda og Seðlabankans ganga eft-
ir þá eigi verðbólgan að lækka á
næsta ári og stýrivextir um leið. Þá
muni væntanlega myndast betri
raunávöxtun.
„En það er rétt að við núverandi
aðstæður er ekki feitan gölt að flá.
Þá er fyrst og fremst að hugsa um
öryggi peninganna. Hvar er það
mest? Öryggið er mest inni á banka-
reikningi, einkum hjá netbönkunum.
Hingað til hefur verið mikið öryggi
á peningamarkaðsreikningum en
þar eru farin að blikka svo mörg ljós
að ég myndi aðeins hugsa mig um
og færa peningana að hluta inn á
bankareikning,“ segir Ingólfur og
vísar þar til þess að peningamark-
aðssjóðir hafi verið að kaupa bréf og
víxla hjá íslenskum fyrirtækjum
sem eigi mörg hver undir högg að
sækja. Fari illa geti tapast peningar
að hluta inni í sjóðum sem skipt
hafa við fyrirtæki í vanda.
Sótt í gullið öryggi
Ingólfur ráðleggur fólki að forð-
ast hlutabréfakaup við núverandi
aðstæður. Frekar mælir hann með
hrávörum eins og gulli eða silfri, þó
að slíkur markaður sé nánast eng-
inn hér á landi. Íslenskir verð-
bréfamiðlarar hafi lítið sinnt þess-
um markaði og auka þurfi þá
þjónustu og bæta.
„Gullverð fer hækkandi í heim-
inum. Það hefur reglulega gerst í
gegnum söguna, að um leið og þess-
ir pappírsgjaldmiðlar okkar verða
ótryggir þá sækja menn eftir örygg-
inu í gulli. Það væri í raun mín
fyrsta ráðlegging í dag, setjið svona
20-30% af ykkar sparifé í gull eða
silfur,“ segir Ingólfur að endingu.
Gull og silfur í stað
fallandi hlutabréfa
Reuters
Glóir Gullstöngin rýkur upp í verði þessa dagana, á meðan hlutabréf falla.
ÓVERÐTRYGGÐIR innlánsreikn-
ingar bankanna eru flestir óbundn-
ir og hæstu vextir á bilinu 15-16%.
Þegar verðbólgan er 14,5% er
raunávöxtunin lítil sem engin á
þessum reikningum. Öðru gildir
um verðtryggða innlánsreikninga,
sem flestir bera 6-7% vexti. Þeir
eru bundnir í að lágmarki þrjú ár í
flestum tilvikum. Með verðtrygg-
ingu er því alltaf gefin ákveðin
raunávöxtun, sama hver verðbólg-
an er. Í grein á Vefþjóðviljanum er
bent á að sparifjáreigandi geti ekki
aðeins átt von á engri raunávöxtun
í svo mikilli verðbólgu, heldur taki
ríkið 10% fjármagnstekjuskatt af
vaxtatekjum, óháð því hvort um sé
að ræða verðbætur eða vexti og
óháð verðbólgu. Sparifjáreigendur
greiði því skatt af engum raun-
vöxtum.
Skattur af engum vöxtum?
Ingólfur H.
Ingólfsson
Ekki feitan gölt að flá, segir Ingólfur H. Ingólfsson um litla
ávöxtun óverðtryggðra innlánsreikninga í 14,5% verðbólgu
ÞING Landssambands ísl. verzlunarmanna – LÍV – verður haldið á Hótel
KEA á Akureyri föstudag og laugardag. Þetta er seinni hluti þingsins en
fyrri hlutinn var haldinn í Reykjavík 2. nóvember 2007 og fjallaði aðeins
um kjara- og efnahagsmál.
Aðalmálefni þingsins verða kjara- og efnahagsmál svo og breytingar á
lögum sambandsins. „Forsendur kjarasamninga eru brostnar og mun þing-
ið fjalla um verkefni vetrarins, sem er að leita leiða til að verja kjör fé-
lagsmanna,“ segir í frétt frá LÍV.
Meðal dagskráratriða á þinginu er erindi lektors við HR um „Traust –
grundvöll samninga“, Edda Rós Karlsdóttir, forstöðumaður greining-
ardeildar Landsbankans, flytur erindið „Kreppa eða ekki kreppa? – Staða
og horfur í efnahagsmálum“ og erindi Ólafs Darra Andrasonar, hagfræð-
ings ASÍ, nefnist „Gamanið kárnar – Staða og horfur í kjaramálum“.
Rétt til setu á þinginu eiga 73 fulltrúar frá verslunarmannafélögum og
deildum verslunarmanna sem aðild eiga að LÍV. Í sambandinu eru 14 versl-
unarmannafélög og deildir verslunarmanna víðsvegar á landinu með rúm-
lega 32.000 fullgilda félagsmenn en þar af er VR langstærst.
Kjaramálin rædd á þingi LÍV
ÞAÐ ER ekki á hverjum degi sem
flundra veiðist í Kópavogslæknum
en það gerðist þó nýverið og barst
fiskurinn Náttúrufræðistofu Kópa-
vogs á dögunum. Flundran veiddist
fyrir ofan tjörnina í Kópavogslæk.
Er engum blöðum um það að fletta
að hún hefur klakist úr hrygningu
hér við land, segir í frétt á vefsíðu
Náttúrufræðistofunnar.
Flundra er einskonar nýbúi við
Ísland, en hennar varð fyrst vart
hér á landi í september 1999.
Flundran sem veiddist í Kópavogs-
læk var 5–6 cm löng og er því á
fyrsta aldursári. Heimkynni
flundru eru í norðaustanverðu
Atlantshafi og hingað hefur hún
líklega borist frá Færeyjum. Hún er
botnlæg eins og aðrir flatfiskar og í
sjó finnst hún frá fjöruborði niður á
um 100 m dýpi. Hún sækir bæði í
ísalt og ferskt vatn og lifir í árósum
ásamt því að ganga upp í ár og læki
en slíkt er óvenjulegt á meðal sjáv-
arfiska. Vísbendingar eru um að
flundra fjölgi sér mikið núna og
breiðist hratt út við landið. Margir
hafa af þessu áhyggjur, meðal ann-
ars stangveiðimenn vegna hugs-
anlegrar samkeppni við laxfiska
um búsvæði og fæðu.
Furðufiskur Nýbúi við Ísland.
Flundra veiddist í
Kópavogslæknum
STUTT