Morgunblaðið - 30.09.2008, Blaðsíða 44

44 ÞRIÐJUDAGUR 30. SEPTEMBER 2008 MORGUNBLAÐIÐ
Fólk
BANG Gang, eins manns sveit Barða Jó-
hannssonar, mun hita upp fyrir hina
frönsku Air á tvennum tónleikum 10. og
11. október. Tónleikarnir fara fram í
Reims og París í tónleikahöllum sem eru
einkum ætlaðar undir klassískt tónleika-
hald og var uppselt á tónleikana í júní.
„Þetta er órafmagnað,“ tjáir Barði
blaðamanni. „Air verður með einhverja
sérstaka uppsetningu og sömuleiðis við.
Með mér verða þau Vala Yates og Hrafn
Thoroddsen.“
Barði er annars á fullu að kynna síð-
ustu plötu Bang Gang, Ghosts from the
Past. Bakland sveitarinnar er afar sterkt
í Evrópu og í endaðan október og í upp-
hafi nóvember verður ráðist í þriggja
vikna tónleikaferðalag um Frakkland,
Sviss, Pólland, Belgíu og víðar. Þá var
fjögurra síðna umfjöllun um Bang Gang í
ítalska Rolling Stone á dögunum. „Hinn
ágæti bar Boston kemur þar ríkulega við
sögu,“ segir Barði. „Platan hefur líka
fengið stórkostlega dóma. Einn þýskur
gagnrýnandi fór miklum hamförum í
löngum dómi sem var dreginn saman með
þessum tveimur orðum: sehr gut. Það var
gríðarlega hressandi að lesa þá umsögn
og fá svona líka kjarnyrt meðmæli.“
Bang Gang hitar upp fyrir Air
 Hin dularfulla sveit Fallega gul-
rótin, sem á varnarþing í Kópavogi,
snýr aftur með látum nú á laug-
ardaginn. Treður hún upp í Kling
og Bang galleríi á Hverfisgötunni
klukkan 18. Tónleikarnir verða í
tengslum við sýningu Lorts,
Trommusóló H42, sem opnuð verð-
ur þennan daginn.
Sveitin atarna hefur ekki komið
oft fram en gaf út plötu árið 2002,
Drap mann með rassinum. Þar voru
skráðir meðlimir þeir Djöfla Dóri,
Siggi Mæjó, Tónskrattinn, Gunni
Görn og Addi Sækó. Meðlimir og
nákvæm tala þeirra er þó nokkuð á
huldu en heimildir Morgunblaðsins
herma að með sveitinni hafi m.a.
starfað þeir Sigurður Guðjónsson
myndlistarmaður, Hlynur Aðils
tónskáld, Sigurður Magnús Finns-
son athafnaskáld og Árni Sveins-
son, plötusnúður og kvikmynda-
gerðarmaður. Í orðsendingu frá
Mæjó kemur fram að sveitin sé að
undirbúa nýja plötu og fleiri tón-
leikar séu í bígerð, m.a. í kringum
væntanlega Airwaveshátíð.
Fallega gulrótin
snýr aftur
 Heyrst hefur að rokkabillísveitin
ógurlega, Langi Seli og Skuggarnir
sé að leggja lokahönd á upptökur að
nýrri plötu. Langi Seli reis á sínum
tíma upp úr ösku listasveitarinnar
Oxmá og var sveitin þá skipuð gít-
arleikaranum og söngvaranum Axel
Hallkeli (Sela), bassaleikaranum
Jóni sem bar viðurnefnið Skuggi,
Kormáki Geirharðssyni á trommum
og Steingrími Guðmundssyni sem
lék á gítar.
Samkvæmt heimildum Morg-
unblaðsins mun Eric Quick vera
kominn í stað Kormáks en staða
Steingríms er enn ófyllt. Þó mun
nýr liðsmaður vera genginn til liðs
við Langa Sela en það er enginn
annar en þúsundþjala-tónsmiðurinn
Gísli Galdur.
Langi Seli kom síðast fram fyrir
tveimur árum í Þjóðleikhúskjall-
aranum ásamt Ske og Jeff Who?
Ný plata frá Langa Sela
og Skuggunum
MENNING
Miðasala
S. 545 2500
www.sinfonia.is
■ Fimmtudagur 2. október kl. 19.30
Í austurvegi - Tónlist innblásin af austurlenskri
Gamelantónlist
Tónlist innblásin af austurlenskri Gamelantónlist sem
hafði mikil áhrif á vestræn tónskáld í lok nítjándu aldar
og allt fram á þennan dag.
Stjórnandi: James Gaffigan
Einleikarar: Roland Pöntinen og Love Derwinger.
Nico Muhly: Wish You Were Here
Francis Poulenc: Konsert fyrir tvö píanó
Colin McPhee: Tabuh-Tabuhan
Claude Debussy: La Mer
■ Föstudagur 3. október kl. 21.00
Heyrðu mig nú - Gamelan
James Gaffigan, Roland Pöntinen og Love Derwinger.
Tónlist eftir Nico Muhly og Colin McPhee.
Í heyrðu mig nú - tónleikaröðinni er hefðbundið
tónleikaform brotið upp. Stuttir tónleikar þar sem tónlistin
er kynnt á undan flutningi og boðið í eftirpartý í anddyri
Háskólabíós á eftir. Tilvalið fyrir forvitna tónlistarunnendur.
Miðaverð aðeins 1.000 krónur.
STOÐIR ERU AÐALSTYRKTARAÐILI
SINFÓNÍUHLJÓMSVEITAR ÍSLANDS
Eftir Arnar Eggert Thoroddsen
arnart@mbl.is
HINN 6. nóvember næstkomandi
verða liðin tíu ár frá sviplegu fráfalli
Þorgeirs Rúnars Kjartanssonar,
myndlistar- og tónlistarmanns,
kennara, skálds og allra handa lífs-
kúnstners. Þorgeir snart margan
manninn þau ár sem hann lifði og
ætla vinir hans að minnast þessara
tímamóta með útgáfu veglegrar
bókar sem kemur út téðan dán-
ardag og sama kvöld verður sérstök
minningardagskrá í Iðnó.
Það er útgáfan Ljós á jörð sem
gefur út bókina. Kallast hún Óður
eilífðar, og þar verður að finna ljóð
og listaverk Þorgeirs. Um er að
ræða innbundna 362 síðna bók með
litmyndum og kemur hún út í í tak-
mörkuðu upplagi. Bókinni er fylgt
úr hlaði með inngangi eftir Guð-
mund Andra Thorsson og Rúnu K.
Tetzchner.
Þorgeir stofnaði á sínum tíma
hljómsveitina Júpíters og hafa fyrr-
verandi félagar hans samið tónverk
við heimsádeilukvæði eftir Þorgeir
sem verður flutt á áðurnefndum há-
tíðartónleikum.
Hörður Bragason, fyrrverandi fé-
lagi Þorgeirs í Júpíters, hefur einn-
ig samið tónlist við sálma eftir Þor-
geir sem verða fluttir um kvöldið,
ljóð hans verða einnig lesin upp og
fjölmargir listamenn koma fram.
Fólki býðst að gerast áskrifendur
að bókinni og styrkja þannig útgáf-
una með því að hafa samband við út-
gefanda í netpósti (runakt@hive.is)
eða símleiðis (691-3214).
Óður eilífðar
Listamaðurinn Þorgeir var einn af
stofnendum hinnar dáðu Júpíters.
Eftir Gunnhildi Finnsdóttur
gunnhildur@mbl.is
ÞEIR þurfa yfirleitt að líta reglu-
lega yfir öxlina við vinnu sína og
vera viðbúnir að stökkva í burtu ef
til þeirra sést, en nú hafa sjö graff-
arar fengið inni í virðulegum sýn-
ingarsölum þar sem þeir sýna jafnt
vegglistaverk sem málverk á
striga.
Jón Pétur Þorsteinsson, sextán
ára sýningarstjóri, segist hafa
fengið hugmyndina að sýningunni
Gráum veggjum strax og hann
heyrði að pabbi hans, Þorsteinn
Jónsson, ætlaði að opna Reykjavík
Art Gallery á Skúlagötu. „Vinir
mínir eru að fást við þetta sumir og
mér finnst þetta áhugavert. Graffítí
er vanmetið og það líta flestir á það
sem glæp en ekki list,“ segir Jón
Pétur. „Þó að það séu til menn sem
eyðileggja hluti, þá er það bara
hópur innan graffara, það eru ekki
allir að skemma. Margir vilja gera
eitthvað boðlegt og nota málningu
og spreybrúsa á mjög háþróaðan
hátt. Þeir eru ekki að merkja sér
svæði, heldur búa til list.“ Hann
segir sýninguna mjög fjölbreytta
og hver listamaður hafi sinn sér-
staka stíl.
Af veggjum á striga
Rúnar Kristmannsson hefur selt
þrjú af verkum sínum á sýningunni.
Hann er fimmtán ára og þar með
yngsti graffarinn í hópnum. „Þetta
snýst allt um að nota spreybrúsa,“
segir hann um þau verk sem hann
gerði fyrir sýninguna. „Sýningin
fjallar um það að setja þetta á
striga, í staðinn fyrir veggi, þar
sem ekki er hægt að kalla þetta
skemmdarverk og hægt að sýna að
þetta sé list.“ Hann segir að sífellt
verði erfiðara fyrir graffara að at-
hafna sig í Reykjavík. „Borgin hef-
ur bara viljað sjá þetta sem
skemmdarverk og eyðilagt lista-
verk í staðinn fyrir að einbeita sér
að skemmdarverkum. Þeir fara og
mála yfir allt, líka einkaveggi, með
hvítri og grárri málningu og þaðan
er nafnið á sýningunni komið, Gráir
veggir.“
Rúnar segir verk sín í galleríinu
ekki eins og þau sem hann gerir úti
á götu. „Maður hefur meiri tíma
þarna. Þetta eru málverk, en stíll-
inn er samt svolítið hrár. Ég nota
mikið af litum og reyni að finna liti
sem passa saman. Þetta eru ekki
stafir eða svona venjulegt graffítí.
Maður er nánast í hverjum mánuði
með nýjan stíl, en byrjar yfirleitt á
því að búa til teikningu og svo vinn-
ur maður sig út frá því, byrjar að
velja liti og skyggingu og svoleið-
is.“
Glæpur
eða list?
Sjö ungir graffarar sýna þessa
dagana í Reykjavík Art Gallery
Morgunblaðið/Valdís Thor
Listamaðurinn Rúnar Kristmannsson hefur þegar selt þrjú af verkum sín-
um á sýningunni. Hann er aðeins fimmtán ára gamall.
Barði Hljómsveit
hans Bang Gang
er sívinsæl í
Frakklandi.
Morgunblaðið/Þorkell
Eftir Arnar Eggert Thoroddsen
arnart@mbl.is
FLESTIR graffarar vinna undir
dulnefni. Þeir sem eiga verk á
Gráum veggjum eru:
Lluc Queralt „Skatboy“
Wyh
Hroki
Chulo
Margeir „Dire“ Sigurðsson
Youze
Ima
Lid 25
Graffararnir