Morgunblaðið - 27.10.2008, Blaðsíða 4

4 FréttirINNLENT
MORGUNBLAÐIÐ MÁNUDAGUR 27. OKTÓBER 2008
Nú bjóðum við síðustu sætin í sólina á Kanaríeyjum 26. nóvember í 24
nætur á frábæru sértilboði. Bjóðum frábær sértilboð á Roque Nublo,
Dorotea, Parquesol og Liberty, nokkrum af allra vinsælustu gististöðum
okkar á Kanarí. Gríptu tækifærið og
njóttu lífsins á þessum vinsæla
áfangastað við góðan aðbúnað.
Skógarhlíð 18 • sími 595 1000 • www.heimsferdir.is
Kanarí
Frábær ferð - 24 nætur
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
frá kr. 89.990
26. nóvember
Verð kr. 89.990
Netverð á mann, m.v. 2-4 í búð/smáhýsi á
Parquesol eða Dorotea 26. nóv. í 24 nætur.
Gisting á Liberty, Parque Cristobal og Roque
Nublo kostar kr. 5.000 aukalega.
Ótrúleg sértilboð á gistingu!
Frábær staðsetning!
Eftir Þorbjörn Þórðarson
thorbjorn@mbl.is
„ÞAÐ stefnir allt í hópuppsagnir,
hjá okkur sem og öðrum,“ segir
Gunnar Þorláksson, annar eigenda
Byggingafélags Gylfa og Gunnars
[BYGG]. „Það er ekki staðið við
fjármögnunarsamninga sem þýðir
að stöðva þarf framkvæmdir við
fjöldann allan af stórum verkum,“
segir Gunnar.
Stöðvast ein af annarri
Gunnar segist sjá fyrir sér
gríðarlegar uppsagnir. „Það eru
grafalvarlegir hlutir að eiga sér
stað núna. Það er ósköp einfalt að
þegar menn eru með framkvæmdir
við heilu og hálfu stórhýsin í gangi
og bankarnir stóðu á bak við fjár-
mögnun, þá munu framkvæmdir
stöðvast ein af annarri. Ég sé fyrir
mér algjört hrun í byggingariðn-
aði.“ Gunnar segir að þegar fjár-
mögnunarsamningar haldi ekki
lengur geti menn ekki klárað sín
verk. „Þetta er skelfilegt gagnvart
öllu því vinnandi fólki sem fær bréf
um mánaðamótin,“ bætir hann við.
Hann segist ekki tilbúinn að til-
greina nákvæmlega hversu mörg-
um verði sagt upp hjá Bygg, en
það séu nokkrir tugir.
Kári Arngrímsson, forstjóri
Keflavíkurverktaka, segir að allir
séu að bíða eftir því að bankarnir
hefji störf að nýju. „Við erum ekki
bjartsýnir, það er óvissa fram-
undan, engin spurning,“ segir
Kári. Hann segir að eitthvað hafi
verið um uppsagnir hjá Keflavík-
urverktökum og fleiri uppsagnir
séu yfirvofandi. Hann segist þó
ekki tilbúinn að fara nánar út í þær
fyrr en þær hafa verið tilkynntar
starfsmönnum.
Dökk mánaðamót
„Við búumst við mjög dökkum
mánaðamótum,“ segir Finnbjörn
Hermannsson, formaður Samiðn-
ar. „Mér sýnist að fjögur hundruð
manns í byggingariðnaði komi til
með að missa vinnuna um þessi
mánaðamót. Það virðast allir ætla
að skera niður í verklegum fram-
kvæmdum. Það er auk þess algjört
frost á íbúðamarkaðnum. Við erum
því ekkert sérstaklega bjartsýnir,“
segir Finnbjörn. Spurður hvað
þurfi að gerast svo markaðurinn
glæðist segir Finnbjörn að hið
opinbera þurfi að hefja verklegar
framkvæmdir. „Síðan verður með
einhverjum hætti að létta undir
með þeim sem eiga fjármagn, eins
og að fella niður virðisaukaskatt af
viðgerðarvinnu og þess háttar.“
„Við höfum engar jákvæðar
fréttir fengið,“ segir Sigurður
Bessason, formaður Eflingar
stéttarfélags. „Samdrátturinn
verður mikill, en hversu mikill og
hversu langt tímabil hann mun ná
yfir liggur ekki fyrir. Það er hugs-
anlegt að tillaga félagsmálaráð-
herra um að menn verði í hluta-
starfi og Atvinnuleysistrygginga-
sjóður komi á móti, kunni að
hjálpa til. En það er ekkert farið
að reyna á það.“ Sigurður segir að
menn séu almennt svartsýnir hjá
Eflingu. „Það er ekkert sem bend-
ir til annars en þessi vetur verði
mjög erfiður. Ekki síst vegna þess
að sveitarfélögin hafa lýst yfir
samdrætti og þau hafa verið stórir
gerendur á þessum markaði. Lítið
fjárstreymi í þjóðfélaginu kemur
líka illa niður á verktökum,“ bætir
Sigurður við.
Algjört hrun framundan
 Það stefnir allt í hópuppsagnir í byggingariðnaði  Framkvæmdir stöðvast
ein af annarri  Hið opinbera þarf að hefja verklegar framkvæmdir fljótlega
JÓHANNA Sigurðardóttir félagsmálaráðherra kynnti
fyrir ríkisstjórninni núna rétt fyrir helgi tillögur um
aðgerðir til að draga úr vaxandi atvinnuleysi. Tillög-
urnar eru niðurstaða samráðshóps félagsmálaráðu-
neytisins, ASÍ og SA. Helstu tillögur eru að sá tími
sem heimilt er að greiða launamanni tekjutengdar at-
vinnuleysisbætur verði lengdur hlutfallslega í sam-
ræmi við lækkað starfshlutfall. Þannig geti launamað-
ur sem hefur áunnið sér fullan rétt til bóta, en lækkar
úr 100% starfshlutfalli í 75%, fengið greiddar tekju-
tengdar bætur í samtals tólf mánuði í stað þriggja áð-
ur. Jafnframt að skerðing bóta vegna launagreiðslna
frá vinnuveitanda fyrir hlutastarf verði felldar niður. Í þessu felst að
laun sem starfsmaður heldur fyrir 50% starfshlutfall eða hærra muni
ekki skerða hlutfallslegar bætur. Og að greiðslur úr Ábyrgðarsjóði
launa verði miðaðar við tekjur samkvæmt því starfshlutfalli sem launa-
maður gegndi áður en til samdráttar kom í fyrirtækinu 1. október eða
síðar og að bú atvinnurekanda hafi verið tekið til gjaldþrotaskipta innan
12 mánaða frá þeim tíma sem starfshlutfall viðkomandi var lækkað.
Reynt að mæta vandanum
Jóhanna
Sigurðardóttir
„MÉR finnst
okkar norrænu
kollegar vera
fyrst að átta sig á
núna hvað þetta
er alvarleg staða.
Hvað þetta geti
haft mikið í för
með sér fyrir ís-
lenska þjóð. Og
mikilvægi þess að
finna heildstæða
lausn á þessu máli,“ sagði Árni Páll
Árnason, þingmaður Samfylkingar-
innar, í viðtali við mbl.is í gærkvöldi.
Hann ávarpaði í gær ráðstefnu í
Helsinki þar sem fjallað var um nor-
rænu víddina í Evrópusamstarfinu.
Aðspurður segist Árni Páll hafa
fundið fyrir stuðningi í garð Íslend-
inga. „Þetta er ekki eins og þetta sé
eitthvert séríslenskt vandamál,“
segir Árni Páll, en bætti við að vegna
veiks gjaldmiðils og stærðar bank-
anna hefðu Íslendingar farið verr út
úr kreppunni en aðrar þjóðir.
Árni Páll ræddi stöðu Íslands og
samstarf Norðurlandaþjóða á ráð-
stefnunni, sem er haldin í tengslum
við Norðurlandaráðsþingið sem
fram fer í Finnlandi í þessari viku.
Nokkrir ráðherrar sækja þing
Norðurlandaráðs, þeirra á meðal
Geir H. Haarde forsætisráðherra.
Hann mun ræða um fjármálakrepp-
una á Íslandi við aðra norræna for-
sætisráðherra.
Hafa áttað
sig á erf-
iðri stöðu
Málin rædd á þingi
Norðurlandaráðs
Árni Páll
Árnason
STEINGRÍMUR J. Sigfússon, for-
maður Vinstrihreyfingarinnar
græns framboðs, þingaði í gær með
Kristinu Halvorsen, fjármálaráð-
herra Noregs, og ráðgjafa hennar
um mögulega aðstoð við Íslendinga.
Að sögn Steingríms kom fram á
fundinum skilningur Norðmanna og
vilji þeirra til að aðstoða Íslendinga
fjárhagslega. Rædd var sú hugmynd
að Norðurlöndin tækju virkan þátt í
fjárhagsaðstoð með Alþjóðagjald-
eyrissjóðnum.
Fyrr um daginn hitti Steingrímur
Íslendinga búsetta í Ósló og ræddi
við þá um stöðu efnahagsmála á Ís-
landi. Sambærilegur fundur var
haldinn í gærkvöldi í Jónshúsi í
Kaupmannahöfn.
Ræddi við
Halvorsen
SÝNING Þorkels Þorkelssonar ljósmyndara á „ís-
lenskum hryðjuverkamönnum“ hófst í gær í Vetrar-
garðinum í Smáralind og stendur í tvær vikur – með
honum á myndinni er eiginkonan, Heba Soffía Björns-
dóttir. Nær 100 manns á öllum aldri urðu við beiðni
Þorkels nýlega um að leyfa honum að taka mynd af
þeim með vopn sín.
Þau reyndust vera margvísleg, nefna má snuddur,
penna og snjóbolta. Myndirnar eru 79 talsins. Hug-
myndina fékk Þorkell þegar bresk stjórnvöld settu
Landsbankann á lista yfir hryðjuverkasamtök.
„Mér misbauð þetta uppátæki hjá Brown og Darling,
fannst að okkur vegið. Ég hugsaði með mér, hvað get
ég gert til að sýna fáránleikann í þessu? Þá datt mér í
hug að ef Ísland er komið á hryðjuverkalista hljótum
við að vera hryðjuverkamenn. Við skulum þá taka húm-
orinn í notkun og sýna hverjir þessir hryðjuverkamenn
eru, hvernig þeir líta út og hver vopnin eru. Myndirnar
ætla ég að birta á heimasíðunni minni,“ segir Þorkell.
kjon@mbl.is
„Hryðjuverk“ með
snuddum og snjóboltum
Nær 100 manns mættu hjá Þorkeli Þorkelssyni ljósmyndara
til að láta taka af sér mynd með vopnin ógurlegu
Morgunblaðið/Frikki
Morgunblaðið/Júlíus
Framkvæmdir Forstjórar verktakafyrirtækja og forystumenn stéttarfélaga eru svartsýnir og sammála um að veturinn framundan verði erfiður.