Morgunblaðið - 27.10.2008, Blaðsíða 30

30 MenningFRÉTTIR
MORGUNBLAÐIÐ MÁNUDAGUR 27. OKTÓBER 2008
79.200
af þessum gestum
hefðu ekki komið til
borgarinnar nema til
að sjá Fossana. Fossanna fékk512.000
heimsóknir milli janúar og október.
Heimasíða
frá sama tíma árið 2001.
Sýningin Ólafur Elíasson: Take Your Time, var sam-
tímis í MoMA á Manhattan og PS 1 Contemporrary
Art Center, í Queens. Á síðarnefnda staðnum var þetta
ein besta sótta sýningin í sögu
safnsins, en aðsókn jókst um 144%
þeirra sem skoðuðu Fossana
sögðu það hafa verið fyrstu
ferð þeirra til hafnarsvæðanna
á Manhattan eða í Brooklyn.
Um23%
manns keyptu miða með bátum
sem sigldu fram hjá Fossunum.
213.000
Meira en
2,6 sjónarhornum,að meðaltali.
Þeir sem skoðuðu
Fossana sáu þá frá
6.000
ljósmyndir af Fossunum
voru settar á vefsvæðið
Flickr.com og yfir 200
myndbönd voru sett
á YouTube.com.
YfirNærri
1,4
milljónir manna
skoðuðu Fossa Ólafs
Elíassonar, frá útsýnis-
stað eða báti.
Um 80.000 manns komu sérstaklega til að sjá Fossana
Morgunblaðið/EE
BLOOMBERG borgarstjóri í New York seg-
ir að efnahagsleg áhrif Fossa Ólafs Elías-
sonar í borginni í sumar séu um 69 miljónir
dala, rúmlega átta milljarðar króna. Um 1,4
milljónir manna gerðu sér ferð til að skoða
verkin á tímabilinu 26. júní til 13. október.
„Við vissum alltaf að Fossarnir myndu
hafa góð áhrif á hafnarsvæðið en heildar-
áhrifin fóru langt fram úr okkar björtustu
vonum,“ segir Bloomberg. „Fólk þurfti ekki
að kaupa miða eða fara í gegnum hlið til að
njóta verkanna, en þessi sýning fékk fólk til
að heimsækja svæði í borginni sem það
hefði annars ekki heimsótt. Við höfum allt-
af skilið að við þurfum að stuðla að stórum
sérstökum verkefnum, sem sýna sérstöðu
þessarar borgar, og það verður ennþá mik-
ilvægara nú þegar efnahagslífið er í nið-
ursveiflu.“
Public Art-sjóðurinn fékk Ólaf til að
vinna verkið, í samvinnu við borgina.
Kostnaðurinn við uppsetningu fossanna var
15,5 milljónir dala. Í þeirri tölu er öll fram-
setningin; byggingarefni, byggingarvinna,
umsjón, auk kynningar- og námsefnis. Þá er
áætlað að gestir hafi eytt 26,3 milljónum
dala við að koma til borgarinnar og upplifa
verkið, og aðrar 26,8 milljónir hafi farið í
óbeina eyðslu í tengslum við þá upplifun.
Starfsmenn kynningardeildar New York-
borgar benda einnig á að Fossarnir hafi
opnað fólki leið inn í margbreytileg sam-
félög í borginni, fjölgað ferðum ferja og
annarra báta um hafnarsvæðið og stutt við
ímynd borgarinnar sem helstu miðstöðvar
menningar og lista.
„Verkefnið opnaði fólki ekki bara nýjar
leiðir til að upplifa borgina,“ segir Susan K.
Freedman, sem stýrir Public Art-sjóðnum,
„heldur víkkaði það líka út hugmyndir
manna um list í opinberu rými.“
efi@mbl.is
Áhrif Fossanna fram
úr björtustu vonum
 Um átta milljarðar króna flæddu inn í New York-borg vegna Fossa
Ólafs Elíassonar  Verkin opnuðu fólki nýjar leiðir til að upplifa borgina
Reuters
Foss Um 1,4 milljónir manna skoðuðu Fossa Ólafs Elí-
assonar frá útsýnisstað eða báti.
KVIKMYNDASAFN Íslands
sýnir Dick Tracy í Bæjarbíói í
Hafnarfirði á morgun.
Dick Tracy er spennu- og
ævintýramynd sem byggð er á
vinsælli teiknimyndasögu um
samnefndan leynilögreglu-
mann og viðureign hans við
bófagengi. Aðalleikari og leik-
stjóri myndarinnar er Warren
Beatty en Al Pacino fer líka
með stórt hlutverk.
Sýningin í kvöld hefst kl. 20 en myndin verður
líka sýnd næstkomandi laugardag kl. 16.
Miðaverð er 500 kr. og opnar í miðasölu um
hálftíma fyrir sýningu.
Kvikmyndir
Dick Tracy sýnd
í Bæjarbíói
Leynilögreglumað-
urinn Dick Tracy.
ÚT er komin hjá bókaforlaginu
Bjarti skáldsaga um ævi Hall-
gríms Péturssonar eftir Úlfar
Þormóðsson.
Í þessari sögulegu skáld-
sögu, sem heitir einfaldlega
Hallgrímur, er dregin upp
mynd af manninum, skáldinu
og prestinum. Í lífi Hallgríms
skiptast á stórir sigrar og
djúpar sorgir; yfir og allt um
kring er andrúmsloft 17. ald-
arinnar, þrungið galdrafári. Barátta Hallgríms
við Guð, ástir hans og Guðríðar Símonardóttur,
sár dótturmissir og fæðing Passíusálmanna er
meðal þess sem fjallað er um á síðum bókarinnar.
Bókmenntir
Maðurinn, skáldið
og presturinn
Hallgrímur
Pétursson
TJÁNING og tilvist: námskeið
um expressionisma í myndlist
og tilvistarstefnu í heimspeki á
20. öldinni og í samtímanum
hefst hjá Endurmenntun Há-
skóla Íslands á fimmtudaginn.
Það er Ólafur Gíslason list-
gagnrýnandi sem kennir á
námskeiðinu. Á því verður arf-
ur expressionismans og tilvist-
arstefnunnar tekinn til endur-
skoðunar, sögulegar og
hugmyndalegar rætur hans kannaðar og reynt að
leggja mat á þýðingu hans í samtímanum.
Námskeiðið stendur frá 30. október til 27. nóv-
ember. Nánar á www.endurmenntun.is.
Myndlist
Expressionismi og
tilvistarstefnan
Ópið eftir Edvard
Munch.
LJÓSMYNDARINN frægi Annie
Leibovitz hefur nú sagt frá því að El-
ísabet Englandsdrottning hafi verið
frekar óróleg og ekki í sem bestu
skapi á meðan hún tók af henni
myndaseríu á seinasta ári. Sjón-
varpsstöðin BBC sýndi í fyrra mynd-
brot frá myndatökunni þar sem
drottningin svarar Leibovitz hrana-
lega, þegar hún biður hana um að
taka niður kórónuna, og strunsar í
burtu. Stöðin sendi seinna frá sér af-
sökunarbeiðni vegna birtingarinnar
en myndbrotið var klippt saman,
drottningin strunsaði aldrei úr
myndatökunni.
Leibovitz segir að myndbrotið af
drottningunni að strunsa í burtu hafi
í raun og veru verið þegar hún var að
koma til töku. „Þeir hefðu alveg eins
geta sýnt þegar drottningin varð
smáfúl, það hefði verið alveg eins góð
saga og sannari.“ Leibovitz sagði
þetta í ræðu við opnun á ljós-
myndasýningu hennar í National
Portrait-galleríinu í London nú í
október. En þar er myndaserían af
drottningunni m.a. til sýnis. Hún
varði rétt drottningarinnar til að vera
í fúlu skapi. „Mörgum er illa við að
vera ljósmyndaðir og það er mjög
eðlilegt að upphaf myndatöku sé erf-
itt. Við vorum öll mjög taugatrekkt.
Þegar drottningin kom vissi ég að
eitthvað var að því aðstoðarmenn
hennar héldu sig fjarri henni. Þegar
hún kom inn sagðist hún ekki hafa
mikinn tíma. En í lok myndatök-
unnar var allt í himnalagi,“ sagði
Leibovitz og bætti við að drottningin
hefði orðið mjög hrifin af myndunum.
Elísabet Ein af myndunum sem
Leibovitz tók af drottningunni.
Englands-
drottning í
fúlu skapi
Ljósmyndir Leibo-
vitz til sýnis í London
LÖGREGLAN í Jórdaníu handtók
rithöfund í landinu í síðustu viku
fyrir að nota vers úr hinni heilögu
bók Kóraninum í ástarljóð sem
hann samdi.
Ljóðasafnið Grace like a Sha-
dow eftir ljóðskáldið Islam Sam-
han þótti móðgun við hina helgu
bók og var gefið út án samþykkis
stjórnvalda í Jórdaníu, að sögn
embættismanns þar í landi.
Samhan var ákærður fyrir að
skaða íslamska trú og brjóta út-
gáfulög með því að nota hið heil-
aga orð Kóransins í kynferðisleg
þemu. Ef ljóðskáldið verður dæmt
gæti það þurft að eyða þremur ár-
um í fangelsi.
Lög í Jórdaníu banna útgáfu
bóka eða greina sem gætu verið
álitnar skaðlegar íslam og spá-
manninum Múhameð. Fyrir tveim-
ur árum voru ritstjórar tveggja
dagblaða í landinu dæmdir í
tveggja mánaða fangelsi fyrir að
móðga íslam eftir að þeir birtu
hina frægu dönsku teikningu af
Múhameð í blöðum sínum.
Rithöfundar og listamenn í
Jórdaníu hafa farið fram á það við
stjórnvöld að þau láti Samhan
lausan og segja að handtakan sé
afturför í tjáningarfrelsi og kalla
eftir endalokum kúgunar og ógn-
ana sem eigi sér stað gegn
menntamönnum.
Ástarljóð móðg-
un við trúna