Morgunblaðið - 22.11.2008, Síða 54

54 MenningFÓLK
MORGUNBLAÐIÐ LAUGARDAGUR 22. NÓVEMBER 2008
 Félagarnir President Bongo, DJ
Margeir og Hairdoctor, sem saman
mynda skemmtanafyrirtækið Jón
Jónsson ehf. eru ekki af baki dottn-
ir þótt kreppi að, og ætla að standa
í stórræðum fyrir komandi jólahá-
tíð. Hinn 20. desember munu nefni-
lega Íslandsvinirnir í Ratatat spila
á tónleikum á Broadway sem þeir
félagar standa fyrir. Ratatat, sem
er bandarískur rafdúett, kom fram
á Iceland Airwaves árið 2005 og
vakti þar mikla kátínu meðal við-
staddra. Margar nafntogaðar sveit-
ir og tónlistarmenn hafa fengið
Ratatat til að túra með sér og má
þar nefna listamenn á borð við
Björk, Franz Ferdinand, Interpol,
Daftpunk, CSS og The Killers.
Miðasala á tónleikana fer fram á
midi.is og í verslunum Skífunnar og
hefst á kl. 10 á mánudaginn.
Engin kreppa hjá Jóni
Jónssyni og félögum
Fólk
Eftir Árna Matthíasson
arnim@mbl.is
ÓTTAR M. Norðfjörð er umsvifameiri en margur fyrir
þessi jól, því hann sendir frá sér þrjár bækur: Sólkross,
teiknimyndasöguna Tíu litla bankastráka og þriðja og
síðasta bindið í ævisögu Hannesar Hólmsteins Giss-
urarsonar: Gissurson? Hver er orginal?
Til að fagna þessum býsnum efnir Óttar til fagnaðar
í Máli og menningu á Laugavegi í dag kl. 13.30. Þar
verður ýmislegt við að vera, kaffiveitingar í
boði og djass framreiddur af Hrafnasparki,
en einnig verður skáldið á staðnum, les
úr Tíu litlum bankastrákum og ræðir
við gesti. Að auki verður síðan hægt
að kaupa bókina Sólkross og fá í
kaupbæti fimm bóka Óttars: Hníf Abrahams, Tíu litla
bankastráka, teiknimyndasöguna Jón Ásgeir og afmæl-
isveisluna og Gissurson? Hver er orginal?
Óttar segir að sig hafi langað til að brydda upp á ein-
hverju nýju, „láta gott af mér leiða og fá umbun í stað-
inn“, segir hann og hlær við, en höfuðtilgangur uppá-
komunnar er að kynna Sólkrossinn sem hann segir
sjálfstætt framhald Hnífs Abrahams með íslenskri sögu í
forgrunni.
Alla jafna segist Óttar lítið gaman hafa af að lesa upp,
hann sé ekki spenntur fyrir því að setja sig á stall frammi
fyrir lesendum sínum.
„Það er ekki gaman að vera í svo mikilli fjarlægð frá
fólki, en mér finnst aftur á móti mjög gaman að hitta les-
endur mína og spjalla við þá. Þá kvikna líka oft hug-
myndir sem skila sér síðan í næstu skáldverk.
 Hljómsveit allra landsmanna,
Stuðmenn, kom fram í splunku-
nýrri mynd á samstöðutónleikunum
í Laugardalshöll á laugardaginn,
en í framlínu sveitarinnar voru
Jónsi í Svörtum fötum og Hara-
systur. Þessi nýja skipan sveitar-
innar virðist komin til að vera því
sveitin ætlar að koma fram í sömu
mynd á tónleikum í Duus húsum í
Keflavík í kvöld. „Grasrótin hefur
kallað á stöðugleika í framvarða-
sveit Stuðmanna og við erum að
reyna að mæta því kalli,“ segir Jak-
ob Frímann Magnússon, formaður
Stuðmanna, um hina nýju uppstill-
ingu sveitarinnar.
Það virðist því vera ljóst að Egill
Ólafsson sé endanlega hættur í
Stuðmönnum, og fylgir hann þar
með fordæmi Ragnhildar Gísladótt-
ur, Þórðar Árnasonar og Valgeirs
Guðjónssonar. Eins og margir ef-
laust vita er Egill meðal fremstu
söngvara landsins, og ekki á valdi
hvers sem er að feta í fótspor hans.
Það er því töluverð pressa á Jónsa
sem mun þó eflaust gera sitt besta
til að klæða Stuðmannalögin í nýjan
búningi, það er að segja í svört föt.
Verða Stuðmenn í
svörtum fötum?
Eftir Arnar Eggert Thoroddsen
arnart@mbl.is
TÓNLEIKAR undir yfirskriftinni
Baráttukveðjur fara fram í dag í
Vetrargarði Smáralindarinnar á
milli klukkan 16 og 18. Tónleikarnir
eru haldnir að undirlagi rapparans
Ká Eff Bé og er ætlað að styðja við
bakið á fólki sem á erfitt og sér-
staklega þeirra sem kljást við
krabbamein.
„Ég samdi lag sem ber þetta heiti,
„Baráttukveðjur“,“ segir Ká Eff Bé
eða Kristinn F. Birgisson. „Það var
samið til kærustu minnar sem stríðir
við krabbamein. Ég sendi síðan
krabbameinsfélaginu tölvupóst og
bar þá hugmynd undir forsvars-
menn þar hvort það væri ekki snið-
ugt að gera myndband við lagið. Ég
var óðar boðaður á fund og markaðs-
stjórinn þar, Gústaf, vildi ólmur
koma þessum tónleikum á.“
Kristinn segist hafa verið að dútla
við tónlist lengi, aðallega í frí-
stundum og hann sé tiltölulega ný-
kominn úr pásu. Unnustan, sem
hann kynntist fyrir ári, tendraði í
honum neistann á nýjan leik.
„Hún er kveikjan að því að ég
byrjaði aftur,“ segir Kristinn og seg-
ir aðspurður að vissulega geti það
tekið á að lifa með krabbameini.
„En tónleikunum er líka ætlað að
vinna gegn fordómum í garð þessa
ástands. Við lifum okkar lífi eins og
hver annar, gerum alla þessa venju-
bundnu hluti þó að krabbameinið sé
staðreynd.“
Ókeypis er inn á tónleikana og all-
ir þeir sem að þeim koma, tónlistar-
og tæknimenn, gefa vinnu sína.
Fram koma Ká Eff Bé og Matti,
Ástþór Óðinn ásamt Möggu Eddu,
Dark Harvest, Agent Fresco, Vít-
amín, Mammút, Anna Hlín, Stjörn-
uryk og Heiður.
„Þetta er ekki fjársöfnun,“ segir
Kristinn að lokum. „Þetta snýst
fyrst og fremst um það að fólk komi
saman, veiti hvað öðru styrk um leið
og ég vonast til að fólk verði meira
meðvitað. Vonandi mæta sem flestir
í baráttuhug …er það ekki líka já-
kvætt að komast á fría tónleika í yf-
irstandandi kreppu? (hlær).“
Fólk veiti hvað öðru styrk
Baráttubræður Ástþór Óðinn og Ká Eff Bé skipuleggja tónleikana.
Baráttutónleikar að undirlagi rapparans Ká Eff Bé í dag
Eftir Arnar Eggert Thoroddsen
arnart@mbl.is
ÞAÐ var um haustið 2006 sem blaðamaður ræddi
síðast við Ragnheiði Gröndal. Þá voru fimm dag-
ar í það að hún færi í nám til New York og var
hún á fullu í hljóðveri Flís-manna við Hafravatn
að klára plötu sína Þjóðlög ásamt bróður sínum
Hauki. Þrátt fyrir ungan aldur hafði hún verið á
fullu í nokkur ár en Þjóðlög var þá fjórða plata
hennar. Dvölin í New York var bæði ánægjuleg
og erfið og nýja platan, Bella & her Black Coffee
er á vissan hátt uppgjör við þann tíma
„Það rennur ákveðið tema í gegnum plötuna,
svona „ein í stórborg“-andi,“ segir Ragnheiður.
„Titillinn vísar líka í gamalt blúslag. Og svo heitir
kisan mín líka Bella.“
Ragnheiður viðurkennir að hún hafi eiginlega
verið búin á því þegar hún kom út til stórborg-
arinnar.
„En þar fékk ég líka tíma til að stoppa aðeins,
hugsa og finna sjálfa mig. Það var búið að vera
gríðarlegt álag mjög lengi, ég var svo ung þegar
ég byrjaði og það var talsvert um að það væri
verið að tosa mann í hinar og þessar áttir.“
Öruggari lagasmiður
Á plötunni nýju eru sjö lög eftir Ragnheiði og
þrjú tökulög. „Mér finnst ég vera að finna mig
betur sem lagasmið. Ég er þannig öruggari en á
fyrstu plötunni minni af því taginu (After the Ra-
in, 2005). Ég vandaði mig við það að gera þetta
frá hjartanu og var að sækja í látlausan anda að
hætti Joni Mitchell sem er mikil hetja.“
Plötuna vann hún náið með Guðmundi Péturs-
syni og Kidda „Hjálmi“ og saman mótuðu þau
hljóðmyndina. En lengi var von á einni, og á tíma-
bili var jafnvel útlit fyrir að platan kæmi ekkert
út.
„Ég var mjög lengi ósátt við þessa plötu. Hún
átti að koma út fyrir síðustu jól en ég lagði hana
bara á hilluna. Ég bara náði ekki að festa mig við
hana og fannst aldrei neitt nógu gott. En þar kom
að vinnan fór að bera árangur og ég fór að ná átt-
um. Ég er því dauðfegin að hafa í fyrsta lagi kom-
ist yfir þennan hjalla og svo í öðru lagi að hafa
loksins komið plötunni út. Ég er afskaplega sátt.“
Ragnheiður og co halda smá kynning-
artónleika vegna plötunnar á Rósenberg þann 15.
desember en útgáfutónleikar bíða fram yfir ára-
mót.
Loksins sátt
 Ragnheiður Gröndal gerir upp árið í New York á nýrri plötu sem nefnist Bella
& her Black Coffee  Var eiginlega búin að henda henni frá sér á tímabili
Morgunblaðið/Golli
Ný sólóplata Ragnheiður Gröndal hefur sent frá sér nýja breiðskífu, Bella & her Black Coffee, sem inniheldur sjö lög eftir hana og þrjú tökulög.
Baráttukveðjur til Auðar
mbl.is | SjónvarpLagið má nálgast hér:
www.myspace.com/kaeffbe
Mjög gaman að hitta lesendur og taka þá tali