Skinfaxi - 01.04.1938, Blaðsíða 72

72
SKINFAXI
íslands muni styðja þessa starfsemi vora meS ráSum og
dáð.
Því miður verður ekki unnt að liefja framkvæmdir og stofna
ræktunardeildir unglinga samtímis í öllum þeim sambands-
félögmn vorum, sem liklegt er, að taka vildu upp slíka starf-
semi. Má tæplega búast við, að hægt verði að hafa nema
einn ráðunaut starfandi, en hann kemst ekki yfir nema tak-
markað svæði. Helzt er hugsað til að byrja á stærstu héraðs-
samböndunum, „Skarphéðni“ og U.M.S. Borgarfjarðar. Ráðu-
nautur er þegar fenginn, ungur og áhugasamur búfræðikandi-
dat, einmitt sá, sem vér höfðum heizt kosið til starfans: Hauk-
ur Jörundsson (Brynjólfssonar alþm.), kennari við hænda-
skólann á Hvanneyri. Mun hann hefja leiðbeiningaferðir í
maíbyrjun í vor.
„Friður á jörðu“.
Síðasta sambandsþing lagði svo fyrir, að Umf. skyldu leggja
lið silt til þess starfs, sem unnið er víða um lönd i þágu frið-
ar á jörðu. Samkvæmt því hefir U.M.F.Í. haft starfandi friðar-
nefnd innan vébanda sinna, tekið þátt í skipun friðarnefndar
norrænna æskulýðsfélaga og átt fulltrúa á alþjóða-friðarfundi
æskulýðsfélaga i Genf. Frá þessu hefir áður verið skýrt i
Skinfaxa.
í desember siðastl. var stofnuð i Reykjavík íslandsdeild
úr norræna friðarfélaginu „Mellanfolkligt samarbete", en það
hafði áður víðtæka starfsemi i öllum hinum fjórum Norður-
landaríkjunum. Var starfsemi hafin hér, eftir tilmælum stjórn-
ar aðalfélagsins í Stokkhóhni. Þrír ungmennafélagar sitja í
stjórn íslandsdeildarinnar: Guðlaugur Rósinkranz formaður,
Aðalsteinn Sigmundsson ritari og Aðalbjörg Sigurðardóttir
gjaldkeri.
í lögum íslandsdeildarinnar er ákvæði um það, að félög
og félagasambönd geti sem heildir verið i deildinni og tekið
þátt í stjórn hennar og starfi. Hefir U.M.F.Í. þegar gengið
í deildina sem heild. Var það fyrst félaga til þess, en Presta-
félag íslands er einnig komið.
Bindindisráð íslands.
Fyrir atbeina ráðunauts ríkisstjórnarinnar í áfengismálum,
hefir verið stofnað Bindindisráð íslands. Auk ráðunautsins,
sem er sjálfkjörinn formaður ráðsins, eru í því tveir fulltrú-
ar frá Stórstúku fslands, einn frá Sambandi bindindisfélaga
í skólum og einn frá U.M.F.f. — Ráðið á að stjórna samstarfi