Skinfaxi - 01.06.1971, Síða 9
Hörður S. Óskarsson: / / 14.
Hugleiðingar um c=þr/lANDSMÓT
sundkeppni Landsmótsins
Nú líður senn að því að 14. lands-
mót ungmennafélaganna hefjist, en það
fer fram á Sauðárkróki 10. og 11.
júlí n.k. Það mun ekki ofmælt þó að sagt
sé að þessi íþrótta- og útihátíð, sem
UMFI og hin einstöku héraðssambönd
sjá um, sé eftirsóknarverðust og ánægju-
legust allra útihátíða, sem um getur.
Þessu veldur góð skipulagning, fjöl-
breytni í dagskráratriðum og síðast en
ekki sízt, að þar mætist æska íslands frá
öllum hinum dreifðu byggðum landsins.
Þar er brúað bil milli landshluta, milli
æsku og elli, þar skapast kynni sem jafn-
vel stundum vara æfilangt.
Guðjón
Guðmundsson,
Umf. Skipaskaga.
UMSS og Sauðárkróksbúar hafa nú
tekið að sér framkvæmd þessa einstæða
landsmóts og munu gera það af sínum
alkunna myndarskap, enda hafa þeir í
engu til sparað að gera þessa hátíð að
þeirri útisamkomu, sem allir munu lengi
í minnum hafa. Aldrei í sögu landsmóta
UMFI hefur verið um eins fjölbreytilega
dagskrá að ræða og því sannarlega „eitt-
hvað fyrir alla“. Þar í á stóran hlut 100
ára byggðarafmæli Sauðárkróks, og var
það bæði ánægjuleg og snjöll hugmynd
að tengja þessa ungmennafélagshátíð 100
ára afmæli kaupstaðarins. Sauðárkróks-
búar mega vera stoltir af þessu framtaki
og reyndar Skagfirðingar allir. Hafi þeir
þökk fyrir og hamingjuóskir.
Og það, sem að íþróttafólkinu snýr, er
ekki af lakari endanum, því aldrei í sögu
landsmótanna hefur sundfólkinu verið
færð upp í hendurnar slík aðstaða sem á
Sauðárkróki er í dag. Þar er nú risin ein
glæsilegasta sundlaug landsins, að vísu
löngu byggð af stórhug og myndarbrag,
en nú færð í slíkan búning sem bezt verð-
ur á kosið. Aðstaðan er ekki eingöngu
góð fyrir sundfólkið heldur og fyrir á-
horfendur, þannig að öllum þeim, sem
mæta á sundkeppni landsmótsins, er gef-
SKINFAXI
9