Skinfaxi - 01.06.1971, Page 40
ÓÞARFA ÁVANI
Eigin viljastyrkur er bezta ráðið til að hætta
þessum ljóta ávana.
„Það er hægt að losna undan reykinga-
ávananum með viljakraftinum einum
saman“. Þetta er sú niðurstaða, sem sam-
starfsnefndir fyrrverandi reykingamanna
hafa komist að á nokkrum fimm daga
fundum, sem haldnir hafa verið á hinum
Norðurlöndunum og í nokkrum öðrum
löndum í Evrópu.
Menn geta hætt að reykja án þess að
nota til þess neins konar sprautur eða
töflur. Það er nóg að beita viljakraftin-
um, en hann er hægt að þjálfa upp eins
og allt annað.
Um 25% þeirra, sem reynt hafa þessa
aðferð, hafa vissulega byrjað að reykja
aftur, en það er þó glæsilegt að 75%
hafa hætt. Það hefur, svo dæmi sé tekið,
komið fyrir að menn, sem reykt hafa að
staðaldri í allt að 50 ár, hafa getað hætt
að reykja með því að beita viljakrafti sín-
um einum.
Reynt er að hafa áhrif á reykingafólk
til að hætta að reykja með því að skýra
fyrir því vísindalegar og málefnalegar
upplýsingar — en enginn svokallaður
hræðsluáróður er í frammi hafður.
En hvað er eiginlega átt við með orð-
inu hræðsluáróður? Ekki getur það verið
að upplýsingar um hættu þá, sem af
nikotíninu stafar og gerðar hafa verið
lýðum ljósar á síðari árum, séu þar með-
taldar.
Sá, sem álítur sannleikann framborinn
áróður eða jafnvel hræðsluáróður, er
áreiðanlega ekki móttækilegur fyrir áhrif
sannleikans. Viljakraftur hans er ekki
mikill, en öll sjálfsafneitun krefst mikils
viljakrafts.
(Úr Norsk Idrett)
40
SKINFAXI