Skinfaxi - 01.02.1994, Blaðsíða 18

Þórir Haraldsson formaður landsmótsnefndar v/21. landsmóts UMFI:
Um þrístökk kvenna
Eins og fram kemur í grein Sigríðar
Önnu Guðjónsdóttur, íslandsmethafa í
þrístökki kvenna í 4. tbl. Skinfaxa
1993, verður ekki keppt í þrístökki
kvenna á 21. landsmóti UMFI á Laug-
arvatni í júlí næstkomandi, Nýlega var
farið að keppa í þrístökki kvenna hér á
landi, því samkvæmt því sem haft er
eftir formanni FRÍ í Tímanum 15. jan-
úar síðastliðinn var það fyrst síðastlið-
ið haust sem samþykkt var á þingi FRI
að taka þrístökk kvenna inn sem
keppnisgrein á öllum mótum FRÍ. Rétt
er að benda á að þing FRÍ var haldið á
eftir þingi UMFI á Laugarvatni.
Reglugerð fyrir landsmót UMFI var
endurskoðuð og samþykkt með breyt-
ingum á þingi UMFI árið 1991 og var
þrístökk kvenna ekki meðal keppnis-
greina. Eftir þessari reglugerð hefur
landsmótið næsta sumar verið undirbú-
ið og hefur sá undirbúningur nú staðið
yfir í tvö ár. Landsmótsnefndin sem
starfar að undirbúningi mótsins setti
sér strax það markmið að leitast við að
halda umfangi og stærð mótsins í
skefjum og draga fremur úr því en
auka það frá því sem verið hefur. Með
tilliti til þessa var samþykkt einróma á
fundi nefndarinnar hinn 19. október
1993 að nefndin beitti sér gegn öllum
tillögum um fjölgun keppnisgreina á
mótinu ef slíkar tillögur kæmu fram á
þingi UMFÍ 23. - 24. október.
Eg, sem formaður nefndarinnar,
flutti álit hennar inn á þing UMFI í
samráði við þá nefndarmenn sem þar
voru staddir og að mínu mati á hlut-
lægan hátt. Þannig svaraði ég fyrir-
spurnum um afstöðu nefndarinnar
varðandi þrístökk kvenna á þann veg
að nefndin sæi ekki framkvæmdalega
erfiðleika á að taka greinina inn sem
keppnisgrein, en nefndin óskaði eftir
því að ekki væri bætt við keppnisgrein-
um á landsmótið með einungis 9 mán-
aða fyrirvara. Tillagan um að bæta inn
þrístökki kvenna fékk umfjöllun í
nefnd þingsins. Eg sat í þeirri nefnd og
taldi eðlilegt að þetta mál fengi um-
fjöllun þingsins sjálfs og sat því hjá við
afgreiðslu tillögunnar í nefnd, en að-
spurður lýsti ég ofangreindri afstöðu
landsmótsnefndarinnar.
Niðurstaða þingsins varð sú að vísa
tillögu þessari til nefndar sem skipa á
til að endurskoða keppnisgreinar á
landsmótum UMFÍ og var því ekki
samþykkt að breyta landsmótsreglu-
gerðinni þannig að keppt skyldi í
þrístökki kvenna. Þarna var um af-
greiðslu þings UMFÍ að ræða, sem er
endanleg ákvörðun, þar til önnur á-
kvörðun kann að verða tekin.
Það er ánægjulegt ef þrístökk
kvenna er orðin vinsæl keppnisgrein í
frjálsíþróttum og óska ég keppendum
góðs gengis í sinni íþróttagrein. Um
leið vil ég óska Sigríði Önnu til ham-
ingju með nýtt Islandsmet innanhúss.
Það er hins vegar svo að mikil ásókn er
í að bæta við keppnisgreinum á lands-
mót og er ánægjulegt að íþróttamenn
hafi áhuga á að komast inn á þetta
stóra og skemmtilega mót. Þrístökk
kvenna hlaut ekki náð fyrir augum
þings UMFÍ að þessu sinni en með á-
framhaldandi uppgangi í greininni
hlýtur að verða skoðað hvort þessari
keppnisgrein verður bætt við fyrir 22.
landsmót UMFÍ í Borgarnesi 1997.
Þeir voru glaðlegir á svipinn, Ingimundur og ísak Örn Guðmunds-
synir (f.v.) og Ólafur Þór Ólafsson, þegar þessi mynd var tekin af
þeim þar sem þeir sátu undir greinum jólatrés sem hafði verið komið
fyrir við barnaskólann á Laugarvatni um síðustu jól. Að frumkvœði
UMFL hafði þetta þriggja metra tré verið tekið upp með rótum úr
skóginum fyrir ofan Laugarvatn. Það var síðan gróðursett við skól-
ann. Margir lögðu þar hönd á plóginn, foreldrafélagið á staðnum,
Skógrœkt ríkisins og kvenfélagið. Lítið grenitré var svo gróðursett í
stað þess stóra uppi í skógi.
Stóra tréð er sumsé komið til að vera, í stað þess að lenda á ösku-
haugunum eftir jólahátíðina. Piltarir geta því vœntanlega tyllt sér
aftur undir Ijósum prýddar greinar þess um nœstu jól.
18
Skinfaxi