Skinfaxi - 01.02.1994, Blaðsíða 24

Umf. Eyrarbakka
endurreist
- félagatala tvöfaldaðist á fyrstu vikunum
Ungmennafélag Eyrarbakka hefur
verið endurreist, en starfsemi þess
hafði legið niðri síðastliðin fjögur ár.
Félagið var stofnað 1908. Er þetta í
þriðja sinn, sem það er endurreist. Það
dafnar nú bærilega undir stjórn nokk-
urra knárra Eyrbekkinga.
Þessi merkisatburður átti sér stað 1.
desember síðastliðinn og síðan hefur
félögum farið stöðugt fjölgandi.
Erlingur Bjarnason núverandi for-
maður félagsins var spurður um að-
draganda endurreisnarinnar.
„Ég hafði verið formaður björgunar-
sveitarinnar hér í nokkur ár, en var að
hætta og draga mig út úr því starfi. Þá
kom elsti sonur minn, Þórir, að máli
við mig og spurði hvort ég væri ekki til
í að endurreisa með sér ungmennafé-
lagið. Hann hafði haft mikinn áhuga á
því, en ekki gert neitt í málinu fyrr en
nú. Ég sagðist alveg geta gert það eins
og hvað annað. Við tókum okkur
nokkurn tíma til umþóttunar og síðan
til undirbúnings. Meðgöngutíminn
varð 3-4 mánuðir og síðan létum við til
skarar skríða. ‘ ‘
Forsvarsmenn endurreisnarinnar
leituðu liðsinnis hjá HSK. Fyst var
borið út dreifibréf þar sem hugmyndir
um hana voru kynntar. Síðan var sent
út fundarboð og mættu yfir 70 manns á
fundinn.
Ný íþróttaaðstaða
„Það sem ýtti okkur raunverulega út
í þetta var tilkoma nýs félagsheimilis,
sem verið er að byggja hér á staðnum.
Þetta verður fjölnotahús, því auk fé-
lagsheimilisins verður þar íþróttasal-
ur,“ sagði Erlingur. „ Hann er nú kom-
inn í fulla notkun, en við gengum fyrst
inn í hann um miðjan janúar síðastlið-
inn. Þar er iðkaður körfubolti, hand-
bolti og frjálsar íþróttir. Svolítið hefur
verið átt við blak líka. Ahuginn er
feiknalegur og miklu meiri en okkur
óraði nokkurn tíma fyrir.”
Umf. Eyrarbakka hefur dafnað vel
og hratt frá því að það var endurreist,
eins og áður sagði. Segja má að nýir
félagar hafi bæst í hópinn á hverjum
degi. Nú eru skráðir félagar um 148,
sem þýðir að félagatalan hefur meir en
tvöfaldast frá því að félagið var endur-
reist.
„Við höfum miklu betri forsendur
til að halda félaginu í starfi nú en
áður,” sagði Erlingur. „Starfsemin
snýst að mestu leyti um íþróttir og nú
þegar við höfum aðstöðu og áhuginn er
svona mikill, þá hlýtur þetta að
ganga.“
I stjórn félagsins eiga sæti: Erlingur
Bjamason, formaður, Þórir Erlingsson,
gjaldkeri og Tómas Rasmus, ritari. 1 í-
þróttanefnd, sem í sitja meðstjórnendur
eiga sæti: Vilborg Skúladóttir, Helga
Hallgrímsdóttir, Hlöðver Þorsteinsson
og Sigurmundur Guðmundsson.
Skinfaxi
Ertþú
áskrifandi?
Það getur
þú gerst
í síma
91-682929
Það mœttu margir á fundinn 1. desember síðastliðinn, þar sem Ungmennafélag Eyrar-
bakka var endurreist.
24
Skinfaxi