Skinfaxi - 01.12.2003, Blaðsíða 16

Einar Kristján Jónsson formaður Umf. Vesturhlíðar
Ungmennafélagið Vesturhlíð hefur séð um og
annast svæði Þrastaskógar frá stofnun félagsins
árið 1987. Starfið var ekki markvisst fyrr en árið
1998 þegar félagið tók formlega við starfi
Þrastaskógarnefndar. Þá var ákveðið að gera
starfsemina opnari og skemmtilegri og ráðist var í
fjölda verkefna með aðstoð styrktaraðila á borð við
Búnaðarbankann, Landsbankann, Landsvirkjun og
Pokasjóð. Með tilkomu nýs veitingaskála ætti
starfsemi Þrastaskógar að verða enn skilvirkari og
vonandi mun fjölga þeim fjölskyldum sem sækja
skóginn heim. Einar Kristján Jónsson hefur gengt
formennsku Umf. Vesturhlíðar frá 1997 og þekkir
skógarlögmálið vel. Valdimar T. Kristófersson
ræddi við Einar um Þrastaskóg og starfið sem þar
fer fram en byrjaði á því að spyrja hann nánar um
nýja veitingaskálann sem rísa mun í Þrastaskógi
fyrir vorið, en Einar og aðrir stjórnarmenn Vestur-
hlíðar hafa lengi barist fyrir því að fá nýjan veitinga-
skála í Þrastaskóg.
Fagna því að framkvæmdir séu hafnar
- segir Einar Kristján Jónsson formaöur Umf. Vesturhlíðar og Þrastaskógarnefndar UMFÍ
Félagsmenn Vesturhlíðar hafa séð
um rekstur Þrastaskógar s.l. ár.
,,Umf Vesturhlið fór af stað 1997 með ákveðna hugmyndavinnu
um uppbyggingu nýs skála í Þrastaskógi sem gekk
það langt að komnar voru teikningar og nánast búið
að undirrita samninga um byggingu skálans þegar
ákveðið var að hætta við allt saman. Ég er því mjög
ánægður og fagna því að framkvæmdirnar séu
komnar af stað enda þörfin mikil og þetta hefur verið
mitt hjartans mál frá því ég tók við formennsku
Vesturhlíðar. Það sem hefur staðið Þrastaskógi fyrir
þrifum er að við höfum ekki náð að markaðssetja
hann á ársgrundvelli. Skógurinn hefur upp á enda-
lausa möguleika að bjóða allan ársins hring og með
tilkomu skálans og möguleika hans náum við von-
andi að virkja skóginn allt árið um kring. Það er af
nógu að taka yfir sumartímann en á veturna er t.d.
frábært að stunda gönguskíði á svæðinu og við
höfum útbúið sérstakar skíðagöngubrautir. Nýji
skálinn er mjög vel hannaður og einn starfsmaður
getur haft umsjón með öllu því sem þar gerist þótt
skálinn sé rúmir 400 fermetrar að stærð. Kostnað-
urinn við að halda skálanum opnum árið um kring ætti því ekki að
vera svo mikill."
En er einhver ástæða til að hafa skálann opinn yfir vetrarmán-
uðina - er eitthvað af fólki á ferli á þessum árstíma?
,,Við megum ekki gleyma því að þarna er fólk á ferð allt
árið um kring sérstaklega eins og tíðarfarið hefur verið
undanfarna vetur. Á svæðinu er á annað þúsund sum-
arbústaðir og af hverju eigum við ekki að ná athygli
þessa fólk með margvíslegri þjónustu og markaðssetja
skóginn betur yfir veturinn? Við getum unnið miklu
markvissara í þessum efnum.“
Þörfin fyrir nýjan skála er því mikil?
„Veitingaskálinn sem hefur verið notaður er búinn að
vera ónýtur í fleiri ár. Framstykkið er fúið í gegn og það
er glerið sem heldur honum uppi. Eftir Suðurland-
skjálftann árið 2000 tók ég það að mér að fá meiri
peninga út úr tjóninu því þakið skekktist á skálanum.
Fyrir það var nýtt þak sett á skálann fyrst og fremst til
að halda starfseminni í skálanum áfram í einhvern tíma
til viðbótar. Þakið sjálft hefði mátt koma á fyrir tíu árum
þegar það byrjaði fyrst að leka.“
Það sem hefur
staðið Þrastaskógi
fyrir þrifum er að
við höfum ekki náð
að markaðssetja
hann á ársgrund-
velli. Skógurinn
hefur upp á enda-
lausa möguleika að
bjóða allan ársins
hring og með
tilkomu skálans og
möguleika hans
náum við vonandi
að virkja skóginn
allt árið um kring.
16