Sjómannablaðið Víkingur - 01.01.1941, Blaðsíða 3

Dyrhólaeyjarviti.
haust. Hann er 6,5 m. á hæð og stendur utarlega
á Straumnesinu. Þegar Kálfshamarsvitinn nýi
verður fullgerður, verða ljóstækin tekin úr
gamla vitanum þar, og sett upp á Straumnesi.
Að vísu verður þar ekki um mikið ljósmagn
að ræða, en vitanum er aðeins ætlað að lýsa
tiltölulega skammt, svo það á ekki að koma
að sök.
Aðrir vitar voru ekki reistir á árinu.
Við Breiðdalsvík voru að vísu reistar inn-
siglingavörður, sem Ijósum er lcomið fyrir í,
sem bæði sýna leiðina inn á víkina og leguna,
en þetta er aðeins bráðabirgðalausn þar til
viti verður byggður á Selnesinu.
Breyting á vitalögunum.
Á árinu 1940 voru samþykktar nokkrar
breytingar á lögunum um stjórn vitamála og
vitabygginga.
Breytingarnar eru þrjár:
1. Vitagjaldinu skal framvegis öllu varið til
vitamála. Þetta er gömul krafa allra sjó-
farenda, og svo sjálfsögð og sanngjörn að
furðu gegnir, að hún skuli ekki hafa verið
samþykkt fyrr. Udanfarin ár hefur veru-
legur hluti af vitagjaldinu runnið í ríkis-
sjóð, og hefur það dregið mjög úr nauð-
synlegum nýbyggingum. Með þessum nýju
lögum ætti verulegur skriður að geta kom-
izt á þessi mál.
2. Formanni Farmanna- og Fiskimannasam-
bands íslands er bætt við í nefnd þá, sem
gera á tillögur um fjárveitingar til vita-
mála. I nefndinni áttu sæti fyrir: Forseti
Fiskifélags íslands, skólastjóri Stýri-
mannaskólans og vitamálastjóri.
3. Einum nýjum vita var bætt við á skrá yíir
vita þá, sem byggja á, á næstu árum, en
það er ljósviti á Arnarstapa.
Sá galli er þó á þessum lögum, að þau koma
ekki til framkvæmda meðan styrjöldin stend-
ur yfir.
Vitalýsingin og stríðið.
Vegna hernaðaraðgerðanna hefur orðið að
slökkva á allmörgum vitum á s.l. ári, eins og
kunnugt er.
I sjómanna-almanakinu 1941, er skrá yfir
þá vita, sem loga, og þannig frá skránni geng-
ið, að hægt er að fylla út í hana þegar breyt-
ingar verða, sem er mjög nauðsynlegt fyrir
sjómenn að gera, því að þessum ákvæðum er
alloft breytt.
Vitastjórninni eru fullljósar þær hættur og
þeir erfiðleikar, sem þessi skerðing á vitalýs-
ingunni veldur. Sannarlega voru vitarnir ekki
of margir fyrir, svo að nokkurn mætti missa,
en hjá þessu varð þó ekki komizt, svo um það
er ekkert frekar að segja annað en það, að
auðvitað verður af hálfu vitastjórnarinnar
gert það ýtrasta, sem hægt er, til að halda
vitunum logandi sem flestum.
Síðan sjómanna-almanakið var gefið út,
hefur aftur verið kveikt á þessum vitum:
Stafnesi,
Sandgerði,
Miðfjarðarskeri,
Höskuldsey,
Raufarhöfn,
Bjarnarey,
og ef til vill bætast við fleiri síðar.
Reykjavík, 10. jan. 1941.
Emil Jónsson.
3
VÍKINGUR