Sjómannablaðið Víkingur - 01.06.1975, Qupperneq 2

allsherjarvinnustöðvun félaga
A.S.I., en svo blessunarlega tókst
til, að hver hópurinn eftir annan
var leystur úr vandanum og allir
innan A.S.Í. virtust ánægðir,
þegar „steypubílarnir" fóru aftur
í gang. En um sjómannasamtök-
in innan A.S.Í. var ekki hirt
hætis hót, og sýnir það kannski
einna gleggst það viðhorf, sem
ríkir til sjómanna innan A.S.Í.
Mörg hundruð konur og karlar,
sem bundin voru fiskvinnslunni,
voru jafn atvinnulaus þótt
steypuvinnan hæfist að nýju, og
sýnir það einu sinni enn, að sam-
eina þarf sjómennina betur en
verið hefur.
Hverjar voru kröfur sjómana?
Eins og áður segir, var reynt
að ná samningum árið 1974 og
var krafan þá sú, að togarasjó-
menn fengju sömu launahækkan-
ir og bátasjómenn fengu á sína
kaupliði í bátakjarasamningun-
um þeim, er samið var um eða
nánar tiltekið 21,6%.
Þá hefðu föst laun yfirmanna
hækkað úr kr. 27 þús. kr. í rúm-
lega 32 þús. kr. Þóttu þetta óhóf-
legar kröfur og ekki gerlegt fyrir
útgerðarmenn að ganga að þeim.
Þegar samið er nú hafa þessir
menn fengið launajöfnunarbætur
eins og allir hafa fengið, en tap-
að um helming af því sem þeir
hefðu átt að fá á árinu 1974.
Ekki skal farið út í umræður
um það, hvað útgerðarmenn geta
greitt í kaup. Það munu útgerð-
armenn sjálfir skýra frá sínum
sjónarhóli. En eitt er víst: Slag-
urinn stóð nú kannski ekki svo
mjög á milli útgerðarmanna og
sjómanna, heldur öllu fremur á
milli útgerðarmanna og ríkis-
valdsins. Þegar útgerðarmönnum
hafði tekizt að semja við það,
gengu samningamir um kjörin
nokkuð greiðlega.
Auðvitað hefur útgerðin hagn-
azt á árinu 1974 á því, sem hún
gat pínt af réttlátum launum sjó-
manna, en varla verða þau við-
skipti til þess að bæta andrúms-
loftið.
Talið er, að stór hluti þessara
togara sé eign bæjarfélaga og þá
sjálfsagt fólksins. Fróðlegt væri
að fá frá bæjunum þær tölur,
sem tapazt hafa í opinberum
gjöldum og frá ríkissjóði hvað
háar upphæðir mætti reikna í út-
flutningsgjöld.
Krafa vinnandi fólks hlýtur að
vera sú, að misvitrir útgerðar-
stjórar bæjarútgerðanna hagi sér
ekki eins og harðsvíruðustu
einkarekstursmenn, sem sumir
hverjir eiga sáralítið í tækjum
þeim sem þeir teljast stjórna.
Kynnið ykkur árangur þeirra, sem nota nýju
BALTA botnvörpuna.
BALTA botnvörpur og toppar ávallt fyrirliggjandi.
BALTA botnvarpan frá MARCO
dregin inn á íslenzkum skuttogara.
MARCO hf.
Símar 13480 og 15953.
154
VÍKINGUR