Sjómannablaðið Víkingur - 01.10.1982, Blaðsíða 7
Hringborðsumræður um gæðamálin:
„Hver og einn geri sér
grein fyrir sínu hlutverki”
— Starfsemi Framleiðslueftirlitsins verði ekki aukin
Eftir því sem samkeppni hefur
aukist í helstu fiskmarkaðslönd-
um íslendinga, verður mönnum
sífellt tíðræðnara um gæði íslenzka
fisksins. Fram á síðustu ár hafa
menn staðið í þeirri meiningu, að
íslenzki fiskurinn hafi borið af
hvað varðar gæði og hafa menn
getað sagt það með nokkru sanni,
enda hafa kaupendur verið til-
búnir að greiða hærra verð fyrir
fisk frá Islandi en frá öðrum
löndum. Nú hefur það hins vegar
gerst, að framleiðendur í sam-
keppnislöndunum hafa aukið
gæðin, um leið og þeir bjóða fisk-
inn á lægra verði, en við getum. Á
sama tíma eru menn sammála um
að gæði íslenzka fisksins hafi ekki
aukist, þeim hafi frekar hrakað.
Víkingur efndi til hringborðs-
umræðna um gæðamálin á dög-
unum og þar kemur meðal annars
fram að menn hafa áhyggjur af
versnandi hráefni og mörgum
öðrum atriðum. Það kom í ljós í
umræðunum, að helmingur þess
netaafla sem barst á land á síðast-
liðinni vetrarvertíð fór í 2. og 3.
gæðaflokk og þannig mætti lengi
telja.
Þeir sem tóku þátt í umræðum
Víkings um gæðamálin eru þeir
Hjalti Einarsson (HE), frá Sölu-
miðstöð hraðfrystihúsanna, Haf-
þór Rósmundsson (HR) frá Sjó-
mannasambandi íslands, Halldór
Þorsteinsson (HÞ) frá sjávar-
afurðadeild Sambandsins, Jónas
Bjamason (JB) frá Rannsóknar-
stofnun fiskiðnaðarins, Þorsteinn
Jóhannesson (ÞJ) frá Sölusam-
bandi ísl. fiskframleiðenda, Ing-
ólfur S. Ingólfsson (II) frá Far-
manna- og fiskimannasambandi
íslands og Þorleifur Ólafsson rit-
stjóri Víkings, sem stjórnaði um-
ræðunum.
J.B.: Ég er í litlum vafa um, að
það er aukin ábyrgð einstakra
framleiðenda og samtaka þeirra
almennt, að þeir hugsi meira um
gæðin heldur en verið hefur og
um leið gæðastjómun og gæða-
stýringu í sínum fyrirtækjum. En
þáttur í því, að þeir geti það, er að
það séu til almennt betri vörulýs-
ingar, betri lýsingar á gæðamati til
þess að einstakir framleiðendur og
allir þeir, sem koma við sögu, sjó-
menn einnig, viti betur en nú er
hvað það er í raun og veru sem
veldur skakkaföllum varðandi
gæðin við hráefnisöflun, sem og í
úrvinnslu.
Mér sýnist að fólk geri sér ekki
alveg nógu vel grein fyrir því,
hvaða þættir það eru i vinnslunni
sem vanda þarf, þess vegna er
nauðsynlegt að upplýsa allt starfs-
fólk sem í fiskiðnaði vinnur og sjó-
menn um þau atriði, sem valda
gæðarýmun.
H.E.: Þar sem við erum hér á
vegum Sjómannablaðsins Vík-
ings, en það blað er kannski mest
lesið af sjómönnum, geri ég ráð
fyrir að ætlast sé til að við ræðum
hlutverk sjómanna. Ég vil þó strax
í upphafi segja það, að ýmsir
þættir í fiskvinnslunni í landi eru í
ólagi, mega betur fara, og ég vil
ógjarnan deila frekar á sjómenn
en landverkafólk.
VÍKINGUR
7