Sjómannablaðið Víkingur - 01.01.1990, Page 24

Sigmundsgálginn
myndin tekin 1981.
AÐ SLÁ SÉR UPP
Jónas segir í
ræðunni að nóg
sé komið af
tækjum í skipin í
dag, og slysum
hafi ekki fækkað
að neinu marki.
24 VÍKINGUR
urinn varð til. Það kallast
kannski að ota sínum tota, ein-
leikur eða annað misfagurt,
þegar sjómenn ásamt velunn-
ara þeirra Sigmund hrintu
þessu í framkvæmd. Sjómenn
geta alls ekki beðið eftir mönn-
um, sem stöðugt flækjast fyrir
og tefja öryggismál þeirra eins
og átakanlega hefur komið
fram í sleppibúnaðarmálinu.
Það er sorgarsaga.
Einleikur með
árangri
Jónas segir í ræðunni að nóg
sé komið af tækjum í skipin í
dag, og slysum hafi ekki fækk-
að að neinu marki. í framhaldi
af þessum viljum við telja upp
nokkurtæki, sem bæsthafavið
öryggistæki skipa á undanförn-
um árum og minna þig á hvað-
an þau komu.
1. Sigmundsgálginn fundinn
upp í Vestmannaeyjum 1979 -
1981. Strax var byrjað að fram-
leiða hann og setja upp í báta
hér. Var kominn í allan Vest-
mannaeyjaflotann í janúar
1982. Útgerðarmenn voru sér-
staklega áhugasamir þar um.
2. Öryggisloki á netaspil fund-
inn upp í Vestmannaeyjum af
Sigmund 1971. Það var fyrir
áeggjan sjómanna og útgerð-
armanna. Þeir sáu strax nota-
gildi þessa tækis og á næsta ári
var hann kominn í allan Eyja-
flotann. Embættismenn þvæld-
ust síðan fyrir í 9 ár, þar til hann
fór í skip annarsstaðar og á
þeim árum slösuðust margir
við netadrátt, sem varð óþekkt
með tilkomu lokans.
3. Markúsarnetið fundið upp af
Markúsi B. Þorgeirssyni í Hafn-
arfirði. Það kostaði Markús
ómælda vinnu og mikla pen-
inga að koma netinu á fram-
færi. Það hefur í dag bjargað
tugum sjómanna og það er
alltaf að sanna gildi sitt betur og
betur. En það var fyrst notað
með ótrúlega góðum árangri
þegar Kampen fórst við Suður-
land. Þetta er gott dæmi um
þegar einn maður einleikur og
nær árangri.
4. Björgvinsbeltið er nýjasta
dæmið, fundið upp í Vest-
mannaeyjum 1987 af Björgvin
Sigurjónssyni. Hann hefur lagt
mikla vinnu í að koma beltinu á
framleiðslustig og varið til þess
miklum peningum. Það á ef-
laust eftir að fara um borð í öll
íslensk skip á næstu árum, og
það er trú okkar að það eigi eftir
að bjarga mönnum, sem fallið
hafa útbyrðis, þótt lögfræðingi
LÍÚ finnist nóg komið af slíkum
tækjum. Þetta er annað gott
dæmi um mann, sem einleikur
og nær árangri. Þér til ama.
Svona er lengi hægt að telja.
íslenskir útgerðarmenn hafa
alla tíð verið áhugasamir að
búa skip sín sem bestum ör-
yggistækjum. Þessvegna hlýt-
ur það að hafa verið dapurlegt
fyrir þá að heyra þennan starfs-
mann sinn flytja fyrrnefnda
ræðu á þingi FFSÍ.