Sjómannablaðið Víkingur - 01.12.2006, Blaðsíða 21

Jón Páll Ásgeirsson, stýrimaður og Ijósmyndari, Björn lngvarsson yfiiyélstjóri og
Jón Hjaltason, ritstjóri Víkings.
Skemmst er frá því að segja að Víkin,
sjóminjasafn Reykjavíkur, fylltist út að
dyrum, svo mikill var áhuginn fyrir fram-
tíð Óðins. Á fundinum tóku meðal ann-
arra til máls Björn Bjarnason, dómsmála-
ráðherra, og Vilhjálmur P. Vilhjálmsson,
borgarstjóri, og voru afar jákvæðir fyrir
málefni og markmiði fundarins. Það kom
reyndar á daginn að báðir áttu þeir minn-
ingar sem tengdust Landhelgisgæslunni
og Óðni.
Síðan voru Hollvinasamtök varð-
skipsins Óðins stofnuð og verður ekki
annað sagt en að Guðmundi og félögum
hafi lekist upphafið vel. En nú þarf að
fylkja liði og knýja fram niðurstöðu sem
íslendingar geta verið fullsæmdir af.
í þessu sambandi er gaman að rifja upp
gamla minningu Sigurðar Þ. Árnasonar,
fyrrverandi skipherra, um daginn sem
Óðinn kom fyrst til íslands, en hana er
að finna í viðtali við Sigurð sem verð-
ur birt í heild sinni í 80 ára afmælisriti
Landhelgisgæslunnar er úl kernur í vetur.
„Minnisstæðast frá þessum árum er lík-
lega janúardagurinn 1960 þegar við létum
reka í Garðssjónum og biðurn eftir því
að nýi Óðinn kæmi siglandi frá Álaborg
í Danmörku. Enda þótt við værum búnir
að skoða myndir og leikningar af skipinu
vorum við ákaflega spenntir að sjá það í
návígi. Svo birtist nýi Óðinn út við sjón-
deildarhringinn og þvílíkt og annað eins.
Við vorum í skýjunum, þetta var svo stórt
og glæsilegt skip.
Eftir þetta hét gamli Óðinn, sem við
vorum á, Gaulur."
Óskar Indriðason, forðum yfirvélstjóri hjá Gxslunni, og Helgi Hallvarðsson, áður skipherra, velta
vöngum. Að baki þeim er meðal annarra Ólafur Valur Sigurðsson, fyrrverandi skipherra, og horfir
beint í myndavélína.
Þröstur Sigtryggsson, fyrrverandi skipherra.
Sigurður Steinar Ketílsson skipherra (til hægri) og Guðjón Ármann Eyjólfsson,
fyrrverandi skólastjóri Stýrimannakólans í Vestmannaeyjum.
Sjómannablaðið Víkingur - 21