Sjómannablaðið Víkingur - 01.12.2006, Blaðsíða 57

Vélarnar eyða of miklu
Gastúrbinuvélar hafa reynst rándýr lúxus í rekstri skemmti-
ferðaskipa eins og heimsmarkaðsverð olíu er orðið. Royal
Caribbean International útgerðin sem er ein stærsta skemmti-
skipaútgerð heims hefur ákveðið að fara í umfangsmiklar breyt-
ingar á vélbúnaði skipa sinna. Skipta skal um eyðslufrekar gas-
túrbínuvélar í 8 af nýjustu skipum útgerðarinnar og setja þess í
stað eyðslugrannari díselvélar. Reyndar munu þessar breytingar
hafa í för með sér minni gang á skipunum en á móti verður
hægt að halda verði á hvern farþega niðri.
Skipin sem hér um ræðir eru af svokölluðum Millenium- og
Radiance gerðum sem öll eru rúm 90.000 BT að stærð, smíðuð
á árunum 2000-2004. Hvert skipanna eru búið General Electric
LM 2500 og gastúrbínum upp á 58.000 kW. í staðinn verða
settar Wártsilá vélar í skipin en framdrift skipana er rafknúin.
Fyrsta skipið, Millenium, fer í breytingar hjá Aker Yards France
í St. Nazaire.
Siglingavernd í hnotskurn
Prír óeinkennisklæddir pólskir tollverðir lentu heldur betur
í vandræðum þegar þeir fóru um borð í þýska farþegaskipið
Adler Dania skömmu eftir að það kom til hafnar í Swinousjcie í
Póllandi í áætlunarferð frá Þýskalandi. Samkvæmt upplýsingum
frá útgerð skipsins kröfðust tollararnir að fá aðgang að vernd-
arsvæði skipsins en gátu ekki framvísað neinum skilríkjum sem
heimilaði þeim aðgang.
Samkvæmt Alþjóðareglum um Siglingavernd þurfa skip
að hafa strangar öryggiskröfur og þar með talin innri vernd-
arsvæði. Skipstjórinn átti ekki annarra kosta völ en að fara
eftir þeim alþjóðareglum að yfirgefa höfnina og halda aftur til
síðustu hafnar þar sem hann leit á aðgerðir tollþjónanna sem
tilraun til ógnunar á öryggi skipsins. Pólska tollgæslan veitti
skipinu þegar eftirför og skutu meðal annars viðvörunarskotum
að skipinu en þrátt fyrir það hélt skipstjórinn áfram för sinni.
Eftirför Pólverjanna lauk þegar komið var að miðlínu og skipið
komst í þýska lögsögu.
Við komuna til Seebad Heringsdorf í Pýskalandi voru pólsku
tollverðirnir yfirheyrðir af þýskum lögregluyfirvöldum. í kjölfar
atviksins ákvað útgerð skipsins að hætta tímabundið siglingum
milli Heringsdorf og Swinousjcie en hóf síðar siglingarnar með
öðru skipi félagsins. Pólsk yfirvöld eru að undirbúa lögsókn
vegna málsins.
Regla eða óregla í samningum
Danska skipafélagið DFDS, sem í eina tíð hafði áætlunarsigl-
ingar til íslands, setti 1. febrúar s.l. nýjar reglur um áfeng-
ismagn starfsmanna sinna sem hljóða upp á 0 prómill. Þjónar
á skipum félagsins og stéttarfélag þeirra eru ekki alveg eins
ánægð með þessa nýju reglur þar sem að í gömlum samningum
milli útgerðarinnar og þjónanna eiga þeir rétt á að kaupa bjór
með mat. í samningnum segir að þjónar á skipurn útgerðarinn-
ar skulu fá venjulegan skipsmat og bjór með honum á kostn-
aðarverði hjá skipstjóra.
Félag þjóna hefur því stefnt útgerðinni fyrir brot gagnvart
umbjóðendum sínum. Ekki er ljóst hvernig málin fara en
félagið hafnaði lausnartilboði útgerðarinnar um að þeir gætu
keypt pilsner eða að menn mættu kaupa bjór en ekki drekka
um borð. Útgerðin hefur bent á að ekki verði hægt að vera með
mismunandi áfengisstefnu fyrir mismunandi hópa um borð í
skipum sínum. Það verður því áhugavert að sjá hvernig dóm-
stólar taka á þessu máli en þangað til halda þjónar fast í gamlan
rétt sinn um að fá öl með matnum.
Fara á geði
Geðrænir sjúkdómar eru vaxandi áhyggjuefni útgerða um
allan heim. Mikil aukning hefur orðið á geðrænum kvillum um
borð í skipum sem hefur jafnframt vakið ótta uin aukið ofbeldi
og glæpi. Fregnir af morðum og ofbeldi meðal skipsfélaga eru
orðnar tíðar og þykir mönnum sem lítill gaumur hafi verið gef-
inn að almennri geðheilsu sjómanna. Hversu stór vandinn er er
þó ekki vitað.
Eftirleiðis eiga skipstjórar að geta tekið um borð flóttafólk sem þeir sigla
fram á án þess að eiga á hættu að losna ekki við það aftur.
Skipstjórar geta haldið sínu striki
Nú hefur loks verið bundinn endir á hinn svokallaða „ping-
pong“ leik eins og það er kallað í skipaheiminum. En hver er
þessi leikur? Hann er reyndar aðeins stjórnmálalegur en hefur
bitnað á mörgum skipstjórum sem hafa orðið fórnarlömb hans
ásamt skipreika fólki. Fram til þessa hefur ábyrgðin á fólki sem
tekið er um borð í skip á hafi úti alfarið verið skipstjóra og
útgerðar hvort heldur um flóttafólk eða hælisleitendur er að
ræða. Skipum hefur verið neitað að koma til hafnar í löndum
sem hafna móttöku á þessu fólki og skemmst er að minnast
norska ekjuskipsins Tampa sem meinað var hafntöku í Ástralíu
sökum þess að skipstjórinn bjargaði stórum hópi flóttafólks sem
hann sigldi fram á á sökkvandi skipi.
Samkvæmt breytingum á SOLAS samþykktinni eiga strandríki
að aðstoða skipstjóra, sem bjarga fólki á hafi úti og losa skip-
sljóra og eiganda undan ábyrgð á afdrifum ffóttafólks og hæl-
isleitendum.
Mannasmygl
Þýska lögreglan hefur hafið rannsókn á mannasmygli þar sem
skip og mönnunarskrifstofa í Bremen liggja undir grun. Talið er
að eigandi mönnunarskrifstofunnar hafi falsað vegabréfsáritanir
og innflutningsskjöl rnanna frá Suðaustur Asíu sem hann flutti
inn til Þýskalands undir því yfirskyni að um sjómenn væri að
ræða. Þeir skyldu skrást í skiprúm í þýskri höfn en þegar til átti
að taka höfðu allir þessir menn horfið þegar þeir komust inn í
Evrópu. Þetta minnir eitthvað á sendinefnd sem kom hingað til
Sjómannablaðið Víkingur - 57