Náttúrufræðingurinn - 1960, Blaðsíða 3

Nátturufr. — 30. árgangur — 3. hefti — 103.—150. siða — Reykjavik, nóv. 1960
Eyþór Einarsson:
Þáttur frá Norðaustur-Grænlandi
i.
Sumarið 1958 tók ég þátt í dönskum rannsóknarleiðangri til
Norðaustur-Grænlands. Leiðangurinn var kostaður af Carlsberg-
sjóðnum og hlutverk hans var að rannsaka flóru og gróður og
safna jafnframt plöntum í innfjörðum þess mikla flóa, sem heitir
Scoresbysund. Þátttakendur í leiðangrinum voru fjórir, tveir dansk-
ir grasafræðingar, ég sjálfur, þriðji grasafræðingurinn í hópnum,
og svo einn danskur dýrafræðingur, sem fékkst við að rannsaka
lægri dýr, hryggleysingja, í öllum þeim mörgu stöðuvötnum, sem
eru á þessum slóðum.
Það var aðalkennari minn í grasafræði við Hafnarháskóla, Thor-
vald Sörensen, prófessor, sem lagði drögin að því, að mér var boðið
að taka þátt í þessum merka leiðangri, og það var að miklu leyti
velvild þáverandi forstöðumanns Náttúrugripasafns íslands, Finns
Guðmundssonar, að þakka, að mér var kleyft að þiggja þetta liöfð-
inglega boð, en ég var þá orðinn starfsmaður Náttúrugripasafnsins.
Ég vil hér votta þessum tveimur mönnum, ásamt Carlsbergsjóðn-
um, þakklæti mitt fyrir þetta.
Þar sem leiðangurinn var svona fámennur, vorum við fjónnenn-
ingarnir látnir liafa samflot við og að nokkru leyti innlimaðir í
leiðangur Lauge Koch’s þetta sumar, og var það gert til hagræðis,
öryggis og ekki sízt vegna þess, að allur kostnaður varð lægri við
það. Carlsberg borgaði því brúsann en Lauge Koch hafði af okk-
ur allan veg og vanda, flugvélar hans fluttu okkur á milli staða,
hann sá okkur fyrir mat og drykk og leysti, í fám orðum sagt, öll
okkar mörgu vandamál með sérstakri ljúfmensku og prýði og kann
ég lionum hlýjustu þakkir fyrir það.