Náttúrufræðingurinn - 1960, Side 7
NÁTTÚRUFRÆÐINGURINN
107
3. mvnd. Frá Maríueyju í Óskarskonungslirði. í gróðrinum meðfram vatninu
bar mest á ýmsum starategundum. Handan vatnsins er klettaás úr kalksteini frá
forntild jarðar. Aðeins lægðir og dældir utan í ásnum eru klæddar gróðri, að.
öðru lcyti cr hann ógróinn vegna vatnsskorts.
felldast er láglendið á Jamesonlandi, utantil á skaganum milli
Scorebysunds og Fjarðar Óskars Konungs.
Á Norðaustur-Grænlandi er mesti aragrúi af skriðjöklum, hver
smáfjörður, að heita má, liefir sinn sérstaka skriðjökul og sumir
þeirra marga. Vegna þess, hve landslagið er fjöllótt og víða bratt
ofan í firðina eru flestir þessir skriðjöklar stuttir og brattir og ná
sumir ekki nema niður í miðjar hlíðar. Þó ganga allvíða stórir
skriðjöklar alveg í sjó fram inn í fjarðarbotnum, þeir skriðjöklar
eru allt annað en staðir sumir hverjir, og svo brotnar sífellt
framan af þeim jafnóðum og sporðar þeirra mjakast það langt
fram í sjóinn, að þeir fljóta upp. Þannig myndast borgarísinn og
eru sumir firðirnir á Norðaustur-Grænlandi hálffullir af honum
allt sumarið. Mestur er borgarísinn á Scoresbysundi, en megnið af
þeim ís kemur innan úr Norðvesturfirði og er framleitt af