Náttúrufræðingurinn - 1985, Qupperneq 13

Hann var dagfarsprúður maður,
hæglátur og glettinn og sást sjaldan
skipta skapi. Hann var mjög glöggur
og fljótur að átta sig og fundvís á
áhugaverð rannsóknarefni. 1 góðum
félagsskap var hann oft hrókur alls
fagnaðar, enda söngvinn og hnyttinn í
tilsvörum.
Árið 1939 gekk Sigurður að eiga
sænska konu, Ingu dóttur Svens Back-
lunds, fil. kand. í stærðfræði og eðlis-
fræði og síðar blaðamanns, og konu
hans Hertu f. Bergström. Inga
reyndist Sigurði traustur lífsförunaut-
ur. Þau áttu tvö börn, Snjólaugu (f.
1943), B.A., fulltrúa hjá Landsvirkj-
un, gifta Friðleifi Jóhannssyni við-
skiptafræðingi, og Sven (f. 1945),
doktor í reiknifræði og dósent við Há-
skóla íslands, kvæntan skosk-enskri
konu, Mary f. Bache, menntaskóla-
kennara.
Kynni okkar Sigurðar voru orðin
löng, meira en þrír áratugir frá því ég
leitaði ráða hjá honum um nám í jarð-
fræði og síðar í námi og starfi. Hann
miðlaði mér og öðrum óspart um jarð-
fræði og landafræði, um tengsl nátt-
úruviðburða og sögu lands og þjóðar.
Margar ferðir fórum við saman og
naut ég glöggskyggni hans og eftirtekt-
argáfu. Einkum minnist ég þriggja
vikna ferðar um Norðausturland og á
heimslóðir hans 1956 með honum og
hans ágætu konu, Ingu, en það er ein
fróðlegasta og skemmtilegasta ferð
sem ég hefi farið.
í fámennum hópi íslenskra jarð- og
landfræðinga er skarð fyrir skildi þeg-
ar genginn er hinn mætasti og þekkt-
asti þeirra.
Þorleifur Einarsson
EFTIRMÁLl
Ekki þykir ástæða til að birta hér skrá
yfir greinar, ritgerðir og bækur, sem Sig-
urður Þórarinsson ritaði, enda birtist ítar-
leg ritskrá í afmælisriti í tilefni af sjötugs
afmæli hans, Eldur er í norðri, sem Sögufé-
lagið gaf út 1982. Viðbætur við þessa rit-
skrá birtust í tímaritinu Jökli á árinu 1984.
Þ.E.
7