Fréttablaðið - 25.06.2009, Blaðsíða 2

2 25. júní 2009 FIMMTUDAGUR
Páll, fór einhver í fangelsi eftir
þessa dómgæslu?
„Nei, en það hefði eiginlega átt að
vera ég fyrir vítaverða dómgæslu.“
Páll Winkel fangelsismálastjóri lék
dómara í knattspyrnuleik í kvikmyndinni
Bjarnfreðarson sem fjallar um líf og ævi
Georgs Bjarnfreðarsonar.
LÖGREGLUMÁL Lögreglan á höfuð-
borgarsvæðinu stöðvaði kanna-
bisræktanir í tveimur húsum í
miðborginni í fyrradag.
Á öðrum staðnum fundust
munir sem taldir eru vera þýfi.
Maður á fertugsaldri var hand-
tekinn. Á hinum staðnum var
jafnframt lagt hald á amfetamín
og marijúana. Síðdegis handtók
lögreglan mann í austurborginni
með fíkniefni. Húsleit var gerð í
sama hverfi hjá karlmanni. Hjá
honum fannst bæði amfetamín
og marijúana. Hann var handtek-
inn. Nokkru síðar hafði lögreglan
afskipti af manni á sextugsaldri
sem reyndist vera með amfetam-
ín meðferðis. - jss
Kannabisræktanir upprættar:
Þrír teknir með
amfetamín
KANNABISRÆKTUN Lögreglan upprætti
tvær ræktanir í miðborginni í fyrradag.
VIÐSKIPTI „Ég er mjög spenntur
fyrir þessari heimsókn því sjálfur
hef ég hug á því að koma á laggirn-
ar bakaríi í Úganda,“ segir Apegu
Eolu Julius Nelson, en hann var
ásamt tólf manna hópi frá Úganda
í fyrirtækjaheimsókn hjá Bakaríi
Jóa Fel í gær.
Hópurinn situr tveggja vikna
frumkvöðlanámskeið í Háskólan-
um í Reykjavík (HR) en því lýkur
í lok þessarar viku. Þá heldur hóp-
urinn á heimaslóðir en síðan mun
hann fara vítt og breitt um Úganda
til að kenna og miðla af þekkingu
sinni.
„Launin eru afar lág í Úganda
og félagsleg aðstoð af skornum
skammti,“ segir Apegu Eolu Juli-
us. „Þannig að margir reyna að
hefja einhvers konar rekstur með-
fram starfi sínu til að drýgja tekj-
urnar. En þar sem fólk hefur ekki
fengið neina tilsögn við það hvern-
ig á að koma fyrirtæki af stað fara
flest þessara fyrirtækja fljótlega
á hausinn. Svo eru stjórnvöld að
reyna að fá erlenda fjárfesta til
að láta til sín taka í Úganda en þá
ríður á að heimamenn tileinki sér
vinnubrögð sem erlendir fjárfest-
ar þekkja, eins og til dæmis að
vinna að viðskiptaáætlunum og
svo framvegis þannig að það er
mikil þörf fyrir þessa þekkingu í
Úganda.“
Apegu Eolu Julius hefur gefið
út bók í heimalandi sínu um frum-
kvöðlafræði en hann á og rekur
einnig útgáfufyrirtækið Masterm-
ind Publishers Limited. „Ég fékk
engan til að gefa bókina út svo ég
stofnaði útgáfufyrirtæki og gerði
það sjálfur en fékk þó stórfyrir-
tæki til liðs við mig.“
En hann segist vera rétt að
byrja. „Ég ætla að opna bakarí sem
yrði aðeins fyrsta skrefið á mikl-
um veitingarekstri,“ segir hann.
„Ég er í sambandi við bændur sem
geta skaffað mestallt hráefnið.“
Vonir standa til að það verði opnað
í ágúst en síðan vill hann opna
veitingastaði sem eru opnir leng-
ur og bjóða upp á betri þjónustu en
almennt þekkist í Úganda.
Lóa Ingvarsdóttir, forstöðumað-
ur Opna háskólans í HR, segir hóp-
inn þegar hafa farið í heimsókn-
ir í Bláa lónið og Kaffitár. „Það
er mjög gaman að sjá hvernig þau
virðast sjá tækifæri í öllum mögu-
legum hlutum svo þessi neisti á
eflaust eftir að tendra mörg bál í
viðskiptalífinu,“ segir hún.
Hópurinn kemur til landsins á
vegum Þróunarsamvinnustofnun-
ar Íslands sem styrkir verkefnið.
jse@frettabladid.is
Flytja boðskapinn
um nær allt Úganda
Tólf Úgandabúar nema frumkvöðlafræði hér á landi og munu síðan miðla af
þekkingu sinni víða um heimalandið. Einn af þeim sem heimsótti Bakarí Jóa
Fel í gær segist sjálfur ætla að opna bakarí á heimaslóð í ágúst.
TEKNIR Í BAKARÍIÐ Apegu Eolu Julius Nelson er hér við hlið Jóhanns Felixsonar í Bakaríi Jóa Fel í gær, ásamt samlöndum sínum
og samnemendum. FRÉTTABLAÐIÐ/ANTON
FÓLK „Ég seldi hringana heim-
an frá mér til að byrja með en
svo var ég farin að fá það marg-
ar fyrirspurnir
að ég ákvað að
reyna að koma
þeim í sölu ann-
ars staðar frá,“
segir Steinunn
Vala Sigfús-
dóttir bygging-
arverkfræðing-
ur sem gerir
það gott eftir að
hafa söðlað um
og snúið sér að skartgripagerð.
Hringar Steinunnar Völu, sem
er mörgum kunn úr Gettu betur
þar sem hún sinnti stigavörslu,
urðu til sem verkefni í Prisma-
námi í Listaháskóla Íslands.
Mikil eftirspurn hefur verið eftir
hringunum og tók Epal þá nýver-
ið í sölu. - jma/sjá allt í miðju blaðsins
Verkfræðingur söðlar um:
Slær í gegn
með skartgripi
STEINUNN VALA
SIGFÚSDÓTTIR
Ítrekaður fíkniefnaakstur
Tæplega tvítugur piltur hefur verið
ákærður fyrir að aka bíl, fimm
sinnum, óhæfur til að stjórna honum
vegna fíkniefnaneyslu. Í eitt skiptið
fann lögregla fíkniefni við leit í bíl
hans.
DÓMSTÓLAR
SAMSKIPTI Frá og með deginum
í gær er hægt að nettengjast í
Húsadal í Þórsmörk. „Við erum
hér í beinni sjónlínu við Fljótshlíð
og vorum viss um að fyrst það er
símasamband þar hlyti að vera
hægt að koma nettengingu hing-
að,“ segir Ragnheiður Hauksdótt-
ir, staðarhaldari í Húsadal. Því
var settur upp sendir í Fljótshlíð-
inni og móttakari í Þórsmörk sem
tekinn var í notkun í gær. Heitur
reitur verður í skálanum í Húsa-
dal sem þýðir að fólk fær þráð-
lausa nettengingu fyrir fartölv-
ur sínar.
En vill fólk ekki vera laust við
nútímatækni á þessum stað? „Nei,
fólk vill geta komist í samband,
til dæmis þeir sem eru að taka
myndir vilja getað hlaðið þeim
inn á síður sínar meðan þeir eru
hérna,“ segir staðarhaldarinn.
Enn ein nýjung hefur orðið til
að tengja Húsadalinn frekar við
umheiminn. „Það hefur verið svo
mikill hræðsluáróður gagnvart
Krossánni að við ákváðum að
bjóða fólki upp á það að hringja
í okkur þegar það kemur að ánni
en þá sendum við bíl sem getur
lóðsað ökumenn yfir ána eða þá
að bílstjóri frá okkur keyrir bíl
gestanna yfir. Það eru talsvert
margir búnir að nýta sér þetta.
- jse
Nettengingu var komið á í Þórsmörk í gær og boðið er upp á aðstoð yfir Krossá:
Heitur reitur í óbyggðum
Tveggja bíla árekstur
Árekstur varð á Hringbraut við Þjóð-
arbókhlöðu þegar tveir jeppar skullu
saman um áttaleytið í gærkvöldi.
Engin alvarleg slys urðu á fólki.
LÖGREGLUFRÉTTIR
Í MIÐRI Á Nú býðst mönnum aðstoð við
að fara yfir Krossá en það getur reynst
ókunnugum hin þyngsta þraut.
MYND/JAK
STJÓRNMÁL Samningar náðust á
milli Sjálfstæðisflokks og Fram-
sóknarflokks um áframhaldandi
meirihlutasamstarf í Kópavogi í
gær. Sjálfstæðismenn gengu að
kröfum Framsóknarflokksins
sem settar voru fram á mánudag.
Meðal þeirra var að endur-
samið yrði um samstarfið myndi
Gunnar Birgisson snúa aftur í
bæjarstjórn. Gunnsteinn Sigurðs-
son tekur við sem bæjarstjóri af
Gunnari á næsta fundi bæjar-
stjórnar. Gunnar hafði áður sagt
að hann hygðist snúa aftur í bæj-
arstjórn að rannsókn á lánum Líf-
eyrissjóðs starfsmanna Kópa-
vogsbæjar lokinni. - kóp
Bæjarstjórn í Kópavogi:
Samið um
meirihlutann
BÆJARSTJÓRINN Gunnsteinn Sigurðsson
verður bæjarstjóri Kópavogs á næsta
fundi bæjarstjórnar. FRÉTTABLAÐIÐ/STEFÁN
EFNAHAGSMÁL „Forseti ASÍ og for-
maður SA ákváðu í beinni útsend-
ingu að við hefðum slitið við-
ræðum,“ segir Eiríkur Jónsson,
formaður Kennarasambands
Íslands, sem segir opinbera starfs-
menn fráleitt hafa slitið viðræðum
um stöðugleikasáttmála í gær.
Um kvöldmatarleytið bárust
fregnir af því að opinberir starfs-
menn hefðu sagt sig frá viðræð-
um og rætt var við fulltrúa ASÍ
og SA sem staðfestu það. Eiríkur
segir að menn hafi verið ósam-
mála um áherslur og sérkennilegt
sé hjá ASÍ og SA að lýsa því yfir
að opinberir starfsmenn hafi slit-
ið viðræðum, eingöngu vegna þess
að þeir voru ekki á sömu skoðun og
samböndin tvö.
„Fulltrúar opinberra starfs-
manna vildu ekki binda hendur
ríkisstjórnarinnar inn í framtíðina
með því að fyrirfram væri ákveðið
hvert hlutfall skatta og tilfærslna
væri,“ segir Eiríkur. ASÍ og SA
hafi talið það óviðunandi.
Þegar opinberir starfsmenn
hafi yfirgefið Karphúsið klukkan
18 hafi þeir ákveðið að þetta hefði
engin áhrif á þeirra markmið og
unnið yrði að kjarasamningum á
þessum nótum. „Þessi meintu slit
komu okkur því í opna skjöldu.“
Jóhanna Sigurðardóttir forsæt-
isráðherra kallaði samningsaðila í
Stjórnarráðið í gær og kynnti þeim
sáttatillögu. Hún verður kynnt
í baklandi samtakanna í dag og
síðan verður fundað í Karphúsinu
klukkan 11. „Þá kemur í ljós hvort
við höfum eitthvað í höndunum til
að skrifa undir þegar líður á dag-
inn,“ segir Eiríkur. - kóp
Reynt að skrifa undir stöðugleikasáttmála í dag eftir sáttatillögu forsætisráðherra:
Viðræðum slitið fyrir annarra hönd
STAÐAN RÆDD Þingað hefur verið í Karphúsinu undanfarna daga. Félög munu ræða
tillögu forsætisráðherra í baklandinu í dag og nái menn saman verður skrifað undir
samninginn. FRÉTTABLAÐIÐ/STEFÁN
EFNAHAGSMÁL Seðlabanki Banda-
ríkjanna ákvað að halda stýri-
vöxtum óbreyttum á fundi sínum
í gær.
Stýrivextir bankans verða því
áfram á bilinu frá 0 til 0,25 pró-
sent og hafa haldist óbreyttir
frá því í desember á síðasta ári.
Bankinn gerir ráð fyrir að vext-
ir munu haldast á svipuðu reki í
einhvern tíma til viðbótar.
Í tilkynningu bankans kom
fram að það séu merki um bata
í Bandaríkjunum þrátt fyrir að
hagkerfið sé enn mjög veikt.
Fjármálamarkaðir séu orðnir
stöðugri en áður auk þess sem
bankinn telur að aðgerðapakki
stjórnvalda muni stuðla að aukn-
um hagvexti á næstunni. - bþa
Betri horfur í Bandaríkjunum:
Óbreyttir vextir
VIÐSKIPTI Embætti sérstaks sak-
sóknara er að rannsaka umfangs-
miklar fjárfestingar Karls
Wernerssonar og Steingríms
Wernerssonar í gegnum Sjóvá og
Milestone. Frá þessu var greint í
kvöldfréttum Stöðvar 2 í gær.
Umfangsmikil viðskipti þeirra
bræðra eru nú til rannsóknar
hjá embætti sérstaks saksókn-
ara. Enginn hefur verið kallaður
til yfirheyrslu vegna rannsókn-
arinnar. Í gær var tilkynnt um
að Sjóvá hafi tapað 3,2 milljörð-
um króna á því að rifta kaupum
Mile stone á 68 lúxusíbúðum Hong
Kong. Karl og Steingrímur festu
kaup á Sjóvá árið 2006. - bþa
Sjóvá tapar milljörðum:
Wernersbræður
til rannsóknar
SPURNING DAGSINS