Fréttablaðið - 25.06.2009, Blaðsíða 48

32 25. júní 2009 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Nú er búið að tilkynna nokkur þau tónlistaratriði sem verða á næstu
Iceland Airwaves-hátíð. Það er ótrúlegt hvað maður er búinn að upp-
lifa mikið af flottum tónleikum á Airwaves síðustu ár. München-popp-
listakonurnar Chicks On Speed eru eitt dæmið. Þær spiluðu á mjög
eftirminnilegu kvöldi á Gauknum á hátíðinni 2001 þar sem fram komu
líka m.a. Ensími, Dr. Spock og Sparta.
Chicks On Speed er hljómsveit, en líka síbreytilegur hópur lista-
kvenna sem vinna með ólíka miðla og ráðast í ýmiss konar verkefni
tengd myndlist, tónlist, mynd-
bandagerð og myndlist. Hljóm-
sveitin er búin að starfa síðan 1997
og byrjaði sem einhvers konar
listapönkband, en varð svo hluti
af „electroclash“-senunni upp úr
aldamótunum. Tónleikarnir þeirra
eru alltaf sýning með sérhönnuðum
sviðsbúningum. Þær hafa gefið út
nokkrar stórar plötur og slatta af
smáskífum og remixum. Í maílok
kom út ný plata með sveitinni, Cutt-
ing The Edge, en hún er tvöföld og
inniheldur 23 lög. Chicks On Speed
hafa átt nokkra eftirminnilega
smelli, t.d. Euro Trash Girl og We
Don’t Play Guitars, en nýja platan
er hiklaust þeirra aðgengilegasta,
full af skemmtilegu poppi og töff-
araskap.
Eins og áður eru textarnir líka safaríkir. Í Art Rules hæðast þær að
listaheiminum og How To Build A High Heeled Shoe Guitar er farið
yfir það hvernig hægt er að breyta háhælaða skónum þínum í raf-
magnsgítar. Nöfn laganna Girl Monster, Vibrator, Globo Cop og Sex in
der Stadt segja svo eitthvað um innihaldið. Eitt skemmtilegasta lagið
er nýja smáskífan, Supersurfer Girl. Ómótstæðilegur brimbrettaraf-
rokksmellur. Plata sem hægt er að mæla með …
Brimbrettastelpur á spítti
CHICKS ON SPEED Spilaði á Gauknum á
Iceland Airwaves 2001.
> Í SPILARANUM
Dirty Projectors - Bitte Orca
Retron - Swordplay & Guitarslay
The Fiery Furnaces - I’m Going Away
Noisettes - Wild Young Hearts
Phoenix - Wolfgang Amadeus Phoenix
Wilco - Wilco
DIRTY PROJECTORS WILCO
Oasis-stjarnan Liam Gallagher lætur til
sín taka víðar en í tónlistinni um þess-
ar mundir. Hann er með eigin fatalínu og
hyggst nú reyna fyrir sér í kvikmynda-
heiminum. Liam hefur samþykkt að leika
í kvikmynd sem byggð er á skáldsögu
Kevins Sampson, Powder. Í henni segir af
hljómsveit sem slær í gegn og togast inn í
svallheim bransans með tilheyrandi kyn-
lífshneykslum og eiturlyfjaneyslu.
Liam er um þessar mundir á tónleika-
ferðalagi með Oasis. Þegar þeim skyldum
lýkur í ágúst hyggst hann fara að einbeita
sér að kvikmyndinni. Ekki liggur enn
fyrir hversu stórt hlutverk söngvarinn
fær í myndinni.
LIAM GALLAGHER Ætlar að leika í
bíómynd.
> Plata vikunnar
Trúbatrix - Taka 1
★★★
„Sýnir vel gróskuna hjá tónlist-
arkonum landsins.“
TJ
Liam leikur í bíómynd
Heljarinnar þungarokksveisla
verður haldin á Sódómu Reykja-
vík annað kvöld. Deep Jimi and
the Zep Creams og Morðingjarn-
ir stíga á svið, fjórir þungarokks-
fróðir plötusnúðar þeyta skífum
og keppt verður í spurningakeppni
þar sem þungarokk verður vita-
skuld í forgrunni. Einnig verð-
ur dregið í Metal-happadrætti.
Þeir sem mæta í klæðnaði sem
hæfir hátíð sem þessari geta átt
von á glaðningi og aðstandendur
lofa einnig glæstum vinningum í
spurningakeppninni.
Staðurinn Sódóma verður
skreyttur ríkulega af tilefninu og
ógleymanlegum myndskeiðum úr
sögu þungarokksins verður varp-
að á tjald. Kvöldið er hugsað sem
nokkurs konar gleðifyllt rokkráð-
stefna þungarokkara af öllu tagi
og eru sem flestir hvattir til að
láta sjá sig. Kvöldið hefst stund-
víslega klukkan 20 og er aðgangs-
eyrir 1.000 krónur.
Ráðstefna rokkara
MORÐINGJARNIR Hljómsveitin Morð-
ingjarnir stígur á svið annað kvöld ásamt
Deep Jimi and the Zep Creams.
Megas og Ólöf Arnalds halda tón-
leika á Café Rosenberg miðviku-
daginn 1. júlí.
Þar munu þau
spila hvort í
sínu lagi og
einnig nokk-
ur lög saman.
Tónleikarnir
eru samstarfs-
verkefni tíma-
ritsins Reykja-
vík Grape vine
og Félags tón-
skálda og textahöfunda. Verkefn-
ið nefnist Fuglabúrið og er hluti
af Íslensku tónlistarsumri Sam-
tóns. Fyrstu tónleikarnir í þessari
tónleikaröð voru haldnir 11. júní
þegar mæðgurnar Bryndís Jak-
obsdóttir og Ragnhildur Gísladótt-
ir stigu á svið. Tónleikar Megasar
og Ólafar Arnalds hefjast klukkan
21 og kostar 1.000 krónur inn.
Dúett Ólafar
og Megasar
ÓLÖF ARNALDS
Elektródúettinn Empire of
the Sun hefur vakið mikla
athygli fyrir afslappaðar
og grípandi melódíur sínar.
Smáskífulagið Walking on a
Dream hefur heldur betur
hitt í mark.
Mennirnir á bak við Empire of the
Sun eru Ástralarnir Luke Steele og
Nick Littlemore. Hljómsveitin er
eins konar hliðarverkefni þeirra
því báðir hafa þeir haft öðrum
hnöppum að hneppa í gegnum árin;
Steele sem forsprakki indísveitar-
innar The Sleepy Jackson og Litt-
lemore sem meðlimur elektró-
bandsins Pnau.
Empire of the Sun, sem dregur
nafn sitt af samnefndri skáldsögu
J.G. Ballard frá árinu 1984, gaf út
smáskífuna Walking on a Dream
síðasta haust sem komst ofarlega
á vinsældarlista í Ástralíu. Lagið
kom sveitinni rækilega á kortið
því samnefnd plata sem kom út í
lok síðasta árs náði platínusölu í
heimalandinu, auk þess sem titil-
lagið hefur verið tilnefnt sem lag
ársins í Ástralíu. Síðan þá hafa
þeir félagar gefið út smáskífulög-
in We Are The People og Stand-
ing on the Shore, sem hafa einnig
fengið góðar viðtökur. Tónlistar-
spekingar BBC tóku sig einnig til
og settu Empire of the Sun í fjórða
sætið yfir þá nýliða sem voru lík-
legastir til að ná langt á þessu ári.
Á meðal annarra á listanum voru
Little Boots, White Lies og Flor-
ence and the Machine.
Þrátt fyrir að hafa gefið út sína
fyrstu plötu á síðasta ári hefur
Empire of the Sun enn ekki haldið
tónleika. Þeir fyrstu eru fyrirhug-
aðir á Parklife-hátíðinni í Ástralíu
sem verður haldin dagana 26. sept-
ember til 5. október.
Eins og útlit þeirra Steeles og
Littlemores ber með sér líta þeir
á hljómsveitina sem litríkan fant-
asíuheim þar sem allt getur gerst.
„Það er núna eða aldrei og við
verðum að sækja fram á við. Það
þýðir ekkert að halda aftur af sér
og við höfum engu að tapa. Við vilj-
um gera eitthvað sem er sérstætt
og af öðrum heimi,“ sagði Steele í
viðtali við BBC. „Við höfum prófað
hljómsveitapakkann, sem er mjög
gaman, en okkur langaði að prófa
að vera epískari og dramatískari.
Við viljum byrja á einhverju sem
er aðeins stærra en hljómsveitirn-
ar sem við höfum verið í síðustu
tuttugu árin. Við viljum meiri
skemmtun, litadýrð, jákvæðni og
melódíu inn í dæmið,“ sagði hann.
Eitt uppátæki sveitarinnar er að
taka upp myndband við hvert ein-
asta lag á plötunni víðs vegar um
heiminn og gera síðan úr þeim
bíómynd í fullri lengd. Þegar hafa
tökur farið fram hér á landi, í Kína
og Mexíkó og verður forvitnilegt
að sjá hvernig endanleg útkoma
verður. freyr@frettabladid.is
Litríkur fantasíuheimur
EMPIRE OF THE SUN Dúettinn Empire of the Sun hefur vakið athygli fyrir grípandi og
afslappaðar lagasmíðar sínar.
SENDU SMS EST 3LV Á
NÚMERIÐ 1900
- ÞÚ GÆTIR UNNÐ EINTAK!
Fullt af aukavinningum: Tölvuleikir,
DVD myndir, gos og margt fleira!
199 kr/skeytið. Vinningar afhendir í ELKO Lindum.
Með því að taka þátt ertu kominn í SMS klúbb.
KOMNIR ÍELKO!
9. HVER

VINNUR
!
WWW.BREIK.IS/3GAMES