Fréttablaðið - 25.06.2009, Blaðsíða 50

34 25. júní 2009 FIMMTUDAGUR
Leikkonan Katherine Heigl,
sem sló í gegn í læknaþátt-
unum Grey´s Anatomy, hefur
tekið að sér aðalhlutverkið í
rómantísku gamanmyndinni
Life As We Know It.
Heigl hefur verið að færa
sig upp á skaftið í kvikmynda-
heiminum og svo virðist sem
rómantískar gamanmyndir
ætli að verða aðalsmerki henn-
ar í Hollywood. Síðasta mynd
hennar var brúðkaupsgrín-
ið 27 Dresses þar sem hún
lék eilífðar brúðarmær og
næsta mynd hennar áður
en Life As We Know It fer
á hvíta tjaldið nefnist The
Ugly Truth sem fjallar um
samskipti kynjanna.
Life As We Know It fjallar
annars um tvær manneskjur
sem verða fyrir miklu áfalli
þegar sameiginlegur vinur
þeirra deyr í slysi. Sam-
kvæmt erfðaskránni eiga þær
að sjá um unga dóttur vinar-
ins og ljóst að það á síður en
svo eftir að ganga áfallalaust
fyrir sig.
Þess má geta að Heigl leik-
ur ekki aðeins aðalhlutverkið
í myndinni heldur framleiðir
hún hana einnig í samstarfi við
móður sína Nancy. Leikstjóri
verður Greg Berlanti sem er
maðurinn á bak við sjónvarps-
þætti á borð við Dirty Sexy
Money, Brothers and Sisters
og Dawsons´s Creek.
Enn meiri rómantík hjá Heigl
bio@frettabladid.is
Þótt einhverjir efist um
leiklistarhæfileika Megan
Fox hefur hún svo sann-
arlega stimplað sig inn í
kvikmyndabransann með
kvikmyndunum um Opti-
mus Prime og hina Trans-
formers-karlana.
Framhaldsmyndin Transformers:
Revenge of the Fallen verður frum-
sýnd í kvikmyndahúsum borg-
arinnar um helgina og ef hún er
eitthvað í líkingu við fyrri mynd-
ina ætti hún að trekkja að hasaróð
ungmenni sem þyrstir í spreng-
ingar og tæknibrellur. Myndin
tekur upp þráðinn þar sem sú fyrri
skildi við hann. Sam Witwicky er
kominn í háskóla og er í góðu sam-
bandi við bifvélavirkjann Mikaelu
Barnes. En smá babb kemur í bát-
inn þegar Megatron og hans þrjót-
ar snúa aftur til jarðar og reyna að
taka Sam til fanga enda veit piltur-
inn allt um uppruna Transformers.
Og sú vitneskja gæti ógnað tilveru
þessara geimveruvélmenna. Ekki
er að sökum að spyrja, Optimus
Prime og félagar snúast til varn-
ar og reyna að bjarga heimsbyggð-
inni allri frá glötun.
Ekki þarf að fjölyrða um vin-
sældir fyrstu Transformers-
myndarinnar. Hún sló rækilega í
gegn enda meistarastykki á sviði
tæknibrellna. Myndin markaði
jafnframt upphafið að ótrúlegum
vinsældum Megan Fox en henni
tókst nýverið að verja titil sinn
sem kynþokkafyllsta kona heims
í augum lesenda karlatímarits-
ins FHM. Til gamans má geta að
Jennifer Lopez var eina konan sem
hafði tekist það áður en Fox spratt
fram á sjónarsviðið.
Í raun má segja að vinsældir Fox
og vinsældir Transformers haldist
í hendur. Því fyrir kvikmyndina
hafði leikkonan varla gert neitt af
viti og á milli Transformers-mynd-
anna tókst Megan Fox ekki að velja
sér neitt sérstaklega gáfuleg hlut-
verk. How to Lose Friends & Alien-
ate People var hálfgert flopp þrátt
fyrir veiklulega tilraun markaðs-
karlanna til að selja kvikmynd-
ina með blautabolssenum leikkon-
unnar. Um kvikmyndina Whore er
lítið vitað, annað en að hún skartar
Ron Jeremy í einu hlutverkanna.
Spurningin er hvort Fox hafi leit-
að til unnusta síns, Brian Austin
Green, sem seint verður sakað-
ur um mikla leiklistarhæfileika
(hann lék David Silver í 90210-
sjónvarpsþáttunum ef einhverjir
skildu hafa gleymt því).
Fox hafði reyndar gengið ágæt-
lega að vinna fyrir salti í graut-
inn með fyrirsætustörfum á unga
aldri. Hún hefur unnið í skemmt-
anaiðnaðinum frá fimm ára aldri
og veit því nokkurn vegin út á
hvað bransinn gengur. Hún lék
nokkur gestahlutverk í þekkt-
um sjónvarpsþáttum þar vestra
og fékk fasta vinnu í sjónvarps-
seríunni Hope & Faith sem sýnd-
ir var á Íslandi fyrir ekki löngu.
Fox dreymdi hins vegar um frægð
og frama á hvíta tjaldinu og hefur
meðal annars afrekað að leika á
móti þremur barnastjörnum sem
allar eiga það sameiginlegt að tölu-
vert hefur fallið á stjörnur þeirra.
Fox lék nefnilega á móti Olsen-tví-
burunum í Holiday in the Sun og
svo á móti ólíkindatólinu Lindsay
Lohan í Confessions of a Teenage
Drama Queen.
Forvitnilegt verður að sjá hvern-
ig Fox tekst að viðhalda vinsæld-
um sínum, nú þegar Transfor-
mers-ævintýrinu virðist vera að
ljúka. Hún hefur úr nægum verk-
efnum að moða, vinsældirnar eru
ótvíræðar en stóra spurningin
hlýtur að vera sú: hvort örlög Fox
verði þau að daga uppi og falla í
gleymskunnar dá áður en fyrsti
áratugur 21. aldarinnar hefur
runnið sitt skeið.
UPPHAFIÐ AÐ MEGAN FOX
Bandaríski leikstjórinn David
Fincher er þessa dagana orðaður
við kvikmynd um Facebook-ævin-
týrið. Fincher þarf vart að kynna
fyrir kvikmyndaáhugamönnum,
eftir hann liggja verk á borð við
Seven, The Game og nú síðast The
Curious Case of Benjamin Butt-
on. Að ógleymdu Rolling Stones-
myndbandinu sem nýjasta Voda-
fone-auglýsingin á Íslandi vísar
svo sterkt til.
Facebook er reyndar í svipuð-
um sporum og Fincher, þetta vina-
samfélag hefur slegið gjörsam-
lega öll met á netinu, er orðið að
hálfgerðu tákni fyrir samskipta-
máta 21. aldarinnar og milljónir
manna nota vefsíðuna til að end-
urnýja kynni við löngu horfna
skólafélaga og ástvini. Vefsíðan
hefur jafnframt orðið kveikjan
að ástarsamböndunum og skiln-
uðum þannig að vegir vinasamfé-
lagsins eru nánast órannsakanleg-
ir. Meira að segja mótmælendur í
Íran nota Facebook til að koma á
framfæri myndböndum og mynd-
um af harðræðinu sem þeir hafa
mátt þola frá klerkastjórninni í
Teheran.
Aaron Sorkin er að skrifa hand-
rit um þessa hugmynd Mark Zuck-
erberg en Facebook fæddist í
Harvard og var upphaflega hugs-
að sem tengslanet milli nemenda
háskólans, en talið er að í dag séu
yfir tvö hundruð milljónir not-
enda skráðir á Facebook. Fram-
leiðendur myndarinnar um þetta
fyrirbæri eru Scott Rudin, Mike
DeLuca og Kevin Spacey sem
vilja hefja störf sem fyrst og ráð-
gert er að tökur hefjist 2010.
Fincher leikstýrir Facebook
AMERÍSKI DRAUMURINN Óhætt er hægt
að segja að Mark Zuckerberg lifi amer-
íska drauminn til fulls en vinasamfélag
hans á netinu, Facebook, hefur slegið öll
met. NORDIC PHOTOS/GETTY IMAGES
Varð óglatt eftir ástar-
senur með Fisher
Líf kvikmyndaleikarans er ekki
alltaf dans á rósum. Og atriði
sem birtast áhorfendum í líki
lostafullra ástarsena eru oft-
ast kvöl og pína fyrir þá sem
taka þátt í þeim. Í það minnsta
var það þannig fyrir hinn unga
og óreynda Edward Hogg þegar
hann lék í ástarsenu á móti
Stjörnustríðsstjörnunni Carrie
Fisher. Honum varð nefnilega
óglatt eftir tökurnar.
Atriðið er að finna í kvikmynd-
inni White Lightnin‘ en þar eru
þau Hogg og Fisher í heitum
leik í baðkari. Með þeim í bað-
inu er síðan kampavínsflaska.
Og þannig sjá áhorfendur atrið-
ið. Hins vegar gekk ekki þrauta-
laust að taka upp atriðið og því
þurfti Hogg, sem leikur áfeng-
issjúkan dansara í myndinni, að
drekka heilar þrjár kampavíns-
flöskur á meðan leikar stóðu sem
hæst. „Atriðið var tekið upp sjö
sinnum og ég þurfti að drekka
hálfa flösku í hvert skipti. Þegar
við vorum loks búin þá fór ég
fram á klósett og kastaði upp,“
segir Hogg í samtali við vefsíð-
una WENN.
Og til að bæta gráu ofan á
svart þá leið Hogg ekkert allt-
of vel að vera ofan í baðkarinu
með Carrie. Því hann hafði horft
á allar Stjörnustríðsmyndirnar
um hver jól frá því hann var sex
ára og dáðst að fegurð og þokka
Fisher. „En Carrie var mikil fag-
manneskja og vissi nákvæmlega
hvað hún var að gera.“
ÞRJÁR KAMPAVÍNSFLÖSKUR Edward
Hogg viðurkennir að honum hafi
þótt óþægilegt að leika á móti Carrie
Fisher, enda hafi hann verið mikill
aðdáandi Star Wars.
> GÁTUMAÐURINN DEPP
Johnny Depp hefur áhuga á að
leika Gátumanninn í næstu Bat-
man-mynd. „Ef tækifærið kæmi
upp þá myndi ég pottþétt grípa
það. Ég hef alltaf verið
hrifinn af Gátumann-
inum,“ sagði hann.
Batman sjálfur, Christi-
an Bale, leikur á móti Depp
í myndinni Public Enemies
og telur einnig að hann myndi
smellpassa í hlutverkið.
KATHERINE HEIGL Heigl
hefur tekið að sér aðal-
hlutverkið í rómantísku
gamanmyndinni Life As
We Know It.
BLESSUN EÐA BÖLVUN Megan Fox hefur náð ótrúlegum vinsældum með kvikmynd-
unum tveim um Transformers. Spurningin er hins vegar hvort það sé líf hjá Fox eftir
Optimus Prime? NORDIC PHOTOS/AFP
SENDU S
MS SKEY
TIÐ
ESL LVK Á
NÚMERIÐ
1900
ÞÚ GÆTIR
UNNIÐ B
ÍÓMIÐA!
AÐRIR VI
NNINGAR
ERU:
TÖLVULEI
KIR, DVD
MYNDIR
, BÍÓMIÐ
AR,
GOS OG M
ARGT FLE
IRA

FRUMSÝ
ND 24. J
ÚNÍ
TVEIR VIT
LEYSING
AR.
FULLT AF
LESBÍSK
UM VAM
PÍRUM.
EIN SVAK
ALEG NÓ
TT!
WWW.BREIK.IS/LVK
9. hver
vinnur!
Vinningar verða afhentir í ELKO Lindum.149 kr/skeytið.
Með því að taka þátt ertu kominn í SMS klúbb.