Fréttablaðið - 25.06.2009, Blaðsíða 11

FIMMTUDAGUR 25. júní 2009 11
DÓMSMÁL Rúmlega tvítugur fangi
á Litla -Hrauni hefur verið ákærð-
ur fyrir að falsa dánartilkynningu
og staðið fyrir birtingu hennar í
Morgunblaðinu.
Í tilkynningunni var andlát sam-
fanga mannsins tilkynnt. Þar var
gefið upp reikningsnúmer í eigu
ákærða fangans í því skyni að
afla samskota og svíkja þannig út
fé. Reikningnum var lokað áður
en nokkur hafði látið blekkjast af
fjársvikatilraun hans.
Þá er sami maður ákærður
fyrir tvö fíkniefnabrot fyrir innan
rimlana. Í fyrra skiptið var hann
með hass í klefa sínum en amfet-
amín og tvo óþekkta lyfjabelgi í
hið síðara. Efnunum hafði verið
smyglað inn í fangelsið í aftur-
bretti bifreiðar. Þangað náði fang-
inn í þau þegar bifreiðinni var lagt
við aðaldyr álmu í fangelsinu.
Maðurinn játaði sök á öllum
ákæruliðum við þingfestingu máls-
ins í gær. - jss
Fjársvik og fíkniefnabrot fanga á Litla-Hrauni:
Er ákærður fyrir
dánartilkynningu
DÁNARTILKYNNINGIN Þannig leit hún
út, dánartilkynningin sem fanginn fals-
aði í fjáröflunarskyni.
Það er
Meira Frelsi
0 kr. innan kerfis um helgar í sumar
Fylltu á Frelsið í gegnum Mitt Frelsi og hringdu
svo eða sendu SMS innan kerfis um helgar
í mánuð á eftir án þess að borga krónu.
Þú talar auðvitað áfram við vini þína
innan eða utan kerfis – við fjölgum bara
vinunum um helgar.**
NETIÐ Í SÍMAN
UM
FYLGIR FRELS
INU!
Roskilde University - Denmark
ruc.dk/global
Bachelor of Science
Interdisciplinary studies in an international environment
MENNTUN Umsóknir nýnema í Fjöl-
brautaskóla Suðurnesja voru um
450 talsins, en 280 fá inngöngu
á fyrsta ári, að sögn Kristjáns
Ásmundssonar, skólameistara FS.
Hann segir skólann búinn að
taka inn forgang og nú standi eftir
100 umsóknir hjá umsækjendum
sem eru eldri en 18 ára. Verið sé
að vinna í þeim og athuga hvort
mögulegt sé að taka það fólk inn.
„Við höfum ekki fjárheimildir
frá ríkinu til að taka þetta mikið.
Við erum með fleiri en við höfum
heimild til,“ segir Kristján.
FS var þriðji vinsælasti skól-
inn í umsóknum nýnema, að sögn
Pálma, á eftir Verzló og MH. - vsp
Mikil aðsókn í FS:
Þriðji vinsæl-
asti skólinn í ár
SKIPULAGSMÁL Borgarráð hefur
samþykkt að heimila rekstur
frumkvöðlaseturs í svokallaðri
Toppstöð í Elliðaárdal.
„Hugmyndin felst í því að skapa
hönnuðum, arktitektum og iðnað-
armönnum sameiginlegan vett-
vang til að skapa nýjar vörur,
þekkingu og hugvit í afmörkuðu
rými varaflstöðvarinnar,“ segir
í greinagerð með tillögu Hönnu
Birnu Kristjánsdóttur borgar-
stjóra. Semja á við áhugahóp um
nýtingu Toppstöðvarinnar og sagt
koma til greina að hleypa fleirum
inn í húsið.
Tveir fyrrverandi borgarstjór-
ar ítrekuðu í borgarráði að rífa
ætti bygginguna. „Ég hef verið
og er enn þeirrar skoðunar að
rífa eigi Toppstöðina eins og
ávallt hefur staðið til, enda húsið
lýti í umhverfinu,“ segir í bókun
Vilhjálms Þ. Vilhjálmssonar og
tekið er í svipaðan streng í bókun
Ólafs F. Magnússonar: „Ég hvet
eindregið til þess að Toppstöðin
í Elliðaárdal verði rifin þegar í
stað, í fyrsta lagi sem hluti vernd-
unarstefnu gagnvart Elliðaánum í
öðru lagi sem hluti atvinnuskap-
andi verkefnis með skýra framtíð-
arsýn í þágu komandi kynslóða að
leiðarljósi.“
Þorleifur Gunnlaugsson, borg-
arráðsfulltrúi vinstri grænna,
sat hjá við atkvæðagreiðsluna.
Þorleifur segir nauðsynlegt að
rífa húsið en að það verði borg-
inni mjög dýrt á erfiðum tímum.
„Borgarráðsfulltrúi VG telur því
skynsamlegt að leyfa starfsemi
í húsinu um tíma en það verður
jafnframt að vera tryggt að sú
starfsemi hamli ekki niðurrifi
hússins þegar betur árar.“ - gar
Umdeild bygging í Elliðaárdal sleppur frá niðurrifi og fær nýtt líf í kreppunni:
Frumkvöðlarnir verða í Toppstöðinni
TOPPSTÖÐIN Landsvirkjun hefur gefið heimild fyrir tímabundin afnot af byggingu
varaflstöðvar í Elliðarárdal. FRÉTTABLAÐIÐ/VILHELM