Samvinnan - 01.12.1960, Blaðsíða 31

STEIN GEITIN.
21. des til 19. jan.
Sé yður umhugað að lenda ekki
í neinu meiriháttar klandri fyrri-
hluta mánaðarins, skuluð þér
halda yður í hæfilegri fjarlægð
frá hinu kyninu. Einnig ættuð
þér að hafa hægt um yður og forðast ferða-
lög og önnur umsvif. Er líður á mánuðinn,
fer sennilega að blása heldur byrlegar fyrir
yður, fjárhagurinn batnar og þér dettið nið-
ur á ný tómstundastörf, sem koma til með
að veita yður ótölulegar ánægjustundir.
VATN SBERINN
20. jan. til 18. febr.
Þér verðið sérstaklega vel upp-
lagður til að hugsa og framkvæma
þennan mánuðinn. Það er engu
líkara, en einhver snilligáfa nái
tökum á heila yðar. Mistakist yð-
ur eitthvað, verður naumast öðru um að
kenna en yðar eigin bleyðiskap og ístöðuleysi,
sem er þá drjúgum meira en í meðallagi.
Samt sem áður er rétt að gæta vissrar var-
úðar í viðskiptum við nágrannana. Hugsast
gæti, að þér lentuð í deilum við þá vegna
þess að þér hafið amast við börnum þeirra eða
húsdýrum.
FISKARNIR.
19. febr. til 20. marz.
Hætt er við, að einhverntíma á
næstunni verði reynt rækilega á
þolinmæði yðar, sérstaklega ef
þér að eðlisfari eruð eirðarlaus
og hafið yfir að ráða auðugu í-
myndunarafli. Mikið er undir því komið, að
yður takist að halda heimilislífi yðar í róleg-
um skorðum. Séuð þér í hjónabandi og haldið
framhjá, eru líkur fyrir því að upp um yður
komist af einhverri slysalegri tilviljun.
Fjárhagur yðar mun efalítið fara batnandi,
sennilega vegna aðstoðar eða ráðlegginga ein-
hvers góðs vinar.
HRÚTURINN.
21. mars til 20. apríi.
Ýmsar hættur kunna að steðja
að heimili yðar á næstunni, svo
betra er að vera vel við öllu bú-
inn. Framar öllu skuluð þér fara
varlega með eld og brunatryggja
eigur yðar, ef þér hafið ekki gert það nú
þegar. Síðari hiuta mánaðarins líður þessi

Pisces
Aquarius
Capricorn
háski líklega hjá. Yður gengur þá vel í skipt-
um við hitt kynið og í störfum yðar eigið þér
einnig vaxandi láni að fagna. En séuð þér
óþolinmóður og reynið að flýta mjög fyrir
rás viðburðanna, getur það haft í för með sér
alvarlegar afleiðingar.
A
Taurus
NAUTIÐ.
21. apríl til 20. maí.
Þér skuluð kosta kapps um að
halda aftur af gagnrýnishneigð
yðar og deilugirni, að öðrum kosti
er hætt við að þér æsið marga af
kunningjum yðar á móti yður.
Deilur við ættingja og nábúa virðast yfirvof-
andi. Reynið að taka þessu öllu sem rólegast,
þá líður það hjá.
Tekjur yðar virðast fara vaxandi, en útgjöld
aukast einnig. Fyrir getur komið að einhver
persóna telji yður trú um, að hún hafi meiri
áhuga fyrir yður en hún raunverulega hefur.
Verið vel á verði gegn slíkum blekkingum.
u
Gemíni
TVIBURARNIR.
21. maí til 20. júní.
Einhverskonar eirðarleysi virðist
nú steðja að yður. Það getur
haft ferðalög í för með sér, einn-
ig að þér skiptið um starf, aðset-
ursstað eða jafnvel sóið dýrmæt-
um tíma í tilgangslítið hringl sitt á hvað. Reyn-
ið að hafa taumhald á þessari hneigð, annars
getur illa farið. Siðari hluti mánaðarins er
undir öllu spaklegri áhrifum. Þá fer vel á
því að stofna til hverskyns vináttubanda, svo
sem kynna við hitt kynið. Þar með teljast
giftingar og trúlofanir.
KRABBINN.
21. júní til 20. júlí.
f næsta mánuði komið þér
sennilega í framkvæmd einhverju
áhugamáli, sem lengi hefur legið
yður á hjarta, einkum þó ef þér
eruð leikari eða skemmtikraftur
einhverskonar. Síðari hluta mánaðarins er fjár-
hagslegur hagnaður væntanlegur, ef til vill
vegna áhrifa og aðgerða konu yðar eða starfs-
félaga. Einhver yður nákominn, sem nú um
skeið hefur verið atvinnulaus, fær nú senni-
lega starf við sitt hæfi, sem vel getur verið
til frambúðar.
LJÓNIÐ.
21. júlí til 21. ágúst.
Þessi mánuður er líklegur til að
uppfylla óskir þeirra, sem skýrir
eru í hugsun og atorkusamir,
frumlegir og sjálfstæðir. Einkum
á þetta við um sérmenntaða menn.
Þessu getur fylgt alger breyting á lifnaðar-
háttum, sem töluverðan tíma getur tekið að
venjast. Vináttubönd alls konar, svo og hjóna-
bönd, sem stofnað er til í þessum mánuði, eru
iíkleg til að verða hamingjurík og endingar-
góð.
MÆRIN.
22. ágúst til 22. september.
í þessum mánuði er yður holl-
ast að gefa öllum málefnum, sem
yður koma við, álíka nánar gætur,
í stað þess að helga krafta yðar
einhverju einstöku. Ýmislegt
kann að ganga yður á móti, einkum framan
af; heimilislíf yðar verður fyrir truflun af
völdum sendibréfs, barns eða húsdýrs. í fé-
lagsmálum verðið þér óheppinn og sömuleiðis
í skiptum við hitt kynið. Síðari hluta mánað-
arins færist þó margt í viðunanlegra horf.
VOGIN.
23. sept til 22. okt.
Mánuðurinn verður yður töluvert
varhugaverður tími, sérstaklega
þó fyrri hluti hans. Mest er und-
ir því komið, hvernig þér bregð-
ist við aðsteðjandi erfiðleikum,
sem geta orðið harla margvíslegir. Ýmislegt
veldur yður erfiðleikum, bæði heima fyrir og
á vinnustað. Síðari hluti mánaðarins verður
stórum happasælli, og fáið þér þá að líkindum
margar óskir yðar uppfylltar. Þó getur verið,
að þér misskiljið aðstöðu yðar að einhverju
leyti, einkum ef um ástarævintýri er að ræða.
SPORÐDREKINN.
23. okt. til 22. nóv.
Á næstu fjórum vikum færist flest
til betri vegar fyrir yður, þó á ann-
an hátt en þér hafið vænst. Bíð-
ið og sjáið hvað setur; allt tekur
sinn tíma og óðagot kemur engum
að haldi. Hafið þér átt í deilum við vinnufélaga
yðar eða heimilisfólk, komizt þér nú að við-
unandi samkomulagi. Séuð þér atvinnulaus í
bráðina, kemur hamingjan yður fljótlega til
hjálpar, þó þegar henni sjálfri hentar frem-
ur en yður. Fjárhagur yðar fer tvímælalaust
batnandi.
KENTÁRINN.
23. nóv. til 20. des.
Mánuðurinn verður yður að öll-
um líkindum mjög auðugur af
viðburðum, þótt enginn þeirra
hafi mikil eða langvarandi áhrif
á forlög yðar. Yður mun græðast
fé, en það fer sennilega í súginn jafnharðan,
einkum þó fyrri hluta mánaðarins. Tíminn
mun reynast mjög hentugur til stofnunar alls-
kyns samtaka og sambanda. Einnig væri yður
hoilt að íhuga og endurskoða þær hugmynd-
ir, sem þér hafið um yður sjálfan, aðstöðu yð-
ar og tilveruna í heild.
Sagittarius
SAMVINNAN 31