Stúdentablaðið - 01.12.1960, Qupperneq 20

\ijr rifctcfr
í síðasta mánuði fór fram kjör eftirmanns dr. Þor-
kels heitins Jóhannessonar rektors. Kjörinn var Ár-
mann Snævarr prófessor við lagadeild Háskólans.
Ármann Snævarr er fæddur hinn 18. september
árið 1919 á Norðfirði, sonur Valdimars Snævarr
skólastjóra og konu hans Stefaníu Erlendsdóttur.
Kvæntur er Ármann Valborgu Sigurðardóttur upp-
eldisfræðingi.
Prófessor Ármann lauk stúdentsprófi við Mennta-
skólann á Akureyri árið 1938, og embættisprófi í
lögfræði í júní 1944. Hlaut hann hæstu einkunn, sem
gefin hefur verið í lögfræði hér á landi.
í ársbyrjun 1945 hlaut prófessor Ármann styrk úr
sjóði Hannesar Árnasonar og stundaði hann fram-
haldsnám í lögfræði í Uppsölum og síðar Kaup-
mannahöfn á árunum 1945—1947. Árið 1947 var
honum veittur styrkur úr styrktarsjóði Fridthiof
Nansens til náms í Noregi, og var hann við háskól-
ann í Osló 1947—48. Jafnframt náminu fékkst hann
við kennslu- og prófdómarastörf við lagadeild há-
skólans.
Ennfremur lagði prófessor Árrnann stund á fræði-
störf og rannsóknir við Harvardháskóla á árunum
1954—1955.
Áður en próf. Ármann hóf framhaldsnám sitt var
hann um skeið settur bæjarfógeti á Akranesi.
í september árið 1948 var hann settur prófessor
við lagadeild Háskóla Islands og skipaður í júlí 1950.
Hefur hann gegnt því embætti síðan, og einkum kennt
almenna lögfræði, sifja-, erfða- og persónurétt, ásamt
refsirétli og ísl. réttarsögu. í prófessorstíð sinni hef-
ur Ármann tvívegis verið forseti lagadeildar.
Prófessor Ármann Snævarr hefur alla tíð látið
félagsmálefni mikið til sín taka og hefur gegnt fjöl-
mörgum trúnaðarstörfum á því sviði. Hann er nú
meðal annars formaður Lögfræðingafélags íslands
og formaður Bandalags háskólamenntaðra manna og
var einn aðalfrumkvöðull að stofnun þessara sam-
taka. Þá er hann formaður Félags Sameinuðu þjóð-
anna á Islandi, á sæti í stjórn Hugvísindadeildar
Vísindasjóðs og er formaður stjórnar Happdrættis
Háskóla Islands.
Prófessor Ármann hefur lagt mikla stund á ritstörf
og fræðimennsku á sviði lögvísinda og eru helztu
verk hans þessi: Almenn lögfræði, sem kom út árið
1952 og er notuð við kennslu í lagadeild; íslenzkar
dómaskrár, og hafa þegar komið út þrjú hefti af því
verki; Þættir úr refsirétti, gefnir út árið 1959. Enn-
fremur var hann aðstoðarmaður við útgáfu Laga-
safns 1945 og meðútgefandi að Lagasafni 1954,
ásamt próf. Olafi Lárussyni. Þá hefur hann annazt
útgáfu VIII. bindis Landsyfirréttardóma Sögufélags-
ins. Auk þess hafa birzt fjöhnargar ritgerðir eftir
próf. Ármann í innlendum og erlendum fræðiritum.
Þá hefur hann átt mikinn þátt i samningu lagafrum-
varpa.
Stúdentar telja sér og Háskóla íslands mikinn feng
í, að þessi ungi og mikilhæfi vísindamaður hefur val-
iz' lil forystu í Háskólanum.
Fyrir hönd allra stúdenta leyfir Stúdentablað sér
að árna hinum nýkjörna rektor heilla í starfi.
20
STÚDENTABLAÐ