Stúdentablaðið - 01.12.1969, Síða 11

Umrœður um menntamál
. . undirstöðumenntunin
er ekki nógu góð
og ekki nógu hagnýt.“
Um fátt hefur meir verið rcett og ritað að undanförnu en
málefni Háskóla Islands, ástand og horfur. Og svo sem sjá má,
er þetta Stúdentablað, 1. desember 1969, að verulegu leyti
helgað háskólamálum. Ritnefnd fékk nokkra valda menn til
umræðna á þessum vettvangi og telur þá tilhögun skoðana-
skipta bceði skemmtilega til tilbreytingar og gagnlega. Þeir,
sem rœða hér saman, eru þeir Magnús Már Lárusson, rektor
Háskóla Islands, prófessor Guðmundur Eggertsson, Magnús
Gunnarsson, stud. oecon, formaður S.F.H.Í., Allan Vagn
Magnússon, stud. jur., formaður Stúdentaráðs, Geir Vil-
hjálmsson, stud. med., Helgi Skúli Kjartansson, stud. phil. og
Þorsteinn Ingólfsson, stud. jur. Umrœðunum stjórnar Baldur
Guðlaugsson, stud. jur.
,, . . . þörf á meiri sérmenntun í atvinnulífinu."
B.G. í skýrslu Háskólanefndar segir, að tala
þeirra stúdenta, er stunda nám við Háskóla
íslands muni væntanlega verða um 2500 árið
1975 og talsvert á fjórða þúsund um eða upp úr
1980 eða þrisvar sinnum hærri en tala þeirra
stúdenta, sem nú stunda nám við Háskólann.
Segir síðan í skýrslu háskólanefndar, að aukin
aðsókn að háskólanámi muni væntanlega leiða
til þess, að fjöldi þeirra, er lokið hefðu háskóla-
prófi innan þess aldursflokks, ykist úr þremur
prósentum, eins og verið hefur að undanförnu,
í 10-15% kringum 1985. Heildarfjöldi háskóla-
menntaðra manna á starfsaldri hefði þá aukizt
úr 2600 árið 1968 í 7-8000 árið 1985 og meira
en tvöfaldast miðað við fólksfjölda og mann-
afla í landinu.
Ég vildi þá fyrst spyrja rektor að því, hvort
hann telji ekki, að sú staðreynd hljóti að breyta
eðli háskólamenntunar, að 10-15% hvers aldurs-
flokks hafi lokið háskólaprófi?
M.M.L. Það þarf alls ekki að vera. Það er
þegar búið í sumurn löndum að ná þessari tölu,
þessum 15%, t.d. hjá Svíum, og eðli háskóla-
menntunar í því landi hefur ekki breytzt vitund
við það. Hitt er það, að hér er þegar fyrir þó
nokkru byrjað á því vegna knýjandi þarfar
gagnfræðaskóla að framleiða kennara með B.A.
próf, en hins vegar skortir á í dag, að við getum
menntað kennara fyrir menntaskólana. Það
liggur í hlutarins eðli, að sé hlutfallstalan orðin
þetta mikil af árganginum, má ekki eingöngu
binda sig við þær greinar, sem fyrir eru. Þá
myndu t.d. lögfræðingar fara fram á lokun hjá
sér, svo að ég taki eina af gömlu deildunum.
Það er staðreynd, að það er þörf á meiri sér-
menntun á ýmsum sviðum í sjálfu atvinnulífinu,
en hins vegar höfum við þá sérstöðu, að flest
fyrirtæki okkar eru það smá, að þau hafa ekki
efni á að veita sér þann munað að fá hæfa starfs-
krafta. í dag er ástandið þannig, að við getum
tekið allt bókhald fyrirtækjanna í landinu, sett
það inn á tölvu og þyrftum ekki til þess nema á
að gizka þrjá sérfræðinga.
G.V, Við megum ekki gleyma þeim hluta
menntunarinnar, sem er hið almenna mennt-
unargildi. Menntafólk á að vera hæft til að
gegna hinum margvíslegustu störfum í þjóð-
félaginu, en ekki vera álitið eingöngu til þess
fallið að taka við einhverjum skýrt afmörkuð-
um störfum að prófi loknu.
M.M.L. Jú, þetta er alveg rétt, enda er það
t.d. svo í Engilsaxneska heiminum enn í dag, að
frekar almenn undirstaða undir háskólanám?
mynda þennan breiða menntunargrundvöll, og
síðar getur maðurinn sérhæft sig í hinum ýmsu
greinum. Læri maðurinn eina grein vel og skipu-
lega, þá getur hann einnig með þeim aðferðum,
sem hann hefur lært, glímt við hin ótrúlegustu
önnur viðfangsefni og meira að segja orðið
heimskapasítet á því sviði.
B.G. Teljið þér ekki, prófessor Guðmundur,
að það vanti nokkuð á, að þetta sjónarmið um
almenna menntun ríki hér?
G.E. Jú, ég held, að þetta komi sérstaklega
núna til greina, þegar verið er að fara af stað
með nýjar greinar, raungreinarnar. Það er
mikið vandamál, hvort fara á inn á braut sér-
hæfingar frá upphafi, eða hvort velja skuli þá
11
STÚDENTABLAÐ