Stúdentablaðið - 01.12.1969, Qupperneq 38

Frá
deildafélögunum
Frá Félagi
viðskiptafræði
nema
Starfsemi Félags viðskiptafræðinema
var með miklum blóma síðast liðið
starfsár. Stjórnina skipuðu: Agnar Frið-
riksson, formaður, Magnús Gunnarsson,
ritari, Sveinbjörn Óskarsson, gjaldkeri,
Ármann örn Ármannsson, formaður
AIESEC-nefndar, Brynjólfur Bjarnason,
formaður ritnefndar og Reynir Eiríksson,
NHS-ritari.
Sjaldan eða aldrei hafa menntamál
innan deildarinnar verið jafn ofarlega á
baugi og í síðustu stjórnartíð. í sumar
var gengizt fyrir fundi með stúdentum,
prófessorum og kandidötum um mál-
efni deildarinnar almennt. Slíkir fundir
eru deildinni til mikillar bóta og styrkja
samband prófessora við stúdenta enn
meir, en það hefur alla tíð verið mjög
gott.
Haustprófm voru við deildina í fyrsta
skipti í haust, og þó ekki hafi náðst ein-
róma samþykki prófessora var deildin
ein af þeim fyrstu til að tilkynna haust-
próf. Verður framhald á þeim.
Félag viðskiptafræðinema og Við-
skiptadeild Háskóla íslands stóðu að
ráðstefnu 27. og 28. september sl. um
efnið „Staða viðskiptafræðingsins í þjóð-
félaginu“. Var það samdóma álit allra,
sem ráðstefnuna sátu, að hún hafi verið
deildinni til mikillar prýði. Á ráðstefn-
unni kom meðal annars fram, að grund-
völlur er fyrir hendi að efla samskipti
stúdenta og kandidata fram, að grund-
völlur er fyrir hendi að efla samskipti
stúdenta og kandidata til mikilla muna,
og er það verðugt hlutverk stúdenta, að
svo verði.
Tveir kvöldfundir voru haldnir s.l.
vetur. Annar var með deildarforseta og
einum prófessor og var rætt um nám í
viðskiptadeild, húsnæðismál o.fl. Hinn
var haldinn að Hótel Sögu og fjallaði
um framhaldsnám í Danmörku og Banda-
ríkjunum. Einnig var hádegisverðarfund-
ur með Gylfa Þ. Gíslasyni. Allir þessir
fundir voru vel sóttir af stúdentum og
tókust vel.
Tveir vísindaleiðangrar voru farnir: í
öðrum voru þessi fyrirtæki skoðuð:
Hreinn, Nói og Síríus, IBM á íslandi og
Kassagerð Reykjavíkur, en í hinum ál-
bræðslan í Straumsvík og keyrt um
Suðurnes á eftir.
Samskipti við erlenda viðskipta- og
hagfræðistúdenta var með ágætum á s.l.
starfsári. Fyrir utan hin árlegu nemenda-
skipti AIESEC (en það eru alþjóðasam-
tök sem deildarfélagið er aðili að) í
sumar, komu hingað 19.-22. marz 15
viðskiptanemar ásamt prófessor frá
Verzlunarháskólanum í Bergen í Noregi.
Annaðist Félag viðskiptafræðinema á-
samt prófessorum dagskrá með hinum
erlendu gestum í Norræna húsinu.
Hingað komu einnig á árinu tveir af
forystumönnum erlendra stúdentasam-
taka. Kenneth Morse á vegum AIESEC
og Carl-Johan Lindgren formaður NHS-
samtakanna (norræn samtök).
Hin árlega Mágusarhátíð, en svo kall-
ast árshátíð deildarinnar, var haldin 28.
febrúar. Hófst hún með ræðu Péturs
Péturssonar, forstjóra, í 1. kennslustofu
Háskólans, og ræddi hann um útflutn-
ingsiðnað og eflingu hans. Að því loknu
var haldið upp að Álafossi, þar sem verk-
smiðjur voru skoðaðar og veitingar þegn-
ar í boði forstjórans. Um kvöldið hélt
svo hátíðin áfram í Þjóðleikhúskjallar-
anum með borðhaldi, skemmtiatriðum,
dansi og all-kröftugri víndrykkju. Þegar
hátíðinni lauk kl. 3 um nótt, voru sumir
búnir að fá nóg, en aðrir ekki og voru þá
diskótek bæjarins skoðuð gaumgæfilega.
Útgáfustarfsemi félagsins var með svip-
uðu móti og undanfarin ár. Gefið var út
eitt hefti Hagmála og tvö hefti af Mág-
usarfréttum. Þá gaf AIESEC út dreif-
bækling til kynningar starfi sínu, sem
dreift var til margra fyrirtækja.
Vinnumiðlun félagsins var starfrækt
í ár eins og undanfarin tvö ár. Með henni
var unnið gott verk, en æskilegt væri, að
starfsemi hennar væri aukin til muna.
í þessari grein hefur aðeins verið vikið
að því helzta, en félagslíf deildarinnar
hefur ávallt verið íjörugt ekki sízt vegna
almennrar þátttöku stúdenta, og er engin
ástæða til að ætla, að svo verði ekki í
framtíðinni.
í stjórn félags viðskiptafræðinema fyrir
næsta starfsár eru: Gísli Benediktsson,
formaður, Ingi Tómas Björnsson, ritari,
Jón Helgi Guðmundsson, gjaldkeri,
Snorri Pétursson, form. AIESEC-nefnd-
ar, Birgir Harðarson, form. ritnefndar
og Óli Hertervig, formaður NHS-nefnd-
ar.
Gísli Benediktsson
Frá Félagi
stúdenta í
heimspekideild
Starfsemi Félags stúdenta í heimspeki-
deild var með minnsta móti á síðastliðnu
starfsári. Félagið hefir varla slitið barns-
skónum ennþá og er enn að mótast.
Stjórnin hafði ekki það til brunns að bera,
sem með þurfti, og þegnarnir voru bág-
rækir. Þar við bætist, að félagið hefir
alla tíð átt örðugt uppdráttar, þrátt fyrir
góðan vilja a.m.k. sumra stjórna þess.
Hafa ýmsar leiðir verið reyndar til að
nálgast félagsmenn og til þess ætlazt, að
þeir kæmu sjálfir til móts við stjórn
félagsins hverju sinni. Raun ber þess þó
vitni, að árangur þessara málaleitana
hefir orðið næsta lítill. Stúdentum ætti
að vera það fullvel ljóst, að félagsskapur,
sem á að eiga allt undir stjórn sinni einni,
hlýtur að koðna niður fyrr en seinna.
Síðasta starfsár Félags stúdenta í heim-
spekideild er nærtækt dæmi þessa.
Fundir á síðastliðnu starfsári voru
fáir og auk þess mjög illa sóttir. Reynt
var að fá stúdenta til samstarfs við stjórn
félagsins með því að stofna til eins konar
fulltrúaráðs innan hverrar greinar, sem
til heimspekideildar. Árangur af þessari
viðleitni stjórnarinnar er ekki umtals-
verður. Félagið tók eftir mætti þátt í
sameiginlegri hagsmunabaráttu stúdenta
við Háskóla íslands og flestum „uppá-
tækjum“ S.H.l. og S.F.H.Í., er höfðuðu
til félagsins að einhverju leyti. Félagið
hafði lítil sem engin viðskipti við önnur
deildarfélög. Félagið treystist ekki til
blaðaútgáfu í neinni mynd, þar eð komið
var að prófum er fjárveiting fékkst til
þess arna.
Aðalfundur var haldinn 31. október
s.l. Var hann svo fámennur, að ekki
skulu neinar tölur nefndar. Aðalfundur
kaus nýja stjórn, og er hún þannig skipuð:
Formaður: Guðmundur Sæmundsson.
Meðstjórnendur: Ásgeir S. Björnsson,
Haukur Ingibergsson, Kristján Eiríksson
og Kristján Guðmundsson.
STÚDEISITABLAÐ
38