Fréttablaðið - 26.09.2009, Blaðsíða 2

2 26. september 2009 LAUGARDAGUR
LÖGREGLUMÁL Tollgæslan fann
á miðvikudag á þriðja þúsund
steratöflur í heildverslun sem
hefur sérhæft sig í sölu á fæðu-
bótarefnum. Efnin fundust á
einum starfsmanna verslunar-
innar. Talið er að þau hafi verið
ætluð til sölu.
Einnig fannst nokkuð af ólög-
legum lyfjum, fæðubótarefnum
sem innihalda ólögleg efni, auk
nokkur hundruð þúsund króna
í peningum. Í kjölfarið var leit-
að á heimili starfsmannsins og
þar fannst einnig nokkurt magn
af sams konar vörum. Málið var
unnið í samstarfi við lögregluna á
höfuðborgarsvæðinu, heilbrigðis-
eftirlitið og Matvælastofnun. - sh
Leit í verslun fyrir vöðvabúnt:
Yfir 2.000 stera-
töflur fundust
EFNAHAGSMÁL Ísland dettur niður um
sex sæti í árlegri könnun Alþjóða-
efnahagsráðsins, World Economic
Forum (WEF), á samkeppnishæfni
landa. Ísland er í 26. sæti af 133
ríkjum, en var í 20. sæti á síðasta
ári. Óstöðugleiki í efnahagslífinu er
helsti veikleiki Íslands.
Ástæður þess að Ísland hrap-
ar niður listann tengjast einkum
hruninu, að því er fram kom í erindi
Irene Mia, framkvæmdastjóra hjá
WEF, á fundi um samkeppnishæfni
og endurreisn sem Nýsköpunar-
miðstöð Íslands og Háskóli Íslands
stóðu fyrir í gær.
Þegar einstakir liðir eru skoðað-
ir sérstaklega er Ísland í 119. sæti
af 133 þegar litið er til stöðugleika
í efnahagslífinu, og 85. sæti þegar
metið er hversu þróaður fjármála-
markaðurinn hér á landi er.
Mia sagði ýmsa þætti þó geta
hjálpað Íslandi í að byggja upp
samkeppnishæfni landsins í kjöl-
far kreppunnar. Landið skori hátt
þegar heilbrigðiskerfið og mennta-
kerfið séu skoðuð, og starfsfólk hér
sé almennt vel þjálfað og vel mennt-
að.
Þrátt fyrir mikið áfall stendur
íslenskt atvinnulíf á sterkum stoð-
um, sagði Jóhanna Sigurðardóttir
forsætisráðherra á fundinum í gær.
Þar var kynnt sérstök áætlun ríkis-
stjórnarinnar byggð á starfi starfs-
hóps sem skoðaði sóknarfæri lands-
ins til ársins 2020. Stefnt er að því
að Ísland komist hóp tíu samkeppn-
ishæfustu landa heims. - bj
Ísland fellur niður í 26. sæti af 133 í mælingu WEF á samkeppnishæfni landa:
Óstöðugleiki Akkilesarhællinn
ÁFALL Íslenskt atvinnulíf stendur á
styrkum stoðum þrátt fyrir mikið áfall,
sagði Jóhanna Sigurðardóttir á fundi um
samkeppnishæfni í gær. FRÉTTABLAÐIÐ/GVA
Ragnar, fékk Fangavaktin
þungan dóm á Hrauninu?
„Já, mjög þungan en jákvæðan.
Það má segja að þetta hafi stytt
afplánunina hjá föngunum.“
Ragnar Bragason er leikstjóri Fanga-
vaktarinnar.
EFNAHAGSMÁL Stjórnvöld verða að
taka ráðin af Seðlabankanum og
setja ný lög um bankann ef stýri-
vextir verða ekki lækkaðir veru-
lega á næstu vikum. Þessa skoðun
setti Vilhjálmur Egilsson, fram-
kvæmdastjóri Samtaka atvinnu-
lífsins, fram á aðalfundi Samtaka
fiskvinnslustöðva. Ögmundur
Jónas son heilbrigðisráðherra setti
fram sömu skoðun í júní.
„Ég lít svo á að það sé hlut-
verk ríkisstjórnarinnar að sjá til
þess að Seðlabankinn taki þátt í
þessu samfélagi eins og aðrir,“
sagði Vilhjálmur og vitnaði í
takmark stöðugleikasáttmálans
um að stýrivextir yrðu lækkað-
ir niður í eins stafs tölu fyrir 1.
nóvember. Hann sagði að efna-
hagslegar forsendur til að halda
stýrivöxtum svo háum sem raun
ber vitni væru ekki til staðar. Ef
fyrirtæki sjá sér hag í því að fjár-
festa með lækkun vaxta og ef ráð-
ist er í boðaðar framkvæmdir er
Vilhjálmur þess fullviss að sam-
drætti, sem er spáð, verði snúið til
hagvaxtar sem muni nema tveim-
ur til fjórum prósentum á næsta
ári. „Ef það verður samdráttur á
næsta ári þá er hann í boði Seðla-
bankans,“ sagði Vilhjálmur. Hann
sagði óhætt að segja að ófullkom-
ið efnahagslíkan, sem búið væri
til í Seðlabankanum, myndi ráða
öllu í íslensku samfélagi.
Vilhjálmur tók svo djúpt í árinni
að segja að ef breyta þyrfti lögum
um bankann til að ná þjóðinni út
úr kreppunni þá ætti einfaldlega
að ganga í það verk.
Þessi skoðun hefur verið sett
fram áður. Ögmundur Jónasson
heilbrigðisráðherra útilokaði ekki
í viðtali við Fréttablaðið í byrjun
júní að lögum um Seðlabankann
yrði breytt. Það ætti við ef bank-
inn gengi gegn þjóðarhag og efað-
ist um að sjálfstæði bankans væri
skynsamlegt. „Ef bankinn rís
ekki undir því að axla samfélags-
lega ábyrgð sína, hvers vegna er
hann þá ekki færður aftur undir
lýðræðislegt ákvörðunarvald?“
spurði Ögmundur. Hann sagði
sjálfstæði Seðlabankans hluta af
peningahyggju liðinna áratuga og
sá tími væri á enda runninn.
Um hvort til stæði að breyta
lögum um bankann á kjörtímabil-
inu, sagði Ögmundur: „Allt hlýt-
ur að vera í stöðugri endurskoð-
un, lög um Seðlabankann líka.
Ef hann er farinn að ganga gegn
þjóðarhag, þá hljótum við að taka
hans starfsemi til endurskoðunar.
Það er sem betur fer ekki bannað
með lögum að breyta lögum.“
svavar@frettabladid.is
Ný Seðlabankalög ef
vextirnir lækka ekki
Vilhjálmur Egilsson segir að ef ekki verði hagvöxtur á Íslandi strax á næsta ári
verði það í boði Seðlabankans. Vaxtastefna bankans haldi samfélaginu í heljar-
greipum. Hann vill ný lög um bankann ef vextir lækka ekki fljótlega.
RÍKI Í RÍKINU Vilhjálmur Egilsson sagði á aðalfundi Samtaka fiskvinnslustöðva að
setja yrði ný lög um bankann ef þeir stæðu ekki við markmið um vaxtalækkanir.
FRÉTTABLAÐIÐ/HEIÐA
VILHJÁLMUR
EGILSSON
ÖGMUNDUR
JÓNASSON
SLYS Maður lést er jeppi valt á
Hlíðar vegi í Jökulsárhlíð í gær-
morgun. Slysið varð um klukkan
ellefu skammt norðan við bæinn
Sleðbrjót sem liggur undir Hlíðar-
fjöllum sem skilja að Héraðsflóa
og Vopnafjörð. Í tilkynningu frá
lögreglu segir að slysið hafi orðið
með þeim hætti að jeppabifreið á
norðurleið hafi oltið á veginum.
Tveir menn voru í bifreiðinni
og lést annar þeirra en hinn var
fluttur slasaður á Fjórðungs-
sjúkrahúsið í Neskaupstað. Rann-
sókn málsins er í höndum rann-
sóknardeildar lögreglunnar á
Eskifirði í náinni samvinnu við
lögregluna á Egilsstöðum.
Jeppi valt í Jökulsárhlíð:
Maður lést og
annar slasaðist
VIÐSKIPTI Magnús Jónsson, forstjóri
Atorku Group, lét af störfum í gær
í tengslum við fjárhagslega endur-
skipulagningu félagsins. Atorka
fékk greiðslustöðvun til þriggja
mánaða í júní og sótti í gær eftir
framlengingu til októberloka.
Meðal helstu eigna Atorku
Group eru Promens, áður Sæplast
á Dalvík, og 41 prósents hlutur í
Geysi Green Energy, sem á stóran
hlut í HS Orku.
Arnar Már Jóhannesson, for-
stöðumaður fjármálasviðs Atorku
Group, segir viðræður standa yfir
við kröfuhafa félagsins, sem eink-
um eru íslenskir viðskiptabankar
og lífeyrissjóðir. Þeir hafa kraf-
ist þess að taka félagið yfir. Ekki
stendur til að selja eignir, að sögn
Arnars Más. - jab
Forstjóri Atorku hættur:
Enn rætt við
kröfuhafana
MENNING Kanadíska kvikmyndin
Ég myrti móður mína (J´ai Tué
Ma Mère), frumraun leikstjórans
Xaviers Dolan, hlaut Gyllta lund-
ann á Alþjóðlegu kvikmyndahátíð-
inni í Reykjavík (RIFF) sem lauk
í gær.
Myndin, sem leikstjórinn bygg-
ir á eigin ævi, fjallar um samband
móður og samkynhneigðs sonar
hennar.
Í umsögn dómnefndar segir að
persónusköpun hafi verið afar
sannfærandi og leikstjóranum tek-
ist að setja samband mæðginanna í
stórt samhengi. Forvitnilegt verði
að fylgjast með ferli leikstjórans í
framtíðinni.
Formaður dómnefndar var
danska leikkonan Iben Hjejle, sem
þekktust er hér á landi fyrir hlut-
verk sín í sjónvarpþáttunum Klovn
og Anna Pihl. Auk hennar sátu í
nefndinni Elísabet Ronaldsdóttir
kvikmyndaklippari, Sitora Alieva
sem hefur meðal annars gegnt
stöðu framkvæmdastjóra Opnu
rússnesku kvikmyndahátíðar innar
Kinotavr, austurríski leikstjórinn
Jessica Hausner og leikkonan Elva
Ósk Ólafsdóttir.
Metaðsókn var á kvikmynda-
hátíðina í ár. - jab
Ég myrti móður mína hlaut Gyllta lundann á RIFF:
Djúpt samband mæðgina
STJÓRNMÁL Skúli Helgason, for-
maður iðnaðarnefndar Alþingis,
vill breyta lögum um fjárfestingu
útlendinga í orkugeiranum en sam-
kvæmt þeim mega aðeins aðilar
innan EES eiga í íslenskum orku-
fyrirtækjum.
Kanadíska fyrirtækið Magma
Energy fór auðveldlega í kringum
þau lög við kaup
á hlut í HS orku
nýverið með
stofnun eignar-
haldsfélags í
Svíþjóð.
Skúli segir í
grein á blogg-
síðu sinni að
reglur verði að
vera gagnsæjar
og skýrar og
mismuna ekki eftir þjóðerni.
Þessi skoðun Skúla á, eftir sem
áður, aðeins við um nýtingarrétt
á orkuauðlindunum; hann vill að
áfram verði tryggt að auðlindirnar
sjálfar verði í þjóðareigu. - bþs
Formaður iðnaðarnefndar:
Allir fái að fjár-
festa í orkunni
SKÚLI HELGASON
VERÐLAUNAMYND Mæðginin ræðast við
í Ég myrti móður mína.
LANDBÚNAÐUR Sala lambakjöts
hefur dregist mikið saman á síð-
astliðnu ári og er efnahagsástand-
inu kennt um. Salan er þúsund
tonnum minni en á sama tíma í
fyrra. Á fyrstu átta mánuðum
ársins seldust 3.155 tonn en sömu
mánuði í fyrra seldust 4.164 tonn.
Eins og blaðið sagði frá nýlega
stefnir í að um þriðjungur af
haustframleiðslu lambakjöts verði
fluttur úr landi. Helstu markaðir
eru í Bretlandi, Noregi, Færeyjum,
á Spáni og í Bandaríkjunum. - shá
Neysla breytist í kreppu:
Sala lambakjöts
dregst saman
LAMBAKJÖT Landinn kaupir síður
lambakjöt þegar harðnar á dalnum.
NEYTENDUR „Ég gat ekki betur
heyrt en Jón Bjarnason væri að
hvetja til brota á samkeppnis-
lögum,“ segir Jóhannes Gunnars-
son, formaður Neytendasamtak-
anna. „Það að ráðherra geri slíkt
er fáránlegt.“
Jóhannes gagnrýnir að land-
búnaðar- og sjávarútvegsráðherra
hafi í Kastljósi fyrr í vikunni hvatt
til að bændur og afurðastöðvar
gætu rætt saman í ró og næði
um vöruverð og önnur sameigin-
leg mál sín. Jóhannes segir nor-
ræn samkeppnisyfirvöld telja að
aukin samkeppni sé besta leiðin til
að stytta kreppuna. Ráðherrann
virðist hins vegar vilja draga úr
samkeppni og tala fyrir aukinni
einokun landbúnaðar á kostnað
neytenda. - pg
Neytendasamtökin:
Ráðherra hvatti
til brota á sam-
keppnislögum
SPURNING DAGSINS