Fálkinn - 11.09.1963, Side 31

Terese þurrkaði tárvott, öskugrátt
andlit sitt með allt of litlum vasaklút.
— Guð fyrirgefi mér, kjökraði hún.
— Frúin hefur gert svo ósegjanlega
mikið fyrir mig, ég elskaði hana, og
ég gerði það sem ég gat, til að bjarga
lífi hennar. Olga var ekki ættleidd,
hún var skilgetið afkvæmi hennar
sjálfrar. Fyrir fimm árum giftist frúin
bróður mínum. Hann var leikari og
hét Paul Lavier. Hjónabandið var mér
mjög á móti skapi, því að ég vissi, að
bróðir minn var eiturlyfjaneytandi og
alveg ábyrgðarlaus maður. Þau eignuð-
ust barnið, en annars var hjónabandið
óhamingjusamt. Frúin fékk skilnað,
þegar Olga var eins árs, og hún fékk
viðurkennt foreldravaldið. Paul hélt
áfram að gera fráskildri konu sinni
miska, og nótt eina brauzt hann inn og
hótaði að kyrkja hana. Rétturinn kvað
upp þann dóm, að hann væri geðveikur,
og hann var tekinn í gæzlu.
Terese fó andlitið í höndum sér og
sat lengi þegjandi. Það var næstum
eins og hún vonaði að sleppa við að
segja meira, en að lokum tók hún rögg
á sig og hélt áfram, án þess að líta á
lögr eglumennina:
— Daginn áður en það átti að vera
frumsýning á „SvanavatninU", var
hringt til mín .. það var bróðir minn.
Hann kvaðst verða að tala við mig við
fyrsta tækifæri um dálítið — lífs-
nauðsynlegt. Ég varð alveg utan við
mig og þorði ekki annað en fara til
hans. Hann bjó á matsöluhúsinu í
Searle Street 16, sem er rétt hjá British
Museum. Hann leit næstum óhuganlega
út og talaði eins og vitfirringur. Hann
sagðist vilja sjá dóttur sína. Ég sagði
honum þá, að Olga væri látin fyrir ári
síðan. Hann tók æðiskast. Hann bölsót-
aðist og hafði í frammi hræðilegustu
ásakanir og ógnanir. Það var sök frúar-
innar, að Olga var dáin, hvæsti hann.
Hún hefði myrt barnið hans, og nú
ætlaði hann að myrða hana fyrir vik-
ið . . . Ég reyndi að tala um fyrir honum,
en það var gersamalega vonlaust. Að
lokum gafst ég upp og fór leiðar minn-
ar.
— Hvers vegna sögðuð þér ekki frú
Lisjinski, að bróðir yðar hefði verið
látinn laus af geðveikrahælinu, og að
þér hefðuð talað við hann? spui’ði Mac-
Lean.
— Taugar hennar hefðu ekki þolað
það ... ekki rétt fyrir frumsýninguna
í Lundúnum. Bæði hún og blöðin og á-
horfendurnir væntu mikils af henni.
Fengi hún að vita, að Paul léki lausum
hala og í Lundúnum . . hefði það eyði-
lagt sýningu hennar. Það hefði getað
orðið sneypuför. Og sneypuför hefur
frúin aldrei farið.
— Þér hugsuðuð ekki út í það, að
nafnlaust bréf hefði líka getað slegið
hana út af laginu?
— Ég vissi, að það hefði ekki nærri
eins mikil áhrif... ekki á sama hátt.
Frúin var hugrökk, en eins og allir
miklir listamenn, hafði hún skapsmuni.
Það versta, sem hefði getað komið fyrir,
Framhald á næstu síðu.
Anthony
Perkins
leikur
með
Brigitte
Bardot
Anthony Perkins — vin-
ir hans kalla hann alltaf
Tony — hefur á seinni
árum alltaf leikið í mynd-
um sínum í Evrópu og
það lítur út fyrir, að hann
muni halda því áfram.
Nýjasta stórfréttin um
hann fjallar um það, að
hann muni leika á móti
sjálfri Brigitte Bardot í
næstu mynd sinni, en hún
heitir „Hið töfrandi fífl.“
Enska verður töluð í
myndinni, en það á að
taka hana í París og
Brigitte á sem sagt í
fyrsta sinn að tala annað
mál en sitt eigið móður-
mál. Hún er vön að segja,
að hún geti ekki talað
ensku, en vinir hennar
halda því fram, að hún
skilji málið að minnsta
kosti ágætlega.
Broadway-blaðamaður-
inn Earl Wilson var ný-
lega í París og talaði við
Anthony Perkins. Hér á
eftir fer samtal þeirra:
— Eruð það þér, sem
eruð hið töfrandi fífl?
— Nei, nei, hvernig
dettur yður það í hug? Ég
er ef til vill fífl en sú
sem er töfrandi er auðvit-
að B. B.
— Kemur ungfrú Bar-
dot fram nakin í mynd-
inni?
— Við skulum reikna
með því. Það væri synd,
ef hún gerði það ekki.
— Þá sýnið þér yður
auðvitað sveipaðan bað-
handklæði?
Framh. á bls. 38.
Anthony Perkins hefur getið sér frægð fyrir leik
sinn í evrópskum myndum eða bandarískum mynd-
um teknum í Evrópu. Af myndum hans má nefna
„PSYCHO“, sem sýnd var í Háskólabíói og „Phae-
dra,“ sem sýnd verður í Tónabíói. Nú mun hann
í fyrsta skipti leika með Brigitte Bardot og í þeirri
mynd leikur jafnframt Ingrid Bergman.
FALKINN
31