Fálkinn - 16.10.1963, Blaðsíða 4
Með Jerry Lewis
Það er rétt hjá ykkur
hann heitir Jerry Lewis og
það er sagt langt í frá að
vinsældir hans fari minnk-
andi. Hér sjáum við hann í
þremur gervum og svo er
alvörumynd af honum í
horninu til vinstri.
Það var einhver að segja okkur um daginn, að þeim fjölgaði stöðugt
á landi hér sem segðu skilið við sígaretturnar og tækju sér pípu í munn.
Ekki vitum við sönnur á þessu, en birtum mynd, öllum nýliðum í pípu-
reykingum til viðvörunar, og raunar hinum Iengra komnu líka ef þeir
ekki vissu. Menn eiga sem sagt að muna eftir að skafa innan úr pípu-
kónginum og passa að hann verði ekki of þykkur því annars getur farið
cins og myndin sýnir.
Fats Domino
Þessi á myndinni heitir Fats
Domino og hefur stundum látið
til sín heyra í óskalagaþáttum Ut-
varpsins því hann á marga aðdá-
endur hér. Það fylgir þessari
mynd, þaðan sem við tókum hana,
að Fats væri við góða heilsu og
hefði verið að spila inn á nýja
plötu, en ekki var tekið fram hvað
lögin hefðu heitið. Væntanlega
ciga þau eftir að heyrast hér.
Ella Fitzgerald
í vor sem Ieið var mikið
um það rætt að Ella Fitzger-
ald væri væntanleg hingað
á þessu sumri og báru
margir mikla tilhlökkun í
brjósti vegna þeirrar heim-
sóknar. Ekki vitum við hvað
líður heimsókninni en gaman
væri að fá að sjá hana á
sviði hér í Reykjavík. Og
með þeirri ósk birtum við
þessa mynd af Ellu sem
við rákumst á í erlcndu blaði
fyrir skömmu. Og tilefnið:
Þeir voru að tala um hvað
hún héldi sér vel gamla
konan.
4 fXlkinn