Fálkinn - 16.11.1964, Page 11

ETTA HELZT
framfæri, er fréttastofa Ríkisútvarpsins. Okkur datt því í
hug, að lesendum Fálkans gæti þótt fróðlegt að kynnast þeirri
stofnun ögn nánar en gegnum útvarpstæki sín og hvernig unnið
er að öflun frétta. Þessi grein hefur ekki að geyma neinar
tæmandi upplýsingar um starfsemi ofangreindrar stofnunnar,
en gefur kannski lesendum nokkra hugmynd um starfsemi
hennar.
Miðvikudaginn 21. október s.l. vorum við mættir árla
morguns á fréttastofunni. Axel Thorsteinsson var að ganga
frá þeim fréttum, sem lesa átti klukkan hálfníu. Axel hefur
séð um morgunfréttirnar í mörg ár. Hann fer á fætur klukkan
sex og hlustar á fréttir frá London og skrifar síðan þær fréttir,
sem lesnar eru klukkan hálfátta, en þær eru eingöngu erlendar.
Hann er kominn á fréttastofuna rúmlega sjö og fer þá að
vinna að þeim fréttum, sem lesnar eru klukkutíma síðar.
Þær fréttir eru bæði innlendar og erlendar.
Það fyrsta, sem gert er, er að líta á það, sem fjarritararnir
hafa flutt af fréttum yfir nóttina. Síðan þarf að hringja í
nokkra innlenda aðila svo sem Veðurstofuna, hafa fréttir af
aflabrögðum og þess háttar. Stundum les Axel fréttirnar sjálf-
ur, einkum á sunnudögum. Hann segist gera það til þess að
láta vini og vandamenn úti um landið vita af sér. Klukkan
hálfníu heldur Axel svo af fréttastofunni og tekur til starfa
við Vísi.
Við urðum Axel samferða út, því næsta hálftímann er
Stœrsti aðili í fréttaflutningi hérlendis er
Fréttastofa Ríkisútvarpsins og sá fréttaflytj-
andi sem nœr til flestra einstaklinga.
í greinarkorni því sem fer hér á eftir segir
lítiflega frá störfum á Fréttastofunni.
enginn á fréttastofunni. Fyrstu fréttamennirnir koma klukkan
níu. Þá koma tveir. Annar til að sinna innlendum fréttum og
hinn erlendum. Á fréttastofunni vinna átta fréttamenn fyrir
utan fréttastjóra og þann, sem sér um þingfréttir. Jón Magnús-
son hefur verið fréttastjóri síðan 1941. Fréttamennirnir eru:
Margrét Indriðadóttir, Margrét Jónsdóttir, Thorolf Smith, séra
Emil Björnsson, Hendrik Ottósson, Stefán Jónsson, Sigurður
Sigurðsson og Ingólfur Kristjánsson, sem sér um þingfréttir.
Og hvernig er svo frétta aflað? Það er með ýmsu móti.
Á fréttastofunni eru tveir fjarritarar í sambandi við erlendar
fréttastofur. Annar við NTB og hinn við AP. Þá er hlustað á
Sigurður Sigurðsson, fréttamaður. Stefán Jónsson, fréttamaður.
Thorolf Smith, fréttamaður. H
FALKINN