Tímarit iðnaðarmanna - 01.12.1971, Blaðsíða 6

„MEGiNHLUTVERKHúsnæðismálastofnunar ríkisins má
segja að sé tvíþætt", sagði Sigurður E. Guðmundsson,
frkvstj. stofnunarinnar, í viðtali við Tímarit iðnaðarmanna
fyrir nokkru. „Annars vegar að veita lán til íbúðabygg-
inga og til kaupa á eldri íbúðum og hins vegar að vinna
að framförum í húsnæðismálum almennt."
- Ef við tökum þá lánastarfsemina fyrstf
-Já, húsnæðismálastjórn er stjórn Byggingarsjóðs ríkis-
ins og Byggingarsjóðs verkamanna. Þessir tveir sjóðir, sexn
eru reknir aðskildir, standa að verulegum hluta undir
íbúðabyggingum á þéttbýlissvæðum í landinu.
Velta Byggingasjóðs ríkisins er alveg upp undir 900
milljónir króna á ári, en Byggingasjóður verkamanna var
nýlega endurreistur og er ekki farið að veita lán úr honum
á nýjum grundvelli. Báðum sjóðunum er ætlað að standa
undir fjármögnun verkamannabústaðakerfisins í landinu,
sem nú er sem óðast að taka við sér aftur. Áætla má að
Byggingasjóður verkamanna láni 25-30% af byggingar-
kostnaði hvers bústaðar, kaupandinn greiði um 20% og
Byggingasjóður ríkisins láni um 50%. Ég vil þó taka
fram, að hér er aðeins um lauslega áætlun að ræða.
- Hvað lánar Byggingasjóður ríkisins mikið?
- Á árunum 1971-1972 verða hæstu lánin 600 þús-
und krónur, á hverja íbúð, sem hafin er smíði á þau árin.
Þó má lánið ekki nema meiru en % hlutum verðmætis
íbúðar samkvæmt mati sérstakra trúnaðarmanna veðdeild-
ar Landsbankans. Og svo þarf íbúðin auðvitað að standa
undir láninu.
- Og skiptir stærðin einhverju máli?
- Jú. Hún skiptir verulegu máli, þar sem ákveðnar
reglur gilda um, hvernig fjölskyldustærð og íbúðarstærð
eiga að stemma saman. Hámarksstærð er 150 fermetrar
netto fyrir stærstu fjölskyldurnar (9 manna og stærri).
- Hvað með lán til kaupa á eldri íbúðum?
- Við erum nýbyrjaðir að veita slík lán og höfum til
þess 50 milljónir króna árlegan kvóta úr Byggingasjóði
ríkisins. Um þessi lán gilda nánast alveg sömu reglur um
Húsnæðismála -
stofnun ríkisins
Viðtal við Sigurð Guðmundsson
framkvæmdastjóra
íbúðastærð og annað þess háttar og um lán til kaupa eða
smíði nýrra íbúða.
- Vísitölutrygging íbúðarlána er mörgum þyrnir í aug-
um.
- Því er ekki að neita, undanfarið a. m. k. Þau eru til
26 ára, vextir af þeim eru 414% og svo kemur hálf vísi-
tölutrygging ofan á sérhverja ársgreiðslu - ekki höfuð-
stólinn. Á síðasta ári var reiknað út, að þetta svaraði ekki
til meira en rúmlega 8% meðalvaxta á lánum. Ef þessi
hálfa vísitölutrygging félli niður, má búast við að vext-
irnir yrðu hækkaðir á móti, til samræmis við bankavexti
til dæmis. Þá væri óséð hver vinningur hefði orðið.
- Hvaða tekjur hefur Byggingasjóður ríkisins?
- Tekjur sjóðsins eru aðillega launaskatturinn og af-
borganir af eldri lánum, árlegt framlag ríkissjóðs, bygg-
ingarsjóðsgjald, skuldabréfakaup Atvinnujöfnunarsjóðs
og skyldusparnaðarfé. Ég vil bæta því við, að ég tel nauð-
synlegt, að sjóðurinn fái fleiri og/eða öflugri tekjustofna.
- Hverja til dæmis?
- Ég tel eðlilegt, að lífeyrissjóðakerfið taki sem bein-
astan þátt í fjármögnun íbúðabygginga með skuldabréfa-
kaupum af Byggingasjóði ríkisins.
- Hvað með ríkið?
- Já. Ríkið gæti eflt sjóðinn, til dæmis með því að
hækka launaskattinn.
- Fer ekki hluti hans í aðra átt núna?
- Jú, það er rétt. Launaskatturinn hefur verið 1% frá
1965 og runnið allur til Byggingasjóðs, en með lögunum
um verðstöðvun sl. haust var tekið hálft annað prósent
til viðbótar til að anna niðurgreiðslunum. Ég tel hins veg-
ar rétt, að þegar verðstöðvun lýkur, verði þessu IV2 við-
bótarprósenti kippt inn í Byggingarsjóð ríkisins.
- Svo er nú skyldusparnaðurinn.
- Alveg rétt. Ekki má gleyma honum. Nú á unga
fólkið í landinu 35—40 þúsund reikninga inni með um
hálfum milljarð króna. Hann hefur því mikla þýðingu
fyrir Byggingasjóð.
42
TÍMARIT IÐNAÐARMANNA