Tímarit iðnaðarmanna - 01.12.1971, Side 24

stigakerfi, t. d. þannig, að eitt námsstig samsvari fullri
námsvinnu nemanda í eina viku. Innan samræmds fram-
haldsskóla verði mikið valfrelsi námsgreina, og með því
að velja tilteknar einingasamstæður geti nemendur öðl-
azt rétt til háskólanáms í ýmsum greinum, eða aflað sér
t. d. iðnaðarmannsréttinda. Aformað er, að allir nemendur
fái einhverja verklega þjálfun í slíkum skóla, sumir stutta,
aðrir langa, eftir vali. Þá er gert ráð fyrir sérhæfðu við-
bótarnámi í samræmdum framhaldsskóla, sambærilegu
við t. d. tæknadeildir Tækniskólans nú, og yrði þetta við-
bótarnám sérhæfður starfsundirbúningur. Loks er áætlað,
að þeir skólar á framhaldsskólastigi, sem fyrir eru í land-
inu, muni flestallir falla inn í hinn samræmda framhalds-
skóla, þ. á m. iðnskólar og menntaskólar. Munu þeir
þó yfirleitt halda áfram störfum hver á sínum stað, en
taka þátt í þeirri samvinnu og verkaskiptingu, sem eru
grundvöllur samræmds framhaldsskóla.
Þess skal getið, að sá almenni verknámsskóli, sem kem-
ur fram í millilausn nefndarinnar, er áfangi að og verður
síðar hluti af samræmdum framhaldsskóla.
Tillögur nefndarinnar um áfangana að hinu setta
marki, samræmdum framhaldsskóla, koma fram á yfir-
litsmyndum um skammtímalausn, millilausn og lang-
dræga lausn, en einnig í nánari greinargerð um þróun
hinna ýmsu menntabrauta núverandi skólakerfis, sem
nefndin hefur um fjallað. í meginatriðum verða tillög-
ur nefndarinnar tilgreindar í samþjöppuðu formi hér á
eftir.
II. MEGINTILLÖGUR NEFNDARINNAR UM
SKIPAN VERK- OG TÆKNIMENNTUNAR
Stefnt skal að því að koma í áföngum á samrœmdum
framhaldsskóla og tækniháskóla. Viðvíkjandi einstökum
60
skólum eða námsbrautum núverandi skólakerfis verði í
aðalatriðum um eftirfarandi þróun að ræða.
1. Iðnfrœðsla.
1.1. Almennt. Iðnnám með verkskólasniði, þar sem
bæði bókleg og verkleg menntun er veitt af iðnskólunum
sjálfum, leysi iðnnám með meistarafræðslusniði af hólmi
samkvæmt sérstakri framkvæmdaáætlun, er verði að
mestu komin til framkvæmda árið 1976.
Iðnnám með verkskólasniði verði að heildarnámstíma
u. þ. b. ári styttra en fjögurra ára iðnnám með meistara-
fræðslusniði, og verði námstíminn skipulagður sem 9
mánuðir á ári í skóla, þar sem bóknám og verkleg þjálf-
un verði u. þ. b. jafnvæg, að viðbættum a. m. k. tveim
mánuðum árlega, sem verði varið til starfs og reynslu
í atvinnulífinu í viðeigandi iðngrein. Heildarnámstími
til sveinsprófs samkvæmt hinu nýja kerfi verði því að
jafnaði um 33 mánuðir, þ. e. þrír 11 mánaða áfangar,
sem skiptast þannig: u. þ. b. 4Vi mánuður bóknám -j- u.
þ. b. 41/2 mánuður verkleg þjálfun í skóla -j- a. m. k. 2
mánuðir starfsreynsla á vinnustað. Námstími einstakra
iðngreina verði ákvarðaður nánar, þegar námsskrá hefur
verið fullgerð samkvæmt hinu nýja kerfi.
Inntökuskilyrði í iðnnám verði þau, að fram til ársins
1976 u. þ. b. verði krafizt miðskólaprófs með a) aðal-
einkunn 5 hið minnsta og b) einkunninni 4 í hverri eftir-
talinna greina: íslenzku, dönsku, ensku og stærðfræði.
Heimilt verði í undantekningartilvikum að veita nem-
anda undanþágu frá þessu síðara ákvæði, ef hann nær 4
í þremur þessara greina og lægsta greinin telst ekki
grundvallarnámsgrein fyrir þá iðngrein, er hann hyggst
nema.
Frá og með 1976 verði krafizt gagnfræðaprófs eða
grunnskólaprófs af umsækjendum.
Til að öðlast meistararéttindi í iðngrein sinni skulu
iðnsveinar stunda eins árs framhaldsnám við meistara-
skóla og afla sér a. m. k. árs starfsreynslu í iðninni eftir
sveinspróf.
Loks leggur nefndin til, að iðnskólar verði með nýrri
lagasetningu gerðir að hreinum ríkisskólum, eins og ná-
lega allir aðrir tæknilegir yrkisskólar á íslandi eru nú
þegar orðnir.
1.2. Hótel- og veitingaskóli. Nefndin leggur til, að
hótel- og veitingaskóli verði ríkisiðnskóli með verk-
skólasniði, sbr. lið 1.1. Nýsett lög um skólann heimila
fyllilega slíka kennslutilhögun að því tilskildu, að skól-
inn fái viðhlítandi aðstöðu til að láta sjálfur í té alla
verklega þjálfun.
1.3. Matvœlatœkni, þ.á m. fiskvinnsluskóli. Nefndin
lauk í febrúarmánuði 1971 við samningu lagafrumvarps
um fiskvinnsluskóla ríkisins, og var frumvarpið samþykkt
með fáeinum breytingum sem lög frá Alþingi hinn 2.
apríl s. 1. Vísast um mál þetta til umræddra laga, en þau
eru birt sem fylgiskjal 1 með þessu nefndaráliti.
TÍMARIT IÐNABAEMANNA