Tímarit iðnaðarmanna - 01.12.1971, Page 27

6.a. Tœkniháskóli.
Nefndin leggur til, að nú þegar á árinu 1971 verði
tekin ákvörðun um að stofna tækniháskóla, er hefji starf-
semi sína eigi síðar en haustið 1973. Verði tæknihá-
skólinn tiltölulega sjálfstæð stofnun innan vébanda Há-
skóla íslands, með sérstaka fjárveitingu og eigin stjórn
skipaða kennurum, stúdentum og fulltrúum frá atvinnu-
lífinu. Ur tækniháskóla verði útskrifaðir tæknifræðingar
að loknu þriggja ára námi, en verkfræðlngar og tækni-
hagfræðingar að loknu fjögurra til fimm ára námi (merkt
sem 4Vi ár á yfirlitsmynd). Þetta krefst þess, að megin-
áherzlan verði lögð á hina tæknifræðilegu sérmenntun
og sérþjálfun fyrstu 3 árin, og verði tæknifræðings-
námið jafnframt fyrra hluta nám fyrir verkfræðinga og
tæknihagfræðinga. í einstökum greinum, sem miða að
rannsóknarverkfræðingsstörfum, t. d. efnafræði, verði þó
heimilt að hafa fyrstu 3 námsárin með minna tækni-
fræðisniði, enda veiti próf að loknu 3. ári þá eigi tækni-
fræðingstitil. Með þessum hætti mundi sameinast í tækni-
háskóla tæknifræðimenntun, sem nú er veitt í Tækni-
skóla íslands, og verkfræðimenntun verkfræði- og raun-
vísindadeildar Háskóla íslands, auk þess sem bætt yrði
við námi í tæknihagfræði.
Inntökuskilyrði í tækniháskóla verði sem hér segir:
a) tæknistúdentspróf frá raungreinadeild tækniskóla, að
loknu sveinsprófi, símvirkjaprófi eða vélstjóraprófi
2. stigs eða að lokinni annarri sambærilegri und;rbún-
ingsmenntun, eða
b) stúdentspróf stærðfræðideildar að viðbættri 1) a. m.
k. 6 mánaða verkskólun, sem afla mætti í sumarleyf-
um og lyki með verklegu prófi, eða 2) a. m. k. 12 mán-
aða verkskólun og starfsreynslu, sem einnig lyki með
prófi, og skulu þá verkskólunannánuðir teljast tvö-
faldir mánuðir í samanburði við venjulega starfs-
reynslumánuði.
í þeim tæknifræði-/verkfræðigreinum, þar sem það á
við, verði auk þess krafizt allt að þriggja mánaða verk-
skólunar eða starfsreynslu, sem afla mætti í sumar-
leyfum frá tæknifræðináminu.
6.b. T'ceknaskóli.
Nefndin leggur til, að árið 1973 verði stofnaður
Tœknaskóli íslands, og taki hann við því hlutverki Tækni-
skóla íslands, sem þá flyzt ekki inn í tækniháskóla, auk
þess sem skólinn mundi bæta við nýjum deildum.
Verði tækniháskóli stofnaður, mun hann taka að sér
alla tæknifræðimenntun í landinu. Verður þá hlutverk
tæknaskólans fyrst og fremst það að mennta iðntækna,
en nefndin telur mikilvægt að tryggja, að menntun tengi-
liðar milli iðnaðarmanns annars vegar og tæknifræðings
eða verkfræðings hins vegar verði veitt innanlands, og
hefur því lagt til, að tceknaskóli leysi Tækniskóla íslands
af hólmi árið 1973, sbr. ofanritað. Jafnframt munu undir-
búningsdeild og raungreinadeild halda áfram tilvist sinni
við tækniskólann til þess að búa nemendur undir tækni-
fræðinám, en skv. framkvæmdaáætlun mun undirbún-
ingsdeildin þó hverfa frá skólanum árið 1981 í síðasta
lagi, eftir að námsefni hennar hefur færzt inn í iðnskóla.
Frá og með 1973 leggur nefndin til, að verkleg inn-
tökuskilyrði í tæknaskóla verði viðeigandi sveinspróf, sím-
virkjapróf eða vélstjórapróf 2. stigs ellegar önnur sam-
bærileg menntun.
í Tæknaskólanum verði eftirtaldar deildir:
a) iðntœknadeildir (raf-, rafeinda-, vél-, bygginga- og
rekstrartæknadeild, og e. t. v. fleiri sérdeildir): tveggja
ára sérnám fyrir iðnsveina (og símvirkja), og verði
námið undirbúningur undir framleiðslu- og verk-
stjórnarstörf;
b) rannsóknartceknadeildir (meina- og efnatæknadeild og
e. t. v. fleiri sérdeildir): eins árs sérnám að viðbættri
eins árs verklegri þjálfun fyrir stúdenta eða nemend-
ur með sambærilegan viðeigandi undirbúning, og búi
námið nemendur undir aðstoðarstörf á rannsóknastof-
um;
c) undirbúnmgsdeild (til 1981 eða skemur) og raun-
greinadeild, hvor um sig eitt ár, er veita nemendum
bóklegan undirbúning að tæknifræðinámi, og útskrifi
raungreinadeildin tceknistúdenta.
Þess þarf vandlega að gæta, að samráð verði haft um
setningu námsskrár og skipulagningu náms í iðntækna-
deildum tæknaskóla annars vegar og meistaradeildum iðn-
skóla hins vegar, og verði þá keppt að skynsamlegri sam-
vinnu og verkaskiptingu.
8. Garbyrkjunám.
Garðyrkjunám verði þriggja ára nám í 1) gróðurhúsa-
garðyrkju eða 2) skrúðgarðyrkju, sem er löggilt iðngrein,
og skiptist námið í bóknám, verklega þjálfun í skóla og
starfsreynslu.
Inntökuskilyrði í 1. bekk skólans verði miðskólapróf,
en í 2. bekk skólans búfræðipróf, sveinspróf eða eins
árs nám á matvælakjörsviði í framhaldsdeild gagnfræða-
skóla, þegar stofnað verður til slíkrar námsbrautar.
Óski nemendur, sem lokið hafa námi í garðyrkjuskóla,
að öðlast rétt til að stunda líffræðinám við Háskóla ís-
lands, telur nefndin sanngjarnt, að þeim verði gefinn
kostur á allt að 12 mánaða undirbúningsnámi í almenn-
um greinum, og öðlist þeir rétt til að hefja háskólanám
í a. m. k. líffræðigreinum, ef þeir standast kröfur þess
undirbúningsnáms.
Frá og með árinu 1976 er gert ráð fyrir því, að starf-
rækslu 1. bekkjar verði hætt við garðyrkjuskóla, en í hans
stað komi viðeigandi undirbúningsnám annars staðar,
sérstaklega nám hliðstætt matvælakjörsviði í framhalds-
deild gagnfræðaskóla. Jafnframt verði bætt við eins árs
framhaldsmenntun við skólann (garðyrkjutæknadeild), og
verði stefnt að því m. a. að slík deild henti vel sem undir-
búningur frekara tæknanáms í garðyrkju erlendis. Frá
og með 1982 (langdræg lausn) verði stefnt að því, að
almennt garðyrkjunám verði tveggja ára nám að loknum
TÍMARIT IÐNAÐARMANNA
63