Tímarit iðnaðarmanna - 01.12.1971, Side 37

verklega hluta kennslunnar af iðnmeisturum í þeim grein-
um, þar sem því verður við komið. Jafnframt er gert ráð
fyrir því, að nemendur fái nokkra starfsþjálfun og reynslu
í atvinnulífinu og þá í viðeigandi iðngrein milli náms-
áfanga í skóla og að skólanámi loknu, áður en sveins-
próf er þreytt.
Inntökuskilyrði í iðnskóla verði þau, að umsækjandi
hafi lokið grunnskóla með fullnægjandi árangri. Á með-
an 9 ára grunnskóla hefur ekki verið komið á, skal nem-
andi hafa lokið miðskólaprófi með aðaleinkunn 5 hið
minnsta og a. m. k. 4 í íslenzku, dönsku, ensku og stærð-
fræði. Þó verði heimilt í undantekningartilvikum að
veita undanþágu frá þessu lágmarki í einni grein.
Iðnám í skóla miðist við þriggja ára verklegt og bók-
legt nám, og skal varið u. þ. b. jafnmiklum tíma til
hvors hluta. Kennsla getur verið sameiginleg fyrir tvær
eða fleiri samstæðar iðngreinar á fyrstu námsstigum, en
greinist síðar í sérgreinar og sérnám, eftir því sem þörfin
fyrir sérhæfingu eykst og fyrir verður mælt í námsskrám.
Tveggja ára iðnnám í skóla kemur til greina, þar sem
settum menntunarkröfum má fullnægja á þeim tíma,
eftir að grunnskóla hefur verið komið á. (Til athugunar
í því sambandi hárskurður o. fl.).
Gert er ráð fyrir, að námsskrár verði samdar eftir þörf-
um iðngreinanna, hverrar fyrir sig, í nánu samráði við
fulltrúa þeirra. Verði þar ákvæði um innihald bæði bók-
legs og verklegs náms í skóla, svo og verklegs náms hjá
iðnmeistara, þar sem það á við; einnig ákvæði um kröfur
til sveinsprófs. Jafnframt mætti kveða nánar á um verk-
lega þjálfun milli námsáfanga í skóla, ef fulltrúum iðn-
greina þætti ástæða til.
Skólanámið er áætlað 9 mánuðir árlega að viðbættum
a. m. k. tveim mánuðum á ári, sem varið yrði til starfs
og reynslu í atvinnulífinu í viðeigandi iðngrein.
Að loknu þriggja ára iðnnámi í skóla og um leið a. m.
k. 6 mánaða starfsreynslu í iðninni skal nemandi þreyta
sveinspróf á vegum skólans, og telst nemandinn að því
loknu fullgildur verkmaður í iðngreininni, þ. e. iðn-
sveinn.
Iðnsveinn á kost á framhaldsnámi í tæknaskóla eftir
nánari reglum, sem um það munu verða settar, eftir því
hvaða iðngrein um er að ræða og hvers konar tækninám.
Sá, sem lokið hefur sveinsprófi í iðngrein, skal stunda
eins árs framhaldsnám við meistaraskóla og öðlast a. m. k.
eins árs starfsreynslu í iðninni eftir sveinspróf, áður en
hann öðlast meistararéttindi og þar með rétt til að
standa fyrir atvinnurekstri í greininni. Ákveðið verði um
gildistöku þessa ákvæðis af stjórnvöldum, sérstaklega fyrir
hverja iðngrein, að höfðu samráði við félagssamtök iðn-
greinarinnar.
í skammtímalausn verður um að ræða hefðbundið iðn-
nám, þ. e. meistarafræðslu á verklegu sviði og um þriggja
mánaða skólanám árlega á námstímanum, í þeim iðn-
greinum, þar sem kerfisbundið skólanám er ekki komið
til. Nemendur, sem ljúka iðnnámi eftir slíkri námsbraut,
skulu einnig ljúka námi í meistaraskóla, sbr. ofanritað,
áður en þeir öðlast fullgild meistararéttindi, jafnskjótt og
meistarafræðsla í grein þeirra er tekin upp. Sama skal
gilda um þá, sem lokið hafa sveinsprófi samkvæmt eldri
reglum, en veita skal eins árs aðlögunartíma.
Nefndin telur rétt að vekja sérstaka athygli á því, að
mikið fjárhagslegt átak er framundan, áður en iðnskól-
arnir geta, almennt talað, tekið iðnfræðsluna að öllu leyti
í sínar hendur samkvæmt tillögum þessum, en hún lítur
jafnframt svo á, að sú stefna, sem hér er lögð til, sé rétt
og umbætur á þessu sviði þjóðhagslega aðkallandi.
Einnig telur nefndin, að um leið og endurbótum á
verk- og tæknimentun í landinu verður komið á, þurfi
ríkið að taka iðnfræðsluskóla að öllu leyti í sínar hendur
eins og aðra svipaða skóla, og loks, að endurskoða þurfi
stjórnsýslu þessa þáttar skólakerfisins bæði innan þess
ráðuneytis, sem með það fer, og innan skólanna sjálfra,
sérstaklega hinna stærri, þar sem margar iðngreinar eru
kenndar og margháttuð starfsemi á sér stað.
4. Tcekniskóli (síðar tceknaskóli).
4.1. Skammtímalausn (þ. e. nánar tiltekið til 1973).
a) Óbreyttar deildir:
TÍMARIT IÐNAÐARMANNA
73