Tímarit iðnaðarmanna - 01.12.1971, Page 38

(i) Undirbúningsdeild, 1 ár;
(ii) Raungreinadeild, 1 ár;
(iii) Byggingadeild, 3 ár;
(iv) Fyrsta námsár af þremur í véla-, rafmagns-, skipa-
og reksturstæknifræði;
(v) Raftæknadeild (undirbúningsdeild -)- eitt sérhæft
ár; verði eins fljótt og aðstæður leyfa skipulagt
sem tvö námsár með blönduðu, almennu og sér-
hæfðu námsefni);
(vi) Meinatæknadeild (í mjög litlu sambandi við
önnur verkefni skólans).
b) Ný verkefni (eftir föngum):
(i) Tæknadeildir á sviði rafeinda, véla, rekstrar,
bygginga, og e. t. v. í fleiri tæknigreinum.
c) Inntaka:
a) tæknifræði: sbr. 4.3;
b) iðntæknar: iðnaðarmenn;
c) meinatæknar: stúdentar.
d) Framhaldsnám:
T'œknifrœðingar frá skólanum munu fyrirsjáanlega
sækja nokkuð til erlendra skóla. Ósýnt þykir, að nokk-
ur þeirra komi til með að hafa áhuga á viðbótarnámi
í B. S.-verkfræði við Háskólann. Eigi að síður telur
nefndin sjálfsagt að opna slíka leið, eins og yfirlits-
myndin sýnir.
lðntœknar mundu fara í raungreinadeild, ef þeir hygðu
á framhaldsnám. Hér verður að telja það eðlilegt, þótt
eins árs blindgata sé í kerfinu, því að menntunin verð-
ur sérhæfð og á allháu stigi. Hugmynd nefndarinnar
er, að störf iðntækna verði einkum:
(i) Verkstjórn (menn, vélar, fjármagn);
(ii) Verktaka (smærri fyrirtæki og aðstoð í stærri
fyrirtækjum);
(iii) Rekstur smærri verzlunar- og framleiðslufyrir-
tækja;
(iv) Aðstoð við hönnun;
(v) Eftirlit.
Meinatceknar: Nám þeirra er svo sérhæft, að ekki er
talið fært að benda beint á styttingu annars náms á
háskólastigi fyrir meinatækna.
4.2. Millilausn.
a) Niðurfellingar:
Námsefni undirbúningsdeildar Tækniskóla íslands
færist inn í iðnskóla, og hverfi því deildin úr skólan-
um árið 1981 u. þ. b. Menntun tæknifræðinga hverfi
öll til tækniháskóla frá og með árinu 1973.
b) Framkvæmd:
Menntun iðntækna þarf að tryggja með tilkomu tækja-
miðstöðvar eins og annað skylt nám.
Starf skólans getur ekki orðið eðlilegt, nema honum
verði ætlaður hæfilegur samastaður. Miðstöð hans er
nú í Skipholti 37, en rýmið er aðeins brot af því,
sem til þarf.
4.3. Inntökuskilyrði í Tœkniskóla íslands verði til 1973
sem hér greinir:
4.3.1. Undirbúningsdeild:
a) sveinspróf í viðeigandi iðngrein, símvirkjapróf eða
vélstjórapróf 2. stigs;
b) gagnfræðapróf eða landspróf miðskóla með framhalds-
einkunn að viðbættri verkskólun eða starfsreynslu í
samræmi við einhverja neðangreindra leiða:
(i) a. m. k. % af iðnnámi, símvirkjanámi eða vél-
stjóranámi til 2. stigs prófs, sbr. a);
(ii) a. m. k. eins árs skipuleg starfsreynsla eða verk-
skólun og fullnægjandi árangur á verklegu prófi,
sem skólinn gengst fyrir;
(iii) a. m. k. tveggja ára viðeigandi starfsreynsla, sem
tekur til hliðstæðra verka og prófuð eru skv.
undirlið (ii).
4.3.2. Raungreinadeild:
a) próf upp úr undirbúningsdeild;
b) vélstjórapróf 3. stigs með framhaldseinkunn.
4.3.3. Tæknifræðinám:
a) próf frá raungreinadeild (tæknistúdentspróf);
b) stúdentspróf stærðfræðideildar að viðbættri verkskól-
un eða starfsreynslu í samræmi við einhverja þá leið,
sem nefnd er við 4.3.1., a) og b).
4.3.4. Auk fyrrgreindra skilyrða afli nemandinn sér á
námstíma sínum í Tækniskólanum a. m. k. þriggja mán-
aða verklegrar starfsreynslu í sérgrein sinni í samræmi við
reglur, sem skólinn setur, sbr. 4.3.5. Sveinar, símvirkjar
og vélstjórar verði undanþegnir þessu skilyrði.
4.3.5. Skólastjórn Tækniskóla íslands setji sérstakar regl-
ur um verklegan undirbúning og verkleg próf, sem nem-
endur skólans þurfa að liafa fullnægt við inntöku í skól-
ann, sbr. 4.3.1—4.3.3., eða fyrir útskrift úr honum. sbr.
4.3.4.
4.4 Inntökuskilyrði í tceknaskóla verði frá og með
1973 viðeigandi sveinspróf, símvirkjapróf, vélstjórapróf
2. stigs eða önnur sambærileg menntun.
5. Verkfrceðinám í Háskóla Islands (til 1973).
í verkfræði- og raunvísindadeild Háskóla íslands fer nú
fram þriggja ára kennsla til fyrra hluta prófs í byggingar-,
véla- og rafmagnsverkfræði. Verkfræðináminu er síðan
lokið við erlenda tækniháskóla á 2-3 árum. í vetur, 1979
—1971, hefur þó aðeins verið um að ræða kennslu á 2. og
3. námsári, þar sem innritun til þessarra námsbrauta var
hætt s. 1. sumar. S. 1. haust hófst hins vegar kennsla í
sömu greinum, sem miðast við f jögurra ára nám til B. S,-
prófs í verkfræði. Einnig var þá hafin kennsla til fyrra
hluta prófs í efnaverkfræði og eðlisfræði. Hér er um að
ræða tveggja ára nám með áframhaldi við erlenda tækni-
háskóla.
Nefndin telur það rétta stefnu að útskrifa verkfræðinga
74
TÍMARIT IÐNAÐARMANNA