Tímarit iðnaðarmanna - 01.12.1971, Side 40

15.5. Almennar athugasemdir. Ef af stofnun tækja-
miðstöðvar verður, má gera ráð fyrir, að hún leiði til
mjög aukins samstarfs með þeim skólum, er að henni
standa, en slíkt samstarf er afar æskilegt. Þá mundu og
nemendur af ýmsum stigum tæknináms kynnast nokkuð
starfi hverjir annarra, sem gæti orðið til að eyða tor-
tryggni eða vanmati og skapa gagnkvæma virðingu fyrir
náminu. Slík kynni nemenda geta verið mjög mikilvæg,
enda verða þessir menn oft samstarfsmenn síðar meir.
Gert er ráð fyrir, að allir skólar njóti þjónustu tækja-
miðstöðvarinnar, ef hana er þar að fá, þótt þeir taki ekki
þátt í stjórn hennar.
15.6. Staðarval tcekjamiðstöðvarinnar og kostnaður.
Óformleg nefnd, skipuð mönnum frá Háskóla íslands,
Tækniskóla íslands, Vélskóla íslands, Stýrimannaskólan-
um í Reykjavík og Loftskeytaskólanum, hefur fjallað um
málið. Hún var m. a. sammála um, að tækjamiðstöðin
væri vel sett á lóð Sjómannaskólans í Reykjavík. Þar væri
hún tiltölulega miðsvæðis. Sjómannaskólalóðin er skipu-
lögð, og er þar gert ráð fyrir byggingum, sem henta
mundu tækjamiðstöðinni vel. Sumt af þeim tækjum og
vélum, sem þegar eru fyrir hendi þarna, mundu koma í
góðar þarfir í samstarfinu. Yfirlýsing liggur fyrir frá
skólastjórum Stýrimanna- og Vélskólans um, að þeir séu
þessu samþykkir.
16. Tengsl skóla og atvinnulífs.
Nefndin hefur athugað þau tengsl, sem nú eru milli
skólakerfis og atvinnulífs í hinum löggiltu iðngreinum,
og hefur dregið þá ályktun, að það fyrirkomulag sé ófull-
nægjandi.
Nefndin gerir það að tillögu sinni, að sérfróðir menn
í hverju námsefni og reyndir kennarar verði fengnir til
að skipta námsefninu í þætti með skilgreindum mark-
miðum fyrir hvern þátt, undir forystu fulltrúa fræðslu-
yfirvalda.
Fulltrúar viðkomandi starfsgreinar undir forystu fu.ll-
trúa fræðsluyfirvalda, er spanni helzt yfir nokkur skyld
tæknisvið, til þess að nauðsynleg yfirsýn myndist, skil-
greini verksvið greinarinnar og velji síðan þá þætti úr
námsefninu, sem þarf til þess að mennta nema fyrir
starfssviðið. Þeir geti einnig farið fram á endurskoðun
á námsefni og þáttaskiptingu þess, svo að henti viðkom-
andi starfsgrein. Einnig geti þeir farið fram á, að settar
verði námsskrár um efni, sem ekki hafa verið gerðar
námsskrár um, ef kennsla í viðkomandi námsefni sýnist
eðlileg fyrir starfsgreinina.
Telja verður eðlilegt, að þau hagsmunasamtök, sem til-
nefna menn í slíka samstarfshópa, greiði þeim þóknun
fyrir störf þeirra.
Innan samstarfskerfis atvinnulífs og skóla verði m. a.
unnin undirbúningsvinna að mannaflaspá fyrir sérhæft,
tæknimenntað vinnuafl, en Menntamálaráðuneytið sam-
ræmi síðan og fullgeri spárnar. Hér er bæði átt við sér-
menntun, sem þegar er fyrir hendi, og einnig nýjar sér-
greinar á ýmsum menntastigum. Slíkar mannaflaspár ættu
síðan að leiða til aðgerða í skólakerfinu, sem gerðu því
fært að fullnægja mannaflaþörfinni í hlutaðeigandi sér-
grein.
Um Verkskólaráð og orlof kennara er nánar fjallað í
megintillögu; sjá liði II. 16.2.-16.3.
17. Útgáfa bóka og kennslugagna.
Verk- og tæknimenntunarnefnd vekur athygli á því,
að útgáfa kennslubóka og kennsluefnis, svo og útvegun
kennslutækja fyrir verk- og tæknilega skóla, er mjög snar
þáttur í fræðslukerfinu. Á þessu sviði er brýn þörf úr-
bóta.
Iðnskólaútgáfa Sambands iðnskóla á íslandi, sem að
nokkru hefur annazt þessa starfsemi fyrir iðnskólana í
landinu að því, er varðar fagbækur og slíkt, er magnlítið
fyrirtæki til aukins átaks á þessu sviði.
Nefndin beinir þeim tilmælum til Sambands iðnskóla
á íslandi, að það hafi frumkvæði um, að þær verk- og
tæknimenntunarstofnanir, sem um er fjallað í áliti nefnd-
arinnar, myndi með sér sameiginlega útgáfustofnun, sbr.
t. d. „Teknisk Skoleforenings Forlag" í Danmörku, á víð-
ara grundvelli en Iðnskólaútgáfan hvílir á. Stofnun þessi
hafi sérstaka stjórn, er skipuð verði fulltrúum hinna
ýmsu skóla, er að útgáfunni standa, og sérstaka fram-
kvæmdanefnd með framkvæmdastjóra.
Stofnunin annist um útvegun og útgáfu kennslubóka
og námsgagna, í samræmi við ákvarðanir þeirra aðila, er
fjalla um námsefnið.
V. GREINARGERÐ OG GRUNDVALLARRÖK
í samræmi við athugun sína á verk- og tæknimenntun
á íslandi og í helztu nágrannaríkjum hefur nefndin gert
tillögur, er fela í sér breytingar, sem hafa fyrst og fremst
eftirgreindan megintilgang:
1. Efling verk- og tæknimenntunar á íslandi. Sem dæmi
um þennan tilgang má nefna megintillögu nefndar-
innar um færslu hins verklega hluta iðnnáms inn í
iðnskólana, um upptöku iðnfræðslu í nýjum greinum
eins og t. d. ýmsum sérgreinum rafeindavirkjunar, sem
ekki eru nú kenndar að neinu marki, tillögur um aukn-
ingu og meiri fjölbreytni tæknamenntunar og loks
tillögur um upptöku námsbrautar í tæknihagfræði á
háskólastigi.
2. Endurskipulagning náms og tenging námsbrauta, er í
allmörgum tilvikum leiðir til styttingar náms í ýmsum
greinum. Sem dæmi um þetta má nefna tillögur nefnd-
arinnar um endurskipulagningu iðnnáms, er leiðir til
u. þ. b. árs styttingar þess, svo og þá námsbrautateng-
ingu, sem um er fjallað í lið II. 14.
3. Aukið samstarf frceðslustofnana á verk- og tæknisviði.
Augljósustu dæmin um þetta atriði eru tillögur nefnd-
arinnar um stofnun sérstaks tækniháskóla og tækja-
miðstöðvar.
76
TÍMARIT IÐNAÐARMANNA