Fréttablaðið - 20.11.2009, Qupperneq 2

2 20. nóvember 2009 FÖSTUDAGUR
Snorri, ertu foxillur yfir þessu?
„Ég er urrandi reiður.“
Snorri Jóhannesson, formaður Félags
refa- og minkaveiðimanna, óttast að
refaveiðar leggist af á Íslandi úr því að
afnema á niðurgreiðslur frá ríkinu. Það
segir hann að hefði vond áhrif á lífríkið.
FÉLAGSMÁL Fólk frá Umboðsmanni
barna og Unicef hefur heimsótt
frístundaheimilin í Reykjavík
og frætt börnin um Barnasátt-
mála Sameinuðu þjóðanna og um
almenn réttindi barna.
Heimsóknirnar eru í tilefni af
tuttugu ára afmæli sáttmálans,
sem er í dag, 20. nóvember.
Frístundaheimili Íþrótta og
tómstundasviðs Reykjavíkur
(ÍTR), Umboðsmaður barna og
Unicef tóku höndum saman um
að minnast tímamótanna. Þannig
hafa börn á frístundaheimilum
ÍTR unnið að margvíslegum
verkefnum í tengslum við afmæl-
ið síðustu tvær vikur. - óká
Afmæli Barnasáttmála SÞ:
Börn frædd um
réttindi sín
STJÓRNMÁL „Við munum fram-
lengja heimild til útgreiðslu sér-
eignarsparnaðar og hækka fjár-
hæðina sem menn geta tekið á
næsta ári í
eina og hálfa
milljón,“ sagði
Steingrímur J.
Sigfússon fjár-
málaráðherra
á blaðamanna-
fundi í mið-
vikudag.
„Þessi aðgerð
hefur geng-
ið mjög vel
og við höfum
fengið mikið af fyrirspurnum
um hvort þetta haldi ekki áfram.
Þannig að þær útgreiðslur verða
opnar áfram á næsta ári og menn
geta tekið allt að einni og hálfri
milljón úr sem mun þýða að ríki
og sveitarfélög fá tekjuskatt og
úrsvar af þeirri úttekt,“ bætti
fjármálaráðherra við. - gar
Útgreiðsla séreignarsparnaðar:
Má taka út eina
og hálfa milljón
STEINGRÍMUR J.
SIGFÚSSON
ALÞINGI Önnur umræða um
Icesave-málið hófst á hádegi í
gær. Stóð hún enn þegar Frétta-
blaðið fór í prentun og voru þá
fjölmargir enn á mælendaskrá.
Ræður gærdagsins voru almennt
langar og drjúgur tími fór í
andsvör.
Línur eru þær sömu og áður;
gjörvöll stjórnarandstaðan er
andvíg málinu en Samfylkingin
og bróðurpartur VG með.
Í dag og á mánudag eru svokall-
aðir kjördæmadagar í þinginu en
næsti þingfundur verður á þriðju-
dag. Verður þá umræðunum
framhaldið. - bþs
Ríkisábyrgðarfrumvarpið:
Icesave rætt
fram á kvöld
VIÐSKIPTI Að beiðni skilanefndar
Kaupþings hefur Héraðsdómur
Reykjavíkur framlengt greiðslu-
stöðvun bankans til 13. ágúst á
næsta ári.
Kröfuhafar bankans fengu
síðast yfirlit um framgang
mála á fundi 20. október síð-
astliðinn. „Ólafur Garðarsson,
aðstoðarmaður í greiðslustöðv-
un og stjórnarmaður í slitastjórn
Kaupþings, kynnti áform um að
óskað yrði eftir framlengingu á
greiðslustöðvuninni um níu mán-
uði,“ segir í tilkynningu.
Bankanum var upphaflega
veitt heimild til greiðslustöðv-
unar 24. nóvember 2008 til 13.
febrúar 2009, en hún hefur nú
verið framlengd í tvígang. - óká
Gamli Kaupþing banki:
Greiðslustöðv-
un framlengd
SKATTAR ASÍ lýsir áhyggjum af
umfangi skattahækkana á næsta
ári og líklegum áhrifum þess á eft-
irspurn og atvinnustig í landinu.
Sambandið fagnar því að dregið sé
úr áformuðum skattahækkunum í
fjárlögum um þriðjung, eða 23 til
24 milljarða króna.
ASÍ fagnar því að áform um
skerðingar á barnabótum og vaxta-
bótum séu dregin til baka. Einnig
að tekið sé á stöðu stóreignafólks
með sérstökum auðlegðarskatti.
Samtökin telja hins vegar að lægri
eignamörk og hærra skatthlutfall
hefði verið æskilegt. - shá
ASÍ ályktar um skattahækkun:
Umfang skatta
er áhyggjuefni
Málþing um náttúruvernd
Umhverfisstofnun heldur málþing um
jarðfræðilega fjölbreytni og landslag í
dag. Málþingið verður haldið í Sólar-
sal Rúgbrauðsgerðarinnar og stendur
frá 13-16.30. Markmið málþingsins er
að vekja athygli á jarðfræðilegri fjöl-
breytni og landslagi á Íslandi og meta
verndargildi þess. Ókeypis aðgangur
og allir velkomnir.
UMHVERFISMÁL
FANGELSISMÁL Fangar á Litla-
Hrauni sem ekki mega vera net-
tengdir í klefum sínum hafa sumir
hverjir stundað netviðskipti eftir
að hafa látið smygla inn til sín
svokölluðum netpungum.
Fréttablaðið hefur upplýsingar
um að fólki utan múra hafi brugð-
ið við að sjá fanga með þunga
dóma, til að mynda fyrir mann-
dráp, nauðganir, kynferðisbrot
og ofbeldisbrot, komna inn á fés-
bók eða aðrar vefsíður. Nú síðast
var fangi, sem afplánar langan
dóm fyrir manndráp og nauðgun,
gripinn á netinu.
Páll E. Winkel, forstjóri Fang-
elsismálastofnunar ríkisins, stað-
festir að þetta sé rétt og fangels-
isyfirvöldum sé vandi á höndum.
Hann setti í gær reglur um að
undantekningalaust skuli taka
tölvur tímabundið af föngum sem
teknir eru með netpunga eða hafa
misnotað reglur um aðgengi að
interneti.
„Þriðjungur fanganna á Litla-
Hrauni er í námi,“ útskýrir Páll.
„Í dag er ekki hægt að fá tölvur
nema með þessum tengibúnaði. Ef
við tækjum allar tölvur af föng-
um, sem vissulega hefur verið
rætt, kæmi það fyrst og fremst
niður á þeim föngum sem vilja
bæta sig og eru sannarlega að
vinna í því.“
Fangelsismálayfirvöld hafa
skoðað tæknilegar útfærslur
á skermun Litla-Hrauns. Þau
hafa verið í sambandi við fyrir-
tæki sem tekið hefur að sér slík
mál víða erlendis, til að mynda í
Hollandi.
„En kostnaður við uppsetningu
hleypur á tugum milljóna, auk
þess sem ekki er víst að það virki
eins og því er ætlað að gera,“
segir Páll. „Meðan fjármunir
eru af eins skornum skammti hjá
ríkisfyrirtækjum og raun ber vitni
er þetta ekki forgangsverkefni hjá
okkur.“
Páll segir fleiri þætti í þessu
samhengi sem huga þurfi vand-
lega að í fangelsum.
„Þetta má til dæmis ekki bjaga
fjarskiptabúnað sem fangaverðir
nota sín á milli, hvað þá heldur
símkerfið. En það er leitað dag-
lega í fangelsinu og við förum
eftir ábendingum sem kunna að
berast utan frá.“
Páll segir erfitt að koma í veg
fyrir að netpungum sé smyglað
inn í fangelsið. Menn eigi að
meginreglu til rétt á því að heim-
sókn til þeirra sé án eftirlits.
Verulega væri hægt að bæta úr
þessu í nýju, sérhönnuðu öryggis-
fangelsi. jss@frettabladid.is
Kynferðisbrotafangar
stelast ítrekað á netið
Fangar á Litla-Hrauni hafa ítrekað orðið uppvísir að því að stelast á netið á svo-
kölluðum netpungum sem er smyglað til þeirra á heimsóknartímum. Nú síðast
var fangi, dæmdur fyrir manndráp og nauðgun, gripinn á Netinu.
LITLA-HRAUN Vel er fylgst með því sem gerist á Litla-Hrauni. Forstjóri Fangelsismála-
stofnunar setti í gær reglur um misnotkun á aðgengi að interneti.
JAFNRÉTTI Það hefur gefið góða
raun að hvetja fólk til að kjósa
konur í persónukosningum í Finn-
landi. Segja má að á þjóðþingi
þar hafi kynjajafnvægi verið náð,
eins og á Íslandi og í Svíþjóð.
Svo segir Norræna kvenna- og
kynjarannsóknastofnunin, sem
nýverið kannaði „kyn og völd í
stjórnmálum og atvinnulífi“, að
beiðni Norrænu ráðherranefnd-
arinnar.
Stofnunin kveður atvinnulíf
Norðurlandanna vera eftirbát
stjórnmálalífsins að þessu leyti.
Það sé enn sem fyrr vígi karla,
með örfáum undantekningum.
Hlutur kvenna í stjórnum einka-
fyrirtækja er á bilinu sjö til 36
prósent, en þyrfti að vera yfir
fjörutíu prósent til að viðunandi
væri.
Noregur sker sig úr því þar
hafa verið settir kynjakvótar
fyrir stjórnir fyrirtækja í kaup-
höllinni í Ósló. Þar hefur fjöldi
kvenna í stjórnum aukist úr níu
prósentum árið 2004 í 26 prósent
2009.
Í Svíþjóð hefur hlutur kvenna í
einkafyrirtækjum einnig aukist,
eftir að kauphöllin þar setti regl-
ur um jöfn hlutföll kynja.
Hlutur kvenna á þingi hefur
aukist í öllum löndunum síðan
á miðjum 10. áratugnum, nema
í Noregi. Á þessum tíma jókst
hann skarpast á Íslandi, úr 25
prósentum í 43. Kynjarannsókna-
stofnunin segir að kynjakvótar á
framboðslista í Noregi og Sví-
þjóð hafi aukið þátttöku kvenna
í stjórnmálum. - kóþ
Jafnrétti kynja minna í atvinnulífinu en í stjórnmálum á Norðurlöndum:
Hvatning til að kjósa konur virkar vel
í finnskum persónukosningum
1. MAÍ 1973 Kröfuganga á baráttudegi
verkalýðsins fer um Rauðarárstíginn.
Nokkur árangur hefur náðst í jafnréttis-
baráttu í skandinavískum stjórnmálum,
en minni í atvinnulífinu.
MYND/LJÓSMYNDASAFN REYKJAVÍKUR
EFNAHAGSMÁL Þær gífurlegu byrð-
ar sem verið er að leggja á örsmá-
an hóp vinnandi fólki mun leiða
til flutninga af landi brott. Um
leið og erlendar skuldbindingar
Íslands falla með sívaxandi þunga
á aðra landsmenn verður erfiðara
fyrir þá sem eftir eru og vilja búa
áfram á Íslandi að gera það.
Þetta kemur fram fram í bréfi
frá þeim James K. Galbraith,
prófessor í stjórnmálafræð-
um við Texas-háskóla í Banda-
ríkjunum, og William K. Black,
lektor í hagfræði við Missouri/
Kansas-háskóla í Bandaríkj-
unum, til Gunnars Tómasson-
ar, hagfræðings. James er einn
af þremur sonum breska hag-
fræðingsins Johns Kenneths
Galbraith.
Bréfið sendi Gunnar á mánu-
dag og barst honum svarið
tveimur dögum síðar. Í bréfinu
spurðist Gunnar fyrir um álit
þeirra á áhrifum ríkisábyrgðar
vegna Icesave-innlánsreikning-
anna sem liggja fyrir Alþingi,
aðildarumsóknar landsins að Evr-
ópusambandinu og skýrslu AGS
um íslensk efnahagsmál eftir
fyrstu endurskoðun efnahags-
áætlunarinnar í síðasta mánuði.
Þeir Galbraith og Black segja
engar forsendur fyrir spá AGS
um kröftugan bata og setja spurn-
ingamerki við hvort íslenska
þjóðin sætti sig við þær byrðar
sem lagðar eru á herðar hennar.
- jab
Erlendir hagfræðingar spá landflótta vegna gríðarlegrar skuldabyrði í framtíðinni:
Draga forsendur AGS í efa
GUNNAR
TÓMASSON
Hagfræð-
ingurinn
leitaði svara
hjá syni eins
þekktasta
hagfræðings
heims.
SPURNING DAGSINS