Fréttablaðið - 20.11.2009, Page 78

58 20. nóvember 2009 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. egna, 6. 999, 8. vandlega, 9. fugl,
11. guð, 12. miklu, 14. þrætur, 16.
tímabil, 17. af, 18. röð, 20. persónu-
fornafn, 21. etja.
LÓÐRÉTT
1. kvenflík, 3. átt, 4. ávaxtaré, 5.
fóstra, 7. andstaða, 10. svörður, 13.
rangl, 15. rótartauga, 16. tímabils, 19.
skóli.
LAUSN
LÁRÉTT: 2. espa, 6. im, 8. vel, 9. lóm,
11. ra, 12. stóru, 14. þrátt, 16. ár, 17.
frá, 18. róf, 20. ég, 21. siga.
LÓÐRÉTT: 1. pils, 3. sv, 4. perutré, 5.
ala, 7. mótþrói, 10. mór, 13. ráf, 15.
tága, 16. árs, 19. fg.
LÖGIN VIÐ VINNUNA
„Ég er með iPod í eyrunum á
„shuffle“. Lögin detta inn eitt af
öðru, Jungle Drum með Emilí-
önu, Everyday Al með Naughty
By Nature, Dumb með Nirvana.
Svo hlusta ég syndsamlega
mikið á Black Eyed Peas þó það
sé víst bara kúl að fíla fyrstu
plöturnar þeirra.“
Andrés Jónsson almannatengill.
Strákarnir Sveppi og Auddi voru tölu-
vert gagnrýndir fyrir framferði sitt í
sveitaferð sinni þegar þeir heimsóttu
Tannstaðabakka í Hrútafirði. Þeir
ætla að heimsækja sveitina á nýjan
leik en ætla nú að keyra í gegnum
hana. Þeir fengu Vilhelm Anton
Jónsson og Egil „Þykka“ Einarsson
með sér í lið og efndu til
keppni um hvor væri
fljótari hringinn í kringum
landið. Alls kyns reglur
eru bundnar við þennan
nýstárlega kapp-
akstur sem sýndur
verður í tveimur
þáttum næstu
föstudaga.
Annars eru stærri og merkilegri tíð-
indi í vændum af þeim félögum, því
það hefur kvisast út að vinirnir munu
hugsanlega stjórna fréttaannál
Stöðvar 2 og fá til liðs við
sig nýjustu stjörnu Stöðvar
2, Steinda Jr. Ekki er vitað
hvernig þetta leggst í
fréttadeildina en annál-
arnir eru yfirleitt eina
tækifæri hennar til að
spreyta sig á gaman-
sömum nótum.
Heimasíða Besta flokksins, stjórn-
málaafls Jóns Gnarr, er komin í loftið
á slóðinni bestiflokkurinn.mobil. Þar
geta forvitnir fræðst aðeins meira um
stefnumál Jóns og nánasta samstarfs-
mann hans, Dags Kára G. Jónssonar
sem er titlaður framkvæmdastjóri og
lögfræðingur. Kannski er
það kaldhæðnislegt en
undir síðunni hljómar
slagari Tinu Turner,
Simply the Best, sama
lag og hljómaði í Baugsmynd-
bandinu frá Mónakó sem
vakið hefur athygli. - fgg
FRÉTTIR AF FÓLKI
Í kreppunni breytist margt. Fólk
tekur sér nýja hluti fyrir hend-
ur, kýlir jafnvel á að láta gamla
drauma rætast. Eins og til dæmis
Steinar Júlíusson. „Ég er mennt-
aður grafískur hönnuður og var
að vinna á auglýsingastofu,“ segir
hann. „Mér og öðrum var sagt upp
á stofunni, svo ég byrjaði að vinna
„frílans“ og er reyndar enn. Ég hef
alltaf haft gaman af að baka, sér-
staklega eftirrétti og sætabrauð.
Því datt mér í hug að byrja að baka
múffur og sjá til hvert það myndi
leiða. Ég sé ekkert eftir því.“
Steinar segir möguleika múff-
unnar vannýtta á Íslandi. „Þetta
er óplægður akur. Það eru meiri
möguleikar í þessu en bara að baka
súkkulaði- og karamellumúffur.“
Steinar bakar undir nafninu
Meistaramúffur og selur enn sem
komið er múffurnar sínar ein-
göngu á veitingahúsinu Karamba
á Laugavegi 22.
„Þetta hefur gengið mjög vel.
Það er góður fílingur fyrir þessu
og fólk er að lýsa ánægju sinni
með múffurnar á Facebook-síð-
unni. Ég byrjaði með bananamúffu
með hnetu- og sykurtoppi en blá-
berjamúffan fylgdi á eftir. Það er
„vegan“-múffa, bökuð úr spelthveiti
og það eru engar dýraafurðir í
henni. Væn og græn, sem sé. Stefn-
an er svo auðvitað að koma múff-
unum víðar, svo fleiri fái að njóta,
en halda samt ákveðnum standard.
Það er möst að múffunnar sé neytt
með góðu kaffi.“ - drg
Íslenskar múffur á markaðinn
ÓPLÆGÐUR AKUR Steinar Júlíusson bakar Meistaramúffur. FRÉTTABLAÐIÐ/VILHELM
VEISTU SVARIÐ?
Svör við spurningum á síðu 8
1 5.000.
2 Thierry Henry.
3 Guðmundur Guðmundsson.
„Ég byrjaði að undirbúa þetta fyrir
hálfu ári og í byrjun þessa mánaðar
komst skriður á málið fyrir alvöru.
Ég er samt með báða fætur á jörð-
inni og ætla ekki að fara fram úr
sjálfum mér,“ segir athafnamaður-
inn Friðrik Weisshappel.
Friðrik er með tvo nýja Laun-
dromat-staði í bígerð til viðbótar
við þá tvo sem hann rekur í dönsku
höfuðborginni. Hann er bjartsýnn
á að allavega annar staðurinn, ef
ekki báðir, geti orðið að veruleika
en til þess þurfi ýmislegt að falla
með honum. Hann segir raunsætt
að Laundromat þrjú verði að veru-
leika, númer fjögur yrði algjör
bónus.
Staðsetningarnar sem Frið-
rik hefur í huga eru annars vegar
á Vesterbro og hins vegar við
Islandsbrygge í miðborg Kaup-
mannahafnar. „Ef þetta fellur rétt
gætu staðir númer þrjú og fjögur
opnað á næstunni. Hins vegar getur
alltaf eitthvað komið upp á og það
er ekkert fast í hendi. Annar stað-
urinn eða báðir gætu farið út um
þúfur þannig að maður verður að
vera raunsær.“
Friðrik trúir því að góðir hlutir
gerist hægt. „Ég er ekkert að fara
að skuldsetja mig upp í rjáfur og
hlaupa til með einhverjum æði-
bunugangi. Gamall maður sagði
einu sinni við mig að maður ætti
að eiga fyrir hlutunum sem maður
vildi kaupa og ég er svona að reyna
að laga mig að þeirri speki.“ Friðrik
viðurkennir að hann sé bjartsýnn á
að allavega annar staðurinn verði
að veruleika. Hann er búinn að
smíða 24 borð, mála slatta af stólum
og á heilt bretti af vörum. Þá hefur
hann keypt slatta af eldhúsáhöld-
um smátt og smátt. „Fólk þekkir
það af eigin raun hvað það kostar
mikin pening að fjárfesta í eldhús-
áhöldum fyrir heimilið þannig að
það getur rétt ímyndað sér kostn-
aðinn við að kaupa slíka hluti fyrir
veitingastað.“
Friðrik upplýsir að það hafi allt-
af verið planið að opna fleiri Laun-
dromat-kaffihús. Og ef þessar tvær
staðsetningar ganga ekki upp verði
hann með augun opin fyrir ein-
hverjum öðrum. „Ég get ekki hætt
núna, salan á stöðunum hefur auk-
ist um rúm ellefu prósent á milli ára
og á meðan maður hefur gott fólk
með sér og finnst þetta skemmti-
legt þá er engin ástæða til að liggja
í sófanum með tærnar upp í loft,“
segir Friðrik og bætir því við að
hann hafi búið sér til ágætis kokk-
teil úr skandinavískri skynsemi og
íslenskum eldmóð. „Ég hef alltaf
verið hrifinn af íslenska eldmóðin-
um en hann verður að vera virkjað-
ur á réttum tíma. Ég gat líka orðið
alveg brjálaður yfir þessari sam-
skandinavísku skynsemi en saman
er þetta alveg dýnamísk blanda.“
freyrgigja@frettabladid.is
FRIÐRIK WEISSHAPPEL: SPENNANDI TÍMAR FRAM UNDAN
Friðrik með tvö ný
kaffihús á teikniborðinu
Á FULLUM KRAFTI Friðrik Weisshappel segir það alltaf hafa verið planið að opna nýja
Laundromat-staði í Kaupmannahöfn. Hann hefur augastað á tveimur staðsetningum
í miðborg Kaupmannahafnar og er þegar búinn að smíða borð, mála stóla og kaupa
eldhúsáhöld.
Ingólfur Þórarinsson, betur þekktur sem Ingó Veður-
guð, mun leika dramatískt hlutverk í annarri þátta-
röðinni af Rétti. Þetta staðfestir Sigurjón Kjartans-
son, annar af handritshöfundum þáttanna í samtali
við Fréttablaðið. „Ingó mun leika poppstjörnu sem
kemst í kast við lögin.“ Sigurjón upplýsir jafnframt
að Tvíhöfða-félagi sinn, Jón Gnarr, leiki einnig í þátt-
unum en vildi ómögulega gefa upp í hvaða karakter
hann myndi bregða sér. „Það á eftir að koma fólki á
óvart,“ segir Sigurjón.
Tökur á Rétti hefjast á miðvikudaginn í næstu viku
og Sigurjón neyðist til að láta uppi hálfgert hernaðar-
leyndarmál; að Magnús Jónsson snúi aftur í hlutverki
sínu sem hinn hrokafulli en afbragðsgóði lögfræð-
ingur, Logi Traustason. Aðdáendur fyrri seríunnar
eru eflaust forvitnir að vita hver örlög hans urðu
eftir ótrúlegan lokaþátt. Þá mun Jóhanna Vigdís Arn-
ardóttir einnig endurtaka hlutverk sitt sem og Vík-
ingur Kristjánsson og Jóhannes Haukur Jóhannes-
son. „Ég get lofað mikilli dramatík,“ segir Sigurjón
en leikstjóri þáttanna er Sævar Guðmundsson.
Fjöldi annarra þjóðþekktra leikara kemur einnig
við sögu í þessu lögfræðidrama. Hinir þaulreyndu
Sigurður Skúlason og Erlingur Gíslason verða áber-
andi sem og Sara Dögg Ásgeirsdóttir en hún lék
einmitt aðalhlutverkið í Pressu um árið. Sigurjón
upplýsir að hún verði í stóru hlut-
verki og bætir við að þeir Davíð
Guðbrandsson og Stefán Hall-
ur Stefánsson komi einnig
töluvert við sögu í þátt-
unum. Þættirnir verða á
dagskrá Stöðvar 2 fljót-
lega upp úr áramótum.
- fgg
Ingó Veðurguð og Jón Gnarr í Rétti 2
SAMAN Í RÉTTI Þeir Jón Gnarr og Ingó
Veðurguð leika í framhaldsþáttaröðinni
af Rétti. Ingó leikur poppstjörnu sem
kemst í kast við lögin. FRÉTTABLAÐIÐ/STEFÁN
Auglýsingasími
– Mest lesið