Vikan - 21.04.1960, Qupperneq 3

Viscount flugvél Flugfélags íslands mun lyfta sér léttilega og þar með verður
ferðin hafin. Það verður ef til vill floginn einn hringur yfir Reykjavík og ná-
grenni og þér munuð njóta útsýnisins í ríkum mæli. Þannig lítur til dæmis Kópa-
vogskaupstaður út úr lítilli hæð. Síðan verður flugið hækkað, flogið austur yfir
Reykjanesskagann og þér munið hafa gott útsýni yfir suðurlandsundirlendið, ef
veður er bjart.
VIKAM býður yður
til Kaupmannahafnar
Flugfar og upphald fyrir
tvo í viku
Hér er fyrsta
spurningin
af fjórum —
Krossið við rétt svar
á miðanum neðst og
haldið honum til haga.
Klippið miðana út, þegar
fjórir eru komnir og
sendið til Vikunnar,
pótshólf 149.
Hver er maðurinn?
Það er að segja, ef heppnin er með. Allt er undir þvi komið. Sjálfsagt
verða fjölmargir með réttar lausnir, og þá verður dregið úr
þeim. Getraunin verður í fjórum blöðum, einn þáttur í liverju, Hún
verður fólgin í þvi að þekkja menn, einn hverju
sinni, og fyrsti þátturinn er hér til hægri.
Sá, sem vinnur til þessarar farar, mun ráða þvi sjálfur, hvenær hann
fer. Líklegast er, að menn fýsi að nota sumarleyfi til fararinnar, og
yrði það þá í júli eða ágúst. Keppninni lvkur í 19. blaði,
sem kemur út 12. mai. Við gefum 10 daga frest til þess að senda blað-
inu lausnirnar, og það verður því kominn 22. maí,
þegar keppninni lýkur. Þann dag verður dregið úr réttum
lausnum, og hinum lieppna verður tilkynnt samdægurs.
Farið verður með Viscount-flugvél frá Flugfélagi Islands. Þá er hægt að
hafa viðkomu í Glasgow eða Osló, og getur viðkomandi
dvalizt þar einhvern tíma, ef hann óskar þess, og haldið ferðinni
áfram með Flugfélagi fslands síðar.
I Kaupmannahöfn er margt að sjá, og þar að auki er auðvelt að fara
í ferðalög út frá borginni, til dænús yfir til Svíþjóðar. Við
höfum beðið Björn Th. Björnsson listfræðing að skrifa pistil um
kóngsins Kaupmannaliöfn og þær lystisemdir, sem
þar verða á vegi hins heppna. Björn liefur orðið við þessari ósk, og
birtist grein hans i næstu opnu.
Aú þessu sinni er spurningin
um íþróttamann, sem lengi
heíur verið frægur með þjóðinni.
Við nefnum þrjú nöfn og þið
krossið við þann sem ykkur
finnst líklegastur.