Fréttablaðið - 12.12.2009, Síða 44

44 12. desember 2009 LAUGARDAGUR
É
g hafði gengið með það í
maganum í nokkur ár að
gefa mína eigin matreiðslu-
bók út,“ segir Rósa Guð-
bjartsdóttir, matgæðingur og matar-
skríbent í Gestgjafanum til margra
ára. Matur hefur lengi verið aðal-
áhugamál Rósu. „Ég veit ekkert
skemmtilegra en að elda góðan mat,
prófa hráefni og setja það saman á
nýjan hátt.,“ segir Rósa, sem starf-
ar sem bæjarfulltrúi í Hafnarfirði.
Margir muna eftir Rósu frá árun-
um sem fréttamanni á Stöð tvö eða
framkvæmdastjóri Krabbameinsfé-
lagsins. Nú er hún formaður stjórn-
ar Krabbameinsfélagsins og sinnir
ýmsum sjálfboðaliðastörfum fyrir
það.
Heima við er Rósu oft að finna í
eldhúsinu þar sem hún sinnir áhuga-
málinu sínu, matreiðslu. Fjölskyld-
an er stór og hún kann að meta
matreiðslu Rósu. „Ég vil hafa mat
einfaldan og fljótlegan, er ekki
endilega hrifin af því að marin-
era í marga daga,“ segir Rósa, sem
hugsar bókina sína öðrum þræði
sem hvatningu til fólks sem miklar
eldamennsku fyrir sér.
„Það er ekki alltaf fljótlegast að
kaupa tilbúið. Það þarf ekki að taka
nema tíu til fimmtán mínútur að búa
til nýjan mat og þegar maður eldar
matinn sjálfur veit maður hvað er í
honum.“ Rósa leggur áherslu á mat
úr hráefni sem vel er þekkt hér og
mikið notað hér á landi, fiski, kjúkl-
ingi og lambakjöti. Fyrir utan for-
rétti, aðalrétti og eftirrétti eru kafl-
ar um rétti í grillveisluna, bakstur
og brauðrétti og barnaafmæli.
Hér á síðunni er hins vegar að
finna uppskriftir úr bókinni að rétt-
um í hátíðlegri kantinum sem eru
við hæfi á þessum árstíma. „Laxa-
rósina hef ég boðið upp á við ýmis
tækifæri, meðal annars á jólunum,
lambakjöt með fetaosti og rósmar-
ín er hátíðlegur réttur og súkkul-
aðifreistingin hefur slegið í gegn
hjá minni fjölskyldu.“
Hvatning til að
elda góðan mat
Draumur Rósu Guðbjartsdóttur um að gefa út
matreiðslubók rættist á dögunum þegar bókin
hennar Eldað af lífi og sál kom út. Hún sagði
Sigríði Björgu Tómasdóttir að einfaldur og hollur
matur væri í uppáhaldi hjá henni.
ELDAMENNSKA ER EKKI SEINLEG „Það er ekki endilega fljótlegast að kaupa tilbúinn
mat,“ segir Rósa Guðbjartsdóttir, sem mælir með því að ungt fólk spreyti sig í elda-
mennskunni. FRÉTTABLAÐIÐ/VALLI
Sneiðið kartöflurnar
í um 1 sm þykkar
sneiðar og sjóðið í
10-15 mínútur. Takið
þær síðan úr pottinum
og látið kólna. Saltið
kartöflurnar og penslið
með sítrónusafa.
Hrærið saman sýrðan
rjóma, skalottlauk
og piparrótarmauk.
Skerið laxinn í sneiðar
og skiptið á fjórar
kartöflusneiðar. Skiptið
síðan piparrótarsós-
unni á sneiðarnar og 1
tsk. af hrognum ofan á
hverja og eina. Skreyt-
ið með fersku dilli.
1 stór kartafla
salt
sítrónusafi
1 dós sýrður rjómi
eða 2 dl grísk jógúrt
2 skalottlaukar,
smátt saxaðir
2 tsk. wasabi
japanskt piparrót-
armauk eða 1 tsk.
fersk piparrót
200 g reyktur lax
4 tsk. silungahrogn
dill, til skrauts
Laxarós á kartöflu
Reyktur lax verður mjög
oft fyrir valinu hjá mér
þegar ég bý til forrétti.
Það eru endalausir
möguleikar við að bera
fram reyktan lax og
galdra með einföld-
um hætti fram góða
veislu. Á jólahátíðinni
finnst mér ómissandi
að bjóða upp á forrétti
með reyktum laxi og
þá er gaman að bera
hann fallega fram eins
og í þessum rétti. Laxa-
rósin er mjög ljúffeng
og afar einfalt að útbúa
og er hún gjarnan á
borðum hjá mér um
jólin. Þetta er flottur for-
réttur við hvaða tilefni
sem er.
Berjið lambainnanlærin með buff-
hamri þar til stykkin eru orðin nokk-
uð jafn þykkir og stórir ferningar.
Smyrjið pestói yfir stykkin báðum
megin og látið marinerast í a.m.k.
hálftíma, gjarnan í sólarhring.
Saxið rósmarínnálarnar og
sáldrið yfir kjötsneiðarnar. Skiptið
fetaostinum jafnt á kjötstykkin og
setjið smávegis af grænu salati
með ostinum. Rúllið kjötstykkjunum
upp og lokið þeim með tannstöngli.
Leggið upprúlluð fyllt kjötstykk-
in í eldfast mót, sáldrið söxuðu
rósmaríni yfir og saltið og piprið.
Grillið í 220 gráðum heitum ofni í
um 10 mínútur. Lækkið hitann þá
niður í 175 gráður og bakið áfram í
um 25 mínútur til viðbótar. Slökkvið
á ofninum og látið kjötið vera þar
í nokkrar mínútur áður en það er
tekið út og borið fram.
Berið fram með sætum kartöflum
en þær eru að mínu mati algjör-
lega ómissandi sem meðlæti um
hátíðarnar. Hér fylgir ein „hátíðleg“
tillaga að matreiðslu þeirra.
Lambakjöt fyllt með fetaosti og rósmarín
Góð lambasteik er sannkallaður veislumatur og með fyllingu verður kjötið sérlega meyrt og bragðgott. Fyrir 4-6.
2 lambainnanlæri
4-5 msk. rautt pestó
3-4 greinar ferskt
rósmarín
4-5 msk. fetaostur
klettasalat, spínat eða
annað grænt salat
salt og grófmalaður
pipar
Sætar kartöflur með pekanhnetum
Skrælið sætu kartöflurn-
ar, skerið í bita og sjóðið
í léttsöltu vatni í 10-15
mínútur. Blandið saman
bræddu smjöri, púð-
ursykri og kanil. Hellið
vatninu af kartöflunum
og stappið þær gróflega
saman. Hrærið smjör-
blöndunni saman við.
Setjið í eldfast mót og
stráið pekanhnetun-
um yfir. Bakið í 10-15
mínútur við 200 gráður.
Einnig er hægt að bera
stöppuna fram beint,
þ.e. án þess að baka
hana í ofninum, en við
baksturinn verður yfir-
borðið stökkara en ella.
3-4 sætar kartöflur,
ca 1 kg
70 g smjör, brætt
1 msk. púðursykur
1 tsk. kanill
handfylli pekanhnet-
ur, saxaðar
Súkkulaðifreisting
Ljúffengur eftirréttur fullkomnar
góða máltíð og þá verður súkkulaði
freistandi sem aldrei fyrr. Fátt jafnast
á við gott súkkulaði og eru áhrif þess
á líðan og lund alkunn. Hvað sem því
líður njótum við bara góðs eftirréttar
og föllum fyrir freistingunum þegar
það á við, eins og um jólin. Sannir
sælkerar kætast og súkkulaðiunnend-
ur hreinlega falla í stafi.
3 dl rjómi
250 g suðusúkkulaði
3 eggjarauður
1/3 tsk. salt
2 msk. smjör
1 msk. kaffilíkjör eða 1 tsk. vanilludropar
Hitið rjómann í potti við vægan hita. Takið af
hitanum og hrærið súkkulaðið saman við þar
til það bráðnar. Hrærið vel.
Hrærið eggjarauðurnar og saltið vel
saman. Bætið ca. 1 dl af súkkulaðiblöndunni
varlega saman við eggjarauðurnar. Hellið
síðan blöndunni í pottinn og hrærið mjög
vel. Hrærið svo smjörinu og líkjörnum eða
vanilludropum saman við. Hellið í litlar skálar
eða bolla og kælið í ísskáp í amk 2 tíma.
Stundum set ég nokkur ber, t.d. rifsber,
bláber eða skorin jarðarber, í botninn á skál-
unum áður en súkkulaðiblöndunni er hellt
yfir. Þá koma berin á óvart í lok súkkulaði-
freistingarinnar.
M
YN
D
IR
/M
A
G
N
Ú
S H
JÖ
R
LEIFSSO
N