Vikan - 14.03.1963, Blaðsíða 14

Við ána Jórdan, þar sem sagt er að
Kristur hati verið skírður. Ferðafélagarn-
ir taka vatn á flöskur úr ánni. í baksýn:
Fjalllendi Trans-Jórdaníu. Áin Jórdan er
6—8 metra hreið þarna.
I EYÐIMÖRK....
íslandi 1,3 milljonir krona. Hinsvegar byggja synir eyðimerkurinnar ógjarna hús,
þeim er lífið í tjöldunum í blóð borið og miklu þekkilegra. Suður á Arabíuskag-
anum hafa þeir stserri hjarðir og betri beitilönd. Það eru þeir sem eiga kádiljáka;
þessir meðfram veginum, þeir eru útkjálkamenn.
Nú verða brekkur og brattar hlíðar; allt í einu snarhallar undan fæti, en fjall
lendi er allt í kring og verður berara og harðhnjóskulegra eftir því sem sunnar
dregur. Vegurinn liggur niður af fjöllunum eftir djúpri klauf og þar stendur
eitt einmana skilti í nekt grjótsins. Sjávarmál stendur á því. Nú er Jordandalurinn
framundan, það furðuverk náttúrunnar. Þarna úr hlíðunum blasa Móhabsfjöll við
með fjólublárri slikju en einna hæst skagar Nebúfjall eins og minnisvarði um
byrjun á mikilli örlagasögu. Það var sem sagt af gnípu þessa fjalls, sem Móses
gamli leit fyrirheitna landið og dýrð þess. Þá var hann kominn um langan veg
yfir algjöra eyðimörk með sitt fólk, fsraelsmenn.
Það er ekki fjarri sanni, að hann hafi'séð allt fyrirheitna landið ofan af Nebúfjalli;
að minnsta kosti útlínur þess. Því Palestína er lítið land. Af hæstu fjöllum sést
allt norður á Hermon og fram á eyðimörkina, sem afmarkar landið í suðri. Þegar
Kristur fór um og kenndi, þá þurfti hann ekki um langan veg að fara. Við höfum
ekki sagnir um að hann hafi komizt lengra út
á heimsbyggðina í lifanda lífi en norður til
Tyros og Sidon. Og þangað eru aðeins liðlega tvö
hundruð km frá Jerúsalem.
★
Við erum komin ofan í Jórdandalinn, þann
glóðarofn og nú blikar brennandi sólin á slétt-
um fleti Dauðahafsins í suðri. Hér er landslag
og litir sem eiga varla heima á þessum hnetti,
framandi og ef til vill eilítið hrollvekjandi við
fyrstu sýn. Saltstorkan mótar yfirbragð lands-
ins í botni dalsins en fjöllin á báða vegu eru
með fjólublárri brennisteinsslikju og hulin í
móðu þegar sunnar dregur með vatninu. Þetta
er lægsti staður á yfirborði jarðar, 1300 fet
undir sjávarmáli.
★
Við fórum flest í vatnið. Það voru fremur
frumstæð búningsherbergi og sturtur niðri við
ströndina og hvít salthúð á steinunum við vatns-
borðið. Þar var ekki gróður í neinni mynd.
Vatnið var dálítið þykkt viðkomu, ekki ósvipað
olíu; það varð að gæta þess að fá það ekki á
varir eða í augu. En það var engu líkt að leggj-
ast niður, þar sem fór að dýpka, og fljóta eins
og korkur. Sumir reyndu bringusund, en það
gekk ekki; fæturnir flutu alltaf uppúr og gripu
í tómt. Og þegar við stóðum upp úr þessu volga,
dauða vatni, þá varð hvít selta eftir á hörundinu.
Dauðahafið er sumstaðar mjög djúpt. En það
er ekki lifandi kvikindi til í því. Né heldur
gróður í botninum. Stundum villast fiskar út
í vatnið úr ánni Jórdan. Þeir fljóta upp, svo
að segja strax, eins og saltstorkið sprek.
★
Úr því kemur suður í Jórdaníu,
fara tjöld Bedúinanna að sjást
meðfram veginum. Þeir hafa
viðdvöi á sama stað, meðan
beitilönd endast.
Austurlenzkur milljónerl með
tvö dýr Ieikföng: Facel Vega
sportbíl og evrópíska blondínu.
Það er sagt frá þeim í grein-
inni.
Lídó; lika þessi staður hefur verið nefndur
eftir þeirri frægu ítölsku baðströnd. Cafétería,
kaldir drykkir, minjagripir. Pálmatré fyrir utan
og skrautleg girðing úr smíðajárni. Fyrir framan
glampar á vatnið, slétt eins og svell. Því gekk
svo vel að gufa upp í bakstri sólarinnar, að
fjöllin suður hjá Sódómu og Gómorru, hurfu
í ljósan bláma. Þar rigndi eldi og brennisteini
yfir spillinguna eins og kunnugt er og nágrenn-
ið hefur ekki enn náð sér eftir það.
★
Einn af sonum eyðimerkurinnar bar þarna að
rétt í þessu og hafði á sér heldrimannasnið. Ef
til vill var hann einn af þessum ríku Bedúínum
með stóra hjörð og léleg tjöld; maður milli
þrítugs og fertugs, myndarlegur og fráneygur
með svart yfirskegg og vestrænan jakka utan
yfir hvítri skykkju. Eða þá að hann var einn af
þessum rómuðu olíusjeikum austan úr Arabíu
eða Kuweit, sem vita ekki aura sinna tal. Alla-
vega hafði hann tvö falleg og dýr leikföng
meðferðis: Franskan sportbíl, sem skilar manni
tvö hundruð km á einni klukkustund og
evrópíska blondínu með boglínur á réttum
stöðum. Hún hefði þurft að fara að lita á sér
14
VIKAN 11. tbl.