Vikan - 25.07.1963, Blaðsíða 11
SVAVAR GESTS SKIRFAR UM
PLÖTUR
og dansmúsik
Nýjar hljómplötur
The Parcells: What are boys
made of og Cheek to Cheek.
Fyrra lagið hefur notið nokkurra
vinsælda í USA, það er sungið
af fjórum stúlkum og er söng-
urinn ekki upp á marga fiska,
þetta er hróp og köll og hávaði
mikill, sem sáralítið á skylt við
músík. Cheek to Cheek er ekki
hið gamalkunna lag með sama
nafni. Þetta er nýtt lag, rólegt
og er ekki eins illa sungið og
fyrra lagið. En þetta er „lagið
hinum megin á plötunni" og segir
svo sem ekki neitt.
HMV-hl j ómplata.
Cliff Richard: Lucky Lips og
I Wonder. Lucky Lips er bezta
lagið, sem komið hefur frá Cliff
í marga mánuði og er það mun
betra en beztu lögin hans úr síð-
ustu tveimur kvikmyndunum
hans. Cliff syngur prýðilega á
þessari plötu og Shadows, sem
aðstoða hann eru svo sannarlega
í S-inu sínu. Síðara lagið er eftir
Cliff og gítarleikarann Hank
Marvin. Þetta er rólegt lag, all-
sæmilegt, þó efast megi um, að
það nái vinsældum. Shadows að-
stoða Cliff einnig hér ásamt
strengjasveit og kór.
Fyrra lagið á vafalaust eftir
að verða mjög vinsælt hjá ungu
kynslóðinni á fslandi, ef þetta
verður þá ekki lagið, sem verður
CLIFF RICHARD.
allsráðandi í „Lögum unga
fólksins" í sumar.
Columbia-hljómplata frá Fálk-
anum.
The Boys: Jumpin og Polaris.
Hér er á ferðinni ein hinna
mörgu hljómsveita, sem stælir
meistarana „The Shadows", nema
hvað „The Boys“ nota píanó í
sinni hljómsveit. Lögin á þess-
ari plötu eru rokklög, sem ekki
eru neitt sérstakt, svona lög
hljóta sæmilega góðir hljóð-
færaleikarar að geta samið án
þess að taka hendurnar úr vös-
um, en rokk er þetta, hörku-
rok(k).
Parlophone-plata.
The Exciters: He‘s got the
power og Drama of love. Enn
einn söngkvennaflokkurinn, en
þær eru ekki svo vitlausar þess-
ar, syngja hressilega og nokkurn
veginn ófalskt. Fyrra lagið er
sérlega fjörugt og skemmtilegt
en síoara lagið hins vegar lötur-
hægt og sérkennilegt. Líklega
verður það nú fyrra lagið, sem
á eftir að selja þessa plötu.
United Artists-plata úr Fálk-
anum, Laugavegi.
The Federals: Boot Hill og
Keep on dancing with me. Fyrra
lagið er byggt upp eins og lagið
Telstar, sem Tornados gerðu
frægt. Þessi hljómsveit notar
svipaða hljóðfæraskipan, með
rafmagnsorgel og gítar sem aðal
hljóðfæri. Lagið er hins vegar
hvorki skemmtilegt né frumlegt.
Síðara lagið bjargar þó plöt-
unni, það er sungið af Tony
Bolton, sem er einn hljóðfæra-
leikaranna í hljómsveitinni, söng-
urinn er allgóður, en lagið enn
betra og undirleikurinn einkar
skemmtilegur.
Parlophone-plata.
Harmonica Fats: Tore up og
I get so tired. Lögin, söngur og
útsetningar á þessari plötu, er
allt í Fats Domino-stílnum, nema
hvað þessi lög segja ekki neitt.
undirleikur óvandaður og söng-
urinn hjá Harmonica Fats hljóm-
ar eins og hann hafi gleypt sem-
entshrærivél, óheppni að hún
skyldi ekki standa í honum.
Þetta er Stateside-hljómplata og
Framhald á bls. 35.
Arabar eru eins og kunnugt er, afar blóðheitir og ofsafengnir í
gleði og sorgum. Lítið ágreiningsefni getur orsakað blóðug átök.
í Arabaríkinu Yemen búa 4.5 milljónir manna og þar ríkti harð-
snúinn einvaldur, Ahmeð kóngur. Svo var það, að uppreisn var
gerð undir foryztu Sallal hershöfðingja og kóngurinn myrtur. En
syni kóngsins, E1 Badr, tókst að komast undan, klæddur sem kona.
Bedúínarnir, eyðimerkurbændurnir, vildu fá kóngssoninn til valda
og E1 Badr reyndi að ná völdum með þeirra hjálp. Þá börðust menn
hans við nútíma hergögn, sem ættuð voru frá Nasser.
En E1 Badr var ekki aðeins tilvonandi kóngur fyrir þessa tryggu
Bedúína. Hann var um leið trúarlegur leiðtogi þeirra. Og hvert
kvöld á sama tíma, gerði hann hlé á bardögum. Þá sneri hann sér
í áttina til Mekka ásamt mannafla sínum, lét sig fallast fram í auð-
mýkt og bað Allah um styrk til að berjast.
ANITA ER ÞREKLEG.
Það cr afar fínt að lifa f Róm ekki síður cn deyja þar, sem ku vera hámark
allrar lífsnautnar. Róm hefur nú tekið við foryztuhlutverki í kvikmyndaiðn-
aðinum af Hollywood og allar stjörnur, sem skærast skina, Iáta sig ekki drcyma
um að eiga annarsstaðar heima. Ein þeirra er Anita Ekbcrg, sem frægust varð
fyrir leik sinn í La dolcc vita. Hún hefur þótt brokkgeng í meira Iagi, síðan
hún skildi við Anthony Steel fyrir fjórum árum. En nú er hún gengin út að
nýju, blessunin þessi, enda farin að verða dálítið fyrirferðarmikil á vissum
stöðum líkamans. Nýi maðurinn er Kani og heitir Rick von Nutter. Þau eru
hér á baðströnd sunnan við Róm og lítur helzt út fyrir, að eiginmaðurinn sé
strax orðinn áhyggjufullur af þreklagum vcxti frúarinnar. V7
Eins dauði annars brauð.
Hún heitir Sibylle, er 18 ára og
frönsk. Allt er það harla gott. En það
bezta af öllu er það, að hún er lifandi
eftirmynd hennar Marilyn sálugu
Monroe. Og nú leggur ungfrúin á það
alla áherzlu, að kópíera útlit þeirrar
heimsfrægu en ógæfusömu leikkonu.
Hárið hefur hún mátulega úfið, augun
alltaf lokuð til hálfs og munnurinn
verður alltaf að vera opinn eins og
sézt á myndinni. Já, það er mikið,
hvað sumt fólk verður að leggja á
sig. Vonandi verður það ábatasamt
fyrir ungfrú Sibylle. •
VIKAN 30. tbl. —